Read Fulfulded Sirasid 44 Bible Online

Sirasid 44 - Fulfulded bible

Sirasid 44

¹Yimre ngam tedduŋgal kaakiraaɓe Njobbiten yimɓe tedduɓe, kaakiraaɓe amin fodde gide maɓɓe.

²Jawmiraawo hokki ɓe tedduŋgal maŋngal: Ɗum yimɓe mawɓe diga wakkatiiji ɓooymaaji. Yimɓe tedduɓe wakkati caaliiɗi

³Woodi laamiiɓe ɓe laamani laamuuji muuɗum'en, yimɓe tedduɓe ngam baawɗe muuɗum'en, dawrooɓe semmbiɗɓe daliila anndal muuɗum'en, laarooɓe manaaɓe daliila annabaaku muuɗum'en.

⁴Woodino ardiiɓe annduɓe dawrango jama'aare muuɗum'en, yerima'en boo marɓe anndal lugguŋgal, hikma'en winndanɓe numooji muuɗum'en lugguɗi, jaŋnginooɓe aynooɓe anndal.

⁵Woodino winndooɓe gime ɓelɗe e mboo'en,

⁶yimɓe ɓe risku muuɗum'en laatini semmbiɗɓe, ɓe ɗonno njooɗi nder jam e nder de'eende.

⁷Ɓe fuu maɓɓe, nder wakkati maɓɓe, ɓe teddinaaɓe e ɓe maŋgtaaɓe wakkati ɓe yeeɗɓe.

⁸Innde woɗɓe lutti ɓaawo maɓɓe, haa jonta ɓe ɗon mana ɓe.

⁹Ammaa woɗɓe walaa ko siftorta ɓe. Diga maayde maɓɓe, koo ɗume fuu laati bana ɓe meeɗaay yeeɗgo. Ɓe ngeeɗi ammaa ɓe ɗalaay maandorde, ɓiɓɓe maɓɓe ɓaawo maɓɓe boo bana non. Kaakiraaɓe Isra'iila

¹⁰Kaakiraaɓe amin heewɓe mbooɗeeŋga, min ngejjitaay no ɓe laati adili'en.

¹¹Jawle maɓɓe ndokkaama haa ruutu maɓɓe, taaniraaɓe maɓɓe keɓi ndonŋgu.

¹²Ɓikkoy maɓɓe njogi alkawal. Ɓikkoy koy ɗon ngeeɗa barka maɓɓe.

¹³Lenyol maɓɓe timmataa sam e walaa ko wilata tedduŋgal maɓɓe.

¹⁴Ɓalli maɓɓe ɗon ciwto bee jam nder yenaande, ammaa innde maɓɓe ɗon haa foroy.

¹⁵Koo moy fuu wolwan dow hikma maɓɓe, jama'aare yimanan ɓe maŋgtoore. Anuhu

¹⁶Anuhu fottani Jawmiraawo, nden o ewni mo kommbi maako. Ngam gide garanɗe, o laati misaalu ngeendam waylitaaɗam heedi Allah. Nuuhu

¹⁷Allah faami Nuuhu o adiliijo. Nde kuuje fuu mbilaama, Nuuhu laati fuɗɗoode duniyaaru hesru. Barka maako yimɓe lutti ɓaawo ilam tufaana.

¹⁸Allah waɗi alkawal bee maako haa foroy ngam taa o nelda irin sarru ngu'u fahin ngam wilgo ko yeeɗata fuu. Ibrahiima

¹⁹Ibrahiima laati kaakiraawo mawɗo ngam ummaatooje ɗuuɗɗe, tedduŋgal maako walaa nanndu.

²⁰O ɗowtani umroore Allah Ɓaŋiiɗo mo haɓɓi alkawal bee maako. O waɗi dow ɓanndu maako alaama alkawal waato juulnol. Nde Allah foondi mo, o tawi o adiliijo.

²¹Ngam maajum Allah hunani mo o barkiɗinan ummaatooje fuu barka danygol maako. Fodde alkawal maajum, ɓiɓɓe maako laatoto ɗuuɗɓe bana njaareendi e daraja maɓɓe laatoto bana koode haa asama. Ɓe keɓan maral lesdi njaasndi diga maayo Maaliya haa maayo Cakaawo, diga maayo Efratis haa yotti keerol duniyaaru. Isiyaaku e Yaakubu

²²Barka Ibrahiima, Jawmiraawo haɓɓi boo alkawal bee Isiyaaku ɓiyiiko. Nden o suɓi Yaakubu bana joganɗo alkawal man e keɓananɗo yimɓe fuu barka. O bi'ɗo mo o barkiɗinan mo e o hokkan mo lesdi ngam o mara ndi. O senndi ndi geɓe sappo e ɗiɗi, o senndani ɗe le'i sappo e ɗiɗi. Muusa

²³Caka ɓiɓɓe Yaakubu, Jawmiraawo jo'ini sera goɗɗo booɗɗo mo yimɓe fuu ngerdi ɗum,