Read Fulfulded Jabuura 91 Bible Online

Jabuura 91 - Fulfulded bible

Jabuura 91

¹Jooɗotooɗo haa suuɗirde Ɓaŋiiɗo, siwtoto les aynuki Baawɗo,

²wi'an Jawmiraawo: “An woni hisrude am e suudu am semmbiɗndu, an woni Allah am, mi ɗon hoolo ma.”

³Fakat, o hisnete e tuuforli, o hisnete nyawu kalluŋgu ndaaɓoowu boo.

⁴O suddete bee bileeji maako, a nyukkoto les maaji. Hoolaare maako faddete bana wawarde faddirta.

⁵A hulataa kuuje kulniiɗe bee jemma malla kuri piɗaaɗi nyalawma.

⁶A hulataa nyawu kalluŋgu ngiilotooŋgu nder nyiɓre malla nyawuji mbarooji caka nyalawma.

⁷To yimɓe ujineere ndo'ake kommbi ma, koo ujine sappo boo, an kam a naawnataako.

⁸A yi'an bee gite ma no Allah warjorto halluɓe.

⁹Yaa Jawmiraawo, an woni hisrude am! To a hoolake Allah Ɓaŋiiɗo woni aynoowo ma,

¹⁰nden kam a fottataa bee sarru, masiibo ɓaditittaako saare ma.

¹¹Ngam Allah umran malaa'ika'en muuɗum ngam maaɗa, ɓe ayne dow laabi ma fuu.

¹²Ɓe taɓɓo ma bee juuɗe maɓɓe, ngam taa kosŋgal ma fergo hayre.

¹³A yaaɓan dow barooɗe e poosokje, a damman barooɗe cemmbiɗɗe e kuuje kulniiɗe nder mbeela.

¹⁴Nde o ɗakkotiri bee am, mi rimɗinan mo, mi aynan mo nde o anndi yam.

¹⁵To o torake yam, mi jaaboto mo. mi wondan bee maako nder ɓillaare, mi hisnan mo, mi teddinan mo.

¹⁶Mi juttinan balɗe maako, o saftan duuɓi, mi waŋginanan mo kisndam am.