Read Fulfulded Sirasid 14 Bible Online

Sirasid 14 - Fulfulded bible

Sirasid 14

¹Seyo woodani naŋgtiiɗo ɗemŋgal mum ngam o hisan aybe!

²Seyo woodani mo hakkiilo mum hiitaaki ɗum e mo tammunde mum ittaay! Suuno e ndiŋaare

³Haa goɗɗo ndiŋaajo, risku wooɗaay. Ɗume njawdi man nafata to o sigan ndi ngam hoore maako?

⁴Ɗawɗo hoore mum mooɓtugo jawle huuwanan yimɓe tan: Kamɓe tan tammi nango belɗum maaje.

⁵To a caatuɗo dow hoore ma, haa moy a hollata mbooɗeeŋga ma? No ɗum laatori fuu a nanataa belɗum jawdi ma.

⁶Yarnugo hoore mum bone, kanjum ɓurata saatugo. ɗum ngeenaari nganyaandi mum.

⁷To ndiŋaajo waɗi booɗɗum, o waɗaay ɗum bee anniya. Ragare man, o hollan nganyaandi maako.

⁸Bee daarɗe maako ɗe suuno, walaa ko o nafata. O waɗan bana to o laaraay koo moy fuu, ammaa boo o yawan ɓe.

⁹Yiitere suunomaajo neemortaako geɗal mum, suuno man yoornan ɓernde mum.

¹⁰Ndiŋaajo senndataa nyaamdu mum bee koyɗum, koo haa taabal maako, a tawataa ndu! Yeeɗgo bee duniyaaru

¹¹Ɓiŋngel am, to a bee daliilaaji, aynu hoore ma booɗɗum. To a bee dabare, nyaam nyaamdu woondu.

¹²Taa yejjitit boo, waade waran yeeso seɗɗa, a anndaa boo sarti mo o ta'ani ma.

¹³Hiddeko maaya, huuwan soobaajo ma mbooɗeeŋga deydey baawɗe ma, laata caahiiɗo heedi maako.

¹⁴Taa haɗan hoore ma seyo koo famaro, taa ɗal humtugo suuno ma kaanduŋgo to laawol hokkanake ma.

¹⁵A anndi fakat a tammi ɗalango yimɓe feere nafuuda kuugal ma e ronanɓe ma boo cenndan ɗum bee caaca.

¹⁶Hokku malla jaɓ: Seynu hoore ma bana nii. Ngam haa joonde maayɓe walaa belɗum goɗɗo heɓataa.

¹⁷Ngeendam timman bana toggoore. Umroore nde'e ɗon foroy: “A tammi maaygo!”

¹⁸Haa lekki cukkuki, haakooji feere puɗan, goɗɗi boo ndo'oto. Nii non gide yimɓe boo: Woɗɓe maayan, woɗɓe boo ndanyete.

¹⁹Ko yimɓe mbaɗi fuu wartan collaaje, gaɗɗo koo ɗume fuu majjan bee ko o waɗi. Tefgo hikma

²⁰Seyo woodani cuklaniiɗo tefgo hikma e numanɗo boo bee huuwtinirgo hakkiilo maako!

²¹O ƴaman toy laawol hikma, o numan dow sirriiji maaka.

²²O tokkoto hikma dow laawol bana gawjo. O waatanan ngol hakkiilo haa ngol saaloto.

²³O yurnoto haa wurnde suudu, o heɗititto haa dammugal maaka.

²⁴O jooɗoto baŋnge saare maaka, o weeran les mahi maaka.

²⁵O tiggan daŋki maako ɓadiiɗum kommbi maaka, o jippoto haa saare seyiinde.

²⁶O waɗan saɓɓo maako les ɗuworde maaka, o jooɗoto dow lice maaka.