Read Fulfulded Sirasid 38 Bible Online

Sirasid 38 - Fulfulded bible

Sirasid 38

¹Kurgoowo e nyawu Teddin kurgoowo ngam o ɗon huuwana yimɓe ngam kaŋko boo Jawmiraawo tagi mo.

²Ɓaŋiiɗo hokki mo anndal hurgugo bana caahu ngu goɗɗo heɓi diga laamiiɗo.

³Kurgoowo mawnititto ngam anndal muuɗum, tedduɓe maŋgtan ɗum boo.

⁴Leɗɗe kurganɗe iwi haa lesdi: Jawmiraawo tagi ɗe. Kakkilɗo yawataako ɗe.

⁵Naa bee leggal Muusa laɓɓini ndiyam ngam yimɓe paama baawɗe Allah?

⁶Jawmiraawo hokki yimɓe anndal ngam ɓe maŋgta kaayeefiiji maako.

⁷Gal kuuɗe booɗɗe ɗe'e, gaɗoowo lekki jillindira leɗɗe man, nden kurgoowo hurgan e hoynan naawral. Fakat Allah huuwan bana nii: Nder duniyaaru fuu njamu iwi haa maako.

⁹Ɓiŋngel am, to a nyawi, taa yeeba hoore ma, ammaa tora Jawmiraawo, o yamɗitinte.

¹⁰Accu aybeeji ma, huuw bee laawol, nden laɓɓin ɓernde ma e aybeeji ma fuu.

¹¹Hokku Allah tamndannde kuroori bee ɗaccere alud e nebbam to a woodi semmbe.

¹²Nden ɗal kurgoowo huuwa ngam kaŋko boo Jawmiraawo tagi mo. Sey kurgoowo jooɗo baŋnge ma ngam a ɗon bee haaje maako.

¹³Wapaka, hurgooɓe ngoodi dabareeji hurgaago.

¹⁴Ngam kamɓe boo ɓe toroto Allah duŋana ɓe ɓe koynana nyawɗo, ɓe njamɗitina mo haa o yeeɗa.

¹⁵To goɗɗo huuwi kalluɗum dow tagɗo ɗum, sey o nasta haa juuɗe kurgoowo! Joonde nder maayiti

¹⁶Ɓiŋngel am, woy to goɗɗo maayi. Bana naawreeŋga maŋnga, siŋku bee gimol bojji. Aynu ɓanndu maayɗo bana no haani, taa yeeba yenaande maako.

¹⁷Sey bojji ma waŋgina naawreeŋga ɓernde ma! Fiy wiɓɓere ma bee semmbe. Neeɓ haa maayiti: Nyalaade malla balɗe ɗiɗi ngam hisgo peƴƴooje? Nden de'itin hoore ma e naawreeŋga maajum.

¹⁸Naawreeŋga maajum yerɓan haa maayde: Ɓernde mettunde timminan semmbe ma fuu.

¹⁹Laataago jurumɗo ɓesdan naawreeŋga ɓernde, goɗɗo numan o naalaaɗo ngam o laafuɗo.

²⁰Taa ɗal hoore ma nder mettamɓeram, fartu ɗum, nden num garanɗum.

²¹Taa yejjitit: Maayɓe lorataako. Suno ma maŋngo nafataa maayɗo, hoore ma torrata.

²²Siftor hoddiroore maako laatoto boo nde ma: Ɗum geɗal maako keenya, ngal ma hannde.

²³To goɗɗo yottake siwtorde mum ragareere, siwta, accu numgo dow maako. Nde poofɗe maako timmi, de'itin hoore ma. Saɗirmaaji kuuɗe e sanaa'aaji

²⁴Binndoowo heɓan hikma wakkati pijirle, mo suklaaki jamum, laatoto hikmaajo.

²⁵Ammaa noy demoowo heɓata ɗum? Huunde woore seynata mo: Jogaago baaneewo, ɓoccugo ga'i haa ɗi njaha, tiinaago nde weeti fuu dow kuuɗe ɗe'e. Ngeewta maako tum ngoota: Ga'i maako.

²⁶Ko o numata tum: Waɗgo diŋiiji maako. Nden o hiiran tum nyaamnugo na'i maako.

²⁷Bana nii boo cehoowo e mahoowo: Ɓe ɗon nder kuugal naaŋge e jemma fuu. Bana tafoowo kaatummeeje boo, o tiinoto feerɗindirgo suuraaji. O ɗon sukli ngam wooɗingo kuugal maako, ɗon hiira timmingo ngal.

²⁸Non boo gudiijo, jooɗiiɗo baŋnge waylirde: O ɗon tiini dow njamndi ndi o tappata. Nguleeŋga yiite ɗon ilna gulɗum haa yeeso maako, ammaa doole o haɓdan bee nguleeŋga kaatinɗe. Haraka tappirɗum maako ɗon sukka mo noppi, gite maako sottataa dow huunde nde o waɗata. Bee tiinaare dow kuugal maako, o ɗon hiira ngam wo'ingo ngal.

²⁹Non boo mahoowo payanɗe: O jiiɓan loope bee kosɗe maako, o cukliiɗo tum nder sanaa'a maako, o haɓdan bee semmbe maako fuu ngam mahgo payanɗe ɗuuɗɗe.

³⁰Bee juuɗe maako, o ɗon takka loope ɗe kosɗe maako njiiɓi. O tiiniiɗo ngam waɗgo pawne, o nyallan wo'itingo huɓɓirde.

³¹Yimɓe ɓe'e fuu ɗon koolo kirseeku muuɗum'en, koo moy maɓɓe fuu laati mawɗo masin nder kuugal mum.

³²To ɓe ngalaano, en mbaawataa nyiɓgo berniwol malla jooɗaago nder maagol malla yiilaago nder maagol. Ammaa to yimɓe mooɓtake ngam sawari, ɓe ƴamataa ɓe sam.

³³Haa jama'aare, ɓe laatataako ardiiɓe. Ɓe ngalaa babal haa suudu kiita, koo ko ɓe paamata haa Tawreeta e kiitaaji. Walaa ko ɓe anndi dow haala jaŋngirde e kiitaaji, naa kamɓe boo ngaɗata balndi.

³⁴Ammaa kamɓe ɓe tiinoto tefgo jawdi, ɓe toro sonaa ngam kuugal maɓɓe. Nafuudaaji binndoowo Ɗum yahdaay bee mo ɗon tiini tokkaago Tawreeta Ɓaŋiiɗo,