Read Fulfulded Sirasid 5 Bible Online

Sirasid 5 - Fulfulded bible

Sirasid 5

¹Mawnitaare diskuɗo e hakkeejo Taa jo'in hoolaare ma dow ko marɗa, taa num boo a he'an hoore ma.

²Taa suno caatuŋgo jaale haa keɓa ko ngiɗɗa.

³Taa mbi'a: Moy waawata umrango yam? Ngam Jawmiraawo hiitete fakat.

⁴Taa mbi'a: “Mi waɗi aybe ammaa walaa ko waɗi yam!” Taa yejjitit munyal Jawmiraawo maŋngal.

⁵To a ɗon yowndindira aybe dow aybe, taa num a heɓan yaafuye maako.

⁶Taa mbi'a: “Mbooɗeeŋga maako mawni, o yaafoto hakkeeji am fuu.” Fakat o mari enɗam, ammaa o mari ɓernuki boo, tikkere maako ukkanto hakke'en.

⁷Taa reen, waylitit heedi Jawmiraawo, taa yerɓu ɗum haa yeeso, ngam ɓernuki maako waŋgan jonta, a laatoto torraaɗo nyalaade kiita.

⁸Taa jo'in hoolaare ma dow jawle ɗe iwɗe mum'en laaɓaay, ngam ɗe nafataa nyalaade ɓillaare. Ngeewta hikmaajo

⁹Taa jartu alkamaari ma nder henndu nduyeeru fuu, taa tokka laawol koo ngolewol fuu bana hakkeejo mo walaa gooŋga haa wolde mum.

¹⁰Taa seku dow ko a numata, mar wolde woore tan.

¹¹Yaaw heɗitaago, ammaa taa yaaw jaabaago.

¹²To woodi ko annduɗa, jaaba ƴamanɗo ma, ammaa to walaa ko annduɗa, maɓɓu hunnduko ma.

¹³To goɗɗo wolwi, o hollan daraja maako malla o tosko, wolde goɗɗo yahran ɗum haa halkere.

¹⁴Taa ɓe manire tuflemaajo, taa zammbu goɗɗo bee wolde ma! Ngam gujjo yiidan bee toskaare, bolwanɗo bee kunnduɗe ɗiɗi heɓan kiita caatuka

¹⁵Daaya aybeeji pamari e mawɗi fuu.