Read Fulfulded Jabuura 95 Bible Online

Jabuura 95 - Fulfulded bible

Jabuura 95

¹Ngare, ngimanen Jawmiraawo bee seyo! Maŋgten tapaare men hisnoore.

²En ɓadito mo bee gettooje, en ngimana mo jabuuraaje.

³Ngam Jawmiraawo o Allah mawɗo, o laamiiɗo mawɗo dow ɗowanteeɓe fuu.

⁴Kaŋko mari duniyaaru fuu, diga nokkuuje lugguɗe haa kooseeje towɗe.

⁵Kaŋko mari mbeela, ngam o tagi nga, o mari lesdi njoorndi boo, ngam juŋngo maako tami ndi.

⁶Ngare, cujidanen mo, tuggen koppi yeeso Jawmiraawo, tagɗo en.

⁷Ngam kaŋko woni Allah men, enen boo en tokkere baali maako ɗi o aynata. Hannde nane ko o wi'ata on:

⁸“Taa caatine ko'e mon bana kaakiraaɓe mon mbaɗno haa Meriba, bana nyannde ɓe ngonno haa Massa nder ladde.

⁹Ton kaakiraaɓe mon poondi munyal am, koo nde ɓe ngi'no kuuɗe am.

¹⁰Duuɓi cappanɗe nayi yimɓe yidere nde'e laatani yam nyidduɓe. Mi wi'i: Yimɓe ɓe'e ɓe majjuɓe, ɓe anndaa laawol am.

¹¹Ngam maajum, mi huni nder tikkere am: Fakat ɓe nastataa siwtaare am sam!”