Read Fulfulded Jabuura 94 Bible Online

Jabuura 94 - Fulfulded bible

Jabuura 94

¹Yaa Jawmiraawo, an woni Allah baatoowo! Waŋgin ɓernuki ma, yaa Allah baatoowo!

²An woni kiitoowo duniyaaru, umma, warja kuuɗe mawnitiiɓe!

³Haa ndey seyo halluɓe tokkoto, yaa Jawmiraawo? Haa ndey ɗum duurata?

⁴Ɓe ɗon ɓula bolle mawnitiiɗe, waɗooɓe zunuuba fuu ɗon mawnito.

⁵Ɓe ɗon nama ummaatoore ma, yaa Jawmiraawo, ɓe ɗon toska yimɓe laatiiɓe maral ma.

⁶Ɓe ɗon mbara rewɓe yurumɓe e hoɗɓe, non boo atiime'en.

⁷Nden ɓe mbi'a, Jawmiraawo yi'ataa ɓe, Allah Isra'iila hakkilantaa ɗum.

⁸Onon humaki'en nder ummaatoore, nume booɗɗum! Onon faataaɓe, ndey keɓoton hakkiilo?

⁹Allah hokki en noppi. Kadi o nanataa na? O tagani en gite. Kadi o yi'ataa na?

¹⁰Kaŋko eltoowo ummaatooje. Kadi o he'aay hiitaago na? Naa kaŋko ekkitinta yimɓe fuu anndal na?

¹¹Fakat Jawmiraawo anndi numooji yimɓe, ɗi meereeji.

¹²Yaa Jawmiraawo, barka laatanto neɗɗo mo a eltata ɗum, mo ekkitinta ɗum tawreeta ma.

¹³O jooɗoto nder de'ere to saklere ukkanake mo, ammaa halluɓe kam, yenaande wasete ngam maɓɓe.

¹⁴Ngam Jawmiraawo wudintaa ummaatoore mum, o accataa yimɓe laatiiɓe maral maako.

¹⁵Gooŋga wartan haa nokkuuje kiita, gooŋɗa-ɓerɗe'en fuu tokkoto ka.

¹⁶Moy seetti yam, nde halluɓe ngulli yam? Moy walli yam, nde waɗooɓe zunuuba ukkani yam?

¹⁷To Jawmiraawo wallaayno yam, mi nastanno law nder joonde maayɓe.

¹⁸Koo to mi wi'i mi do'ake, mbooɗeeŋga ma, yaa Jawmiraawo ɗon jogi yam.

¹⁹To cakle ɗuuɗanake yam, a de'itinan ɓernde am, a seynatam.

²⁰Ɗume hawti ma bee hiitortooɓe fewre? Ɓe ɗon kuuwtinira tawreeta ngam toonyaago yimɓe.

²¹Ɓe ɗon kawta ngam hippaago adili'en, ɓe ɗon njowana laaɓɓe kiita mbareego.

²²Ammaa Jawmiraawo woni hisrude am townde, Allah am woni tapaare hisrude am.

²³O hiitoto ɓe ngam halleende maɓɓe, o halkan ɓe ngam zunuuba maɓɓe. Jawmiraawo Allah men nattinan ɓe!