Read Fulfulded Sirasid 49 Bible Online

Sirasid 49 - Fulfulded bible

Sirasid 49

¹Yusiya Ɓe ɗon ciftora laamiiɗo Yusiya bana jillindirki uurle belɗe ki jilloowo uurle taaski. Ewnaago innde maako, ɗum belɗum bana njumri nder hunnduko malla boo bana yimre saa'i juulde.

²O tokki laawol booɗŋgol, o dartini jama'aare e o wili dewal labbi.

³Bee ɓernde maako fuu o huucitani Jawmiraawo. Saa'i yimɓe ɗonno ngeeba Tawreeta Allah, o semmbiɗini diina gooŋgaaha. Laamiiɓe Yahuuda sakitiiɓe e annabi Yeremiya

⁴Laamiiɓe fuu ɓesdi waɗgo aybe dow aybe sonaa Daawuda, Hejekiya e Yusiya. Ɓe ngudini Tawreeta Allah Ɓaŋiiɗo, nden laamiiɓe Yahuuda kalki.

⁵Ɓe ndokki semmbe maɓɓe haa jama'aare feere e tedduŋgal maɓɓe boo haa jama'aare janannde.

⁶Jama'aare nde'e wuli berniwol ceniiŋgol ngol Allah suɓno, nde ferwini laabi maagol bana no Yeremiya anndinino

⁷torruɓe mo. Ammaa Allah suɓno mo annabiijo diga o danyaaka ngam ittugo, yibbingo e wilgo e ngam mahitaago e tiggitaago ɓaawoɗon. Ezekiyel

⁸Ezekiyel laari tedduŋgal Jawmiraawo, mo waŋgani mo dow moota pucci keruba'en.

⁹Jawmiraawo siftori Ayuba, tokkiiɗo laawol adilaaku. Annabi'en sappo e ɗiɗo

¹⁰Ko laarani annabi'en sappo e ɗiɗo, koo to i'e maɓɓe ɗon nder yenaande boo, sey Allah hokka ɓe tokkiiɓe! Fakat, ɓe cemmbiɗini jama'aare Yaakubu e ɓe kisni nde ngam ɓe meeɗaay ittugo tammunde. Zorobaabila e Yosuwa

¹¹Noy teddinirgo Zorobaabila laatiiɗo bana haatummeere haa juŋngo Jawmiraawo nyaamo?

¹²Non ɗum laati ngam Yosuwa, ɓii Yosadak. Saa'i maajum, ɓe ɗiɗo fuu ɓe mahiti haykaliiru, ɓe ndarnani Jawmiraawo suudu seniindu ngam tedduŋgal maako duumiiŋgal. Nehemiya

¹³Nehemiya boo acci ciftorki makki. Kaŋko mahiti mahi berniwol amin gibbaaɗi, o sannji dammuɗe e pareeje maagol, nden o wo'itini cuuɗi amin. Yimɓe tedduɓe nder wakkatiiji arani

¹⁴Caka yimɓe ɓe Allah tagi nder duniyaaru fuu, walaa mo foti bee Anuhu ngam o eeŋginaama haa asama.

¹⁵Walaa neɗɗo nannduɗo boo bee Yusufu laatiiɗo ardiiɗo deerɗiraaɓe mum e ballal jama'aare maako boo. I'e maako keɓi hormu maŋngu.

¹⁶Sem e Setu ngoni tedduɓe caka ɓiɓɓe Aadama fuu, ammaa Aadamu ɓuri mawnugo dow tagle ɗe Allah tagi fuu.