Read Fulfulded Jabuura 116 Bible Online

Jabuura 116 - Fulfulded bible

Jabuura 116

¹Mi yiɗi Jawmiraawo, ngam o nani tornde am,

²o heɗitake yam. Mi toroto mo balɗe am fuu.

³Waade haɓɓi yam bee ɓoggi mum, joonde maayɓe ukkani yam saklere, mi fotti bee ɓillaare e suno.

⁴Nden ewniimi innde Jawmiraawo: “Yaa Jawmiraawo, useni, hisnam!”

⁵Jawmiraawo woni kinnotooɗo, adiliijo, Allah men woni enɗoowo.

⁶Jawmiraawo ɗon ayna humaki'en, yaake mi tampuɗo, o walli yam.

⁷Ɓernde am, de'itu, ngam Jawmiraawo woonani yam!

⁸A hisni yam maayde, woosti gonɗi am, haɗi kosɗe am fergaago.

⁹Jonta mi ɗon yeeɗa yeeso Jawmiraawo nder lesdi yeeɗɓe.

¹⁰Mi wi'no: “Mi ɗon tampi masin.” Nder saklere am mbi'mi: “Yimɓe fuu ɗon pewa.” Bee man fuu mi ɗon nuɗɗini Allah Jawmiraawo.

¹²Ɗume mbaawanmi hokkugo Jawmiraawo ngam kuuɗe booɗɗe ɗe o huuwi ngam am fuu?

¹³Mi lii'anto Jawmiraawo dokkal dufeteeŋgal ngam o hisni yam, mi ewnoto innde maako.

¹⁴Mi hebbinanan Jawmiraawo togayeeje am yeeso ummaatoore maako fuu.

¹⁵To gooto nder hoolaaɓe Jawmiraawo maayi, ɗum naawan Jawmiraawo masin.

¹⁶Yaa Jawmiraawo, mi maccuɗo ma. Mi maccuɗo ma, ɓii korɗo ma, an a rimɗini yam.

¹⁷Mi yettete bee kirseteeŋga, mi ewnoto innde ma.

¹⁸Mi hebbitinan togayeere am heedi Jawmiraawo haa yeeso ummaatoore maako,

¹⁹haa dalde haykaliiru Jawmiraawo nder Urusaliima. Halleluya!