Read Fulfulded Sirasid 22 Bible Online

Sirasid 22 - Fulfulded bible

Sirasid 22

¹Meereejo Meereejo nanndi bee hayre nde bu'e ɓakki ɗum, koo moy fuu luutan nde, nefan nde.

²O nanndi boo bee joorde dubbuɗe: Koo moy to meemi nde, sey yigga juŋngo mum. Ɓikkoy koy eltaaka booɗɗum

³Ɗum cemtuɗum ngam baaba marɗo ɓiɗɗo mo eltaaka! Ɗum tullan to ɗum ɓiɗɗo debbo.

⁴Debbo marɗo hakkiilo heɓan gorko, ammaa ɓiɗɗo debbo mo semtataa suklan baaba mum!

⁵Debbo mo semtataa semtinan baaba mum e gorko mum. Walaa ne'anɗo mo caka maɓɓe.

⁶Felgo mo nanndi bee wamgo e yimgo haa maayiti. Ammaa ɓoccol e jaŋngirde saatunde, ɗum hikma koo ndey fuu!

⁷Ɓikkoy markoy joonde laaɓnde, walaa ko ŋakkani koy, ɓe ngejjitan joonde saaro'en maɓɓe laafunde.

⁸Ɓikkoy nanaroy, koy eltaaka booɗɗum, markoy mawnitaare, ɗon coɓna daraja saaro'en maakoy. Bilkaare walaa kurgun

⁹Jaŋngingo humakiijo nanndi bee takkugo fayannde pusnde malla findingo ɗaaniiɗo ɗoyɗi lugguɗi.

¹⁰Wolwango humakiijo ɗon bana wolwango ɗaaniiɗo: O fina o ƴame: “Ɗum ɗume?”

¹¹Woy ngam daliila maayɗo ngam o walaa annoora. Ammaa woy dow humakiijo ngam o walaa faamu. Taa woy jamum dow maayɗo ngam o heɓi siwtaare. Ammaa ngeendam humakiijo tullan maayde.

¹²To goɗɗo maayi, en njooɗoto maayiti asaweere ammaa ngam humakiijo malla jawiiɗo Allah, en ɗon nder maayiti haa fodde ngeendam maako.

¹³Taa wolwu jur bee mo walaa hakkiilo, taa yah fottugo bee bilkiijo: Ngam mo walaa hakkiilo semtinte. Daaya mo ngam a hisa ɓillaare e ngam taa kallina hoore ma to o ɗon dimmbo. Daaya mo to a yiɗi heɓgo jam, bilkaare maako boo mettintaa ɓernde ma.

¹⁴Ɗume ɓurata njamndi ndifri teddugo? Jaawaabu man, ɗum humakiijo.

¹⁵Sottingo buhuure njaareendi malla mannda malla njamndi teddundi ɓuri hoygo dow sottingo humakiijo.

¹⁶Tiitol suudu kaɓɓaaŋgol booɗɗum dimmbataako koo to lesdi dimmbake. Non boo jogiiɗo nufaye mum bee ɓernde woore dimmbataako sam.

¹⁷Anniya iwka dow numo lugguŋgo saatan bana loope ɗe ɓe ɓakkiri mahol.

¹⁸Kaa'on pamaron ɗisaakon dow mahol ndo'oto to henndu semmbiɗndu wifi. Non innu cukliiɗo bee numooji paataaɗi: Ko hulni mo fuu o do'oto! Aynugo soobaaku

¹⁹Fiyannde haa yiitere waɗan gonɗi, fiyannde haa ɓernde wurtinan haali.

²⁰Sakkingo kaa'e dow colli fartan ɗi. Felgo soobaajo mbaran soobaaku.

²¹To a hulni soobaajo ma bee laɓi, walaa ko waɗata, a waawan mo'itingo aybe man.

²²To on njokkiri boo, taa hul, on poti on culhindira. Ammaa huɗgo mo, yawgo mo, feftugo sirri maako malla huuwugo ɓaawo maako, fartan koo soobaajo koo moye.

²³To keeddu ma laafuɗo, o tammorte. to ɗum welti gal maako, a tammorto mo. Taa senndir bee maako to o ɗon nder ɓillaare. To o roni, a naftorto mo. Taa njawen sifa goɗɗo ngam o laafuɗo malla taa manen diskuɗo mo walaa hakkiilo.

²⁴To en ngi'i cuurgol malla cuurka, en cekan yiite ɗon. Non boo to en nani kuudi, dufki ƴiiƴam daayataako.

²⁵Mi hulataa wallugo soobaajo am, to o mari haaje am, mi doggataa mo.

²⁶Ammaa to mi ɗon ɓilla ngam daliila maako, nananɓe ka fuu ndaayoto mo. Tornde ngam laataago naŋgtiiɗo

²⁷Mi mari haaje aynoowo, kakkilananɗo ko mbi'anmi e maɓɓananɗo yam hunnduko. Nii kam, mi hisan haɓɓeego daliila boliiɗe am e halkeego bee ko mbi'anmi.