Read Fulfulded Sirasid 29 Bible Online

Sirasid 29 - Fulfulded bible

Sirasid 29

¹Joote nyamaande Caahiiɗo laafuɓe hokkan nyamaande haa keeddiɗɗiiko boo. Wallugo mo, ɗum ɗowtanaago umrooje Allah.

²Jaɓ hokkugo nyamaande haa keeddiɗɗiraawo ma mo ɗon nder ɓillaare, ammaa kaŋko boo o lorna nde nder sarti mo o darni.

³Hebbin iinaaji ma, nden yimɓe kooloto ma. Nde wakkati fuu, a heɓan ko a mari haaje.

⁴Ɗuuɗɓe ɗon ndaara nyamaande nde ɓe ndokki ɓe bana huunde faydaande nde ɓe poti sigaago. Nden ɓe naawnan walluɓe ɓe.

⁵Hiddeko goɗɗo jaɓa nyamaande, o hebboto juuɗe dokkoowo nyamaande man, o leesnan hoore maako ngam wolwugo dow jawdi maako. Ammaa, nde wakkati hokkititgo yotti, o yaawataa, o miccititto, o felan wakkatiiji.

⁶To jaɓoowo nyamaande woodi huunde no o yoɓra nyamaande maako, dokkuɗo mo nyamaande seyan ngam o heɓan koo reeta. Ammaa to naa non, o laatoto goɗɗo mo ɓe laɓɓini jawdi maako, o waɗani hoore maako konneejo dow meere. O heɓan sey naalooje e kuudi. Dow ɓe teddina mo, ɓe ɗon njoɓa mo bee yawaare.

⁷Ngam maajum ɗuuɗɓe ɗon cala hokkugo nyamaande, naa ngam halleende ammaa ngam haa ɓe kisa jaɓteego meere. Hokkugo dokke nafan

⁸Sey a laato munyɗo heedi laafuɓe, taa ɓe neeɓa reenugo caahu ma.

⁹Ngam ɗowtanaago umroore Allah, sey a walla laafuɓe. Nder ɓillaare maɓɓe, taa riiw ɓe juuɗe meere.

¹⁰Halku ceede ngam deerɗiraawo malla soobaajo, taa nyukkin ɗe les hayre, ɗe mbonnan meere.

¹¹Huuwtinir jawdi ma bana Allah mo asama umri ma. Ɗum ɓuran nafgo dow kaŋŋeeri.

¹²Sigan laafuɓe dokke nder beembe ma. Ɗe kisnete masiibo fuu,

¹³ɗe mballete dow konneejo ko ɓuri ndarganaawal cemmbiɗŋgal malla labbo tedduŋgo piw. Dammaaniiɓe

¹⁴Haani adiliijo fiyana keeddiɗɗiraawo mum dammaana. Mo yeebi keeddiɗɗiraawo mum halki neɗɗaaku.

¹⁵To goɗɗo fiyani ma dammaana, taa yejjitit mbooɗeeŋga maako, ngam o haɓɓi alkawal bee maaɗa.

¹⁶Kalluɗo tan halkan jawdi dammaaniiɗo.

¹⁷Gettaro tan wudinta gurtinɗo mo bone.

¹⁸Ammaa fiygo dammaana halki adili'en ɗuuɗɓe, ɗum dimmbi ɓe bana naargewol. Kanjum dahi laaɓa-ɓerɗe'en ɗuuɗɓe diga lesdi muuɗum'en, kanjum yiilni ɓe haa lesɗe jananɗe.

¹⁹Kalluɗo dammaaniiɗo goɗɗo, o naŋngeteeɗo ngam to o ɗaɓɓiti riba ɗuuɗka, o do'eteeɗo kiita.

²⁰Fodde jawdi ma, suklana keeddiɗɗa, ammaa hakkil taa a do'o nder tuuforgol.

²¹Ngam yeeɗgo, sey ndiyam, nyaamdu e limce. Kanjum laati haajeeji marɗi saman, non boo saare, nde hisnan en daarɗe yimɓe.

²²Ndikka joonde laafere mum nder suudu loope, dow nyaamdu welndu haa saare janannde.

²³Koo a woodi seɗɗa malla ɗuuɗɗum, seyora ko marɗa, walaa pelanɗo ma ngam a laati naatalmaajo.

²⁴Yahgo saare saare, ɗum joonde yurumnde. To a wonaay haa saare ma, a marataa baawɗe wolwugo.

²⁵A senndan nyaamdu e njaram, ammaa walaa gettanɗo ma. Ko tulli boo a nanan boliiɗe mettuɗe ɗe'e:

²⁶“War haa ɗo jananno, waddu paasinnja! Hokkam mi nyaama ko njogiiɗa!

²⁷Yaasi jananno! Mi woodi koɗo tedduɗo, mi ɗon reena deerɗiraawo am e mi mari haaje suudu!”

²⁸Haa kakkilɗo, ɗum naawɗum feleego bana nii: A naatalmaajo malla huɗeego: A nyaamoowo riba.