Read Fulfulded Jabuura 85 Bible Online

Jabuura 85 - Fulfulded bible

Jabuura 85

¹Ngam kaliifaajo gime. Yimre nde ɓiɓɓe Koora.

²Yaa Jawmiraawo, a mo'ani lesdi ma, a wartiri yimɓe Yaakubu diga jeyaaŋgu.

³A yaafi aybeeji ummaatoore ma, a suddi hakkeeji maare fuu.

⁴A acci ɓernango min, a ittani min ɓernuki ma caatuki.

⁵Hooru min, yaa Allah, Kisnoowo min, accu ɓernango min.

⁶Malla a tokkoto ɓernango min haa foroy na? Ɓernuki ma duuran diga yidere haa yidere na?

⁷A yeeɗitintaa min haa yimɓe ma ceyoro ma na?

⁸Woonan min, yaa Jawmiraawo! Hokku min kisndam ma!

⁹Mi ɗon heɗito ko Allah Jawmiraawo wi'ata. O ɗon wolwana ummaatoore maako e hoolaaɓe maako haala salaaman, to ɓe puɗɗitaay faataare maɓɓe.

¹⁰Fakat, o taaskake hisnugo hulɓe mo, haa tedduŋgal maako jooɗo nder lesdi men.

¹¹Mbooɗeeŋga e gooŋgaaku pottan, adilaaku e salaaman kawtan.

¹²Gooŋgaaku fuɗan diga lesdi, adilaaku ɗon jimmito diga asama.

¹³Jawmiraawo hokkan en hayru, lesdi men boo rimanan en ƴaamle.

¹⁴Adilaaku ardoto Jawmiraawo, taaskitinan laawol ngol o tokkoto.