Read Fulfulded Sirasid 41 Bible Online

Sirasid 41 - Fulfulded bible

Sirasid 41

¹Maayde Kayto maayde! Ɗum mettuɗum numgo dow maaɗa to yimɓe ɗon nde'iti caka jawle muuɗum'en, to ɓe ngalaa ɓilla e koo ɗume fuu hoyani ɓe e to ɓe mbaawan yerdaago belɗi duniyaaru!

²Kayto maayde! Hoddiroore ma laato bee wakkati man dow neɗɗo bilaa jawdi e mo semmbe mum timmi, dow nayeejo, torraaɗo bee numooji, dow tuurtuɗo mo walaa munyal!

³Ɓiŋngel am, taa hul maayde to nde taaski wargo. Num dow aartuɓe ma e dow waranɓe ɓaawo ma.

⁴Maaygo ɗum hoddiroore nde Jawmiraawo hoddirani tagdi fuu. Ngam ɗume salaago ko Ɓaŋiiɗo hoddirani yimɓe fuu? To balɗe ma njuutan deydey duuɓi sappo, duuɓi teemerre malla ujineere, nder joonde maayɓe ɓe cuklantaako ɗum. Hoddiroore hakke'en

⁵Ɓiɓɓe hakke'en laatoto ɓiɓɓe wanyaaɓe, saalinanɓe wakkati maɓɓe nder saare yedduɓe Allah.

⁶Ndonŋgu maɓɓe halkan e toskaare tokkoto ruutu maɓɓe.

⁷Baaba gedduɗo Allah yiidan bee feloore ɓikkoy mum ngam o ɗon semtina ɓe.

⁸Bone laatanto on, onon yedduɓe Allah e wudinɓe Tawreeta maako!

⁹To on ɓesdake, ɗum waddanan on halkere, on ndanyaama ngam naaloore e to on maayi naaloore laatoto geɗal mooɗon.

¹⁰Ko iwi haa lesdi loroto haa lesdi. Non ɗum laatanto yedduɓe Allah: Ɓe ngonan nder naaloore, nden nder nattere. Daraja

¹¹To goɗɗo maayi, wakkati maayiti ɗon, ammaa innde hallunde wilataako.

¹²Hakkilan innde ma ngam nde luttan ɓaawo ma ko ɓuri jawe kaŋŋeeri ujineere.

¹³Joonde welnde neeɓan balɗe seɗɗa tan ammaa nannanti booɗɗo duumoto. Ɗume foti semtingo en?

¹⁴Ɓikkoy am, cige jaŋngirde nde ndokkumi on. Hikma cuuɗiika malla boo ndesaari cuuɗiindi, ɗume ɗum nafata? Ɗiɗi fuu ngalaa nafuuda.

¹⁵Ndikka cuuɗanɗo faataare mum dow cuuɗanɗo hikma mum.

¹⁶Ndaa haa mi wolwana on dow ko goɗɗo semtata. Haanaay semtugo foroy e boo naa yimɓe fuu ndaardata huunde bee laawol gootol.

¹⁷Ndaa ko cemtoton: Yeeɗugo nder daakaareeku yeeso saaro'en mon, fewgo yeeso ardiiɓe lesdi mon,

¹⁸waɗgo aybe yeeso hiitooɓe, luutgo umroore Allah yeeso jama'aare nuɗɗinɓe, waɗgo aybe yeeso ngorgiraawo ma malla soobaajo ma,

¹⁹wujjugo yeeso heeddiɗɗiraaɓe ma. Cemte yewgo hunayeere malla yewgo amaana, fortugo juŋngo ngam rookaago nyaamdu mon malla salaago ko yimɓe ƴamata on

²⁰malla jeeɗaago to goɗɗo hoofni on. Cemte boo laargo ajabaajo,

²¹wudingo goɗɗo lesdi mon malla jaɓtugo maral goɗɗo feere. Cemte boo laargo debbo goɗɗo feere,

²²muuygo korɗo mon, ko tulli boo ɓaditaago leeso maako. Cemte huɗgo soobiraaɓe mon malla felgo ɓe ngam ɓe mari kuuje ɗe on ndokki ɓe: