Read Fulfulded Sirasid 7 Bible Online

Sirasid 7 - Fulfulded bible

Sirasid 7

¹Sawariiji booɗɗi To a waɗataa halleende, halleende heɓataa ma.

²Daayta sooynde adilaaku, kayre boo nde daayete.

³To a ɗon aawa sooynde adilaaku, a ƴaamnan nde nde joweeɗiɗi haa kaatorooji ma.

⁴Taa ƴam Jawmiraawo laamu malla laamiiɗo babal kuugal marŋgal tedduŋgal.

⁵Yeeso Jawmiraawo, taa tef gooŋɗingo hoore ma malla yeeso laamiiɗo taa waɗ bana a hikmaajo.

⁶Taa tef laataago kiitoowo to a waawataa ittugo sooynde adilaaku. Nden kam, ɓurɗo ma semmbe doolete, a laatataako goɗɗo daraniiɗo gooŋga bana ngiɗɗa wongo.

⁷Taa haɗ yimɓe wuro ma keɓal: A halkan neɗɗaaku ma yeeso maɓɓe fuu!

⁸Taa waɗ hakke woore nde ɗiɗi, waɗgo nde woore nii he'an laatingo ma aybuɗo.

⁹Taa wi': “Allah Ɓaŋiiɗo jaɓan dokke ɗuuɗɗe ɗe ngaɗanmoomi, o jaɓan ko ndokkumoomi fuu.”

¹⁰Taa semtu to a ɗon toro, taa ngejjita boo enɗugo laafuɓe.

¹¹Taa jal goɗɗo gonɗo nder torra, siftor leestinanɗo e ɓaŋgtanɗo.

¹²Taa tef sargugo deerɗa malla boo soobaajo ma.

¹³Taa few sam. Pewe dow pewe nafataa sam.

¹⁴To a ɗon haa faada ndotti'en, taa wolwu bolle meereeje. To a ɗon toro boo, taa ɗuɗɗin bolle.

¹⁵Taa wanyu kuugal caatuŋgal malla kuugal gese: Allah Ɓaŋiiɗo tagi ɗum ngam men. Soobiraaɓe e saaro'en

¹⁶Taa hawtu bee yimɓe halluɓe: Siftor, ɓernuki Allah daayaaki.

¹⁷Daayta e mawnitaare ngam yiite e gilɗi ɗon ndeeni mo yawi Jawmiraawo.

¹⁸Taa halku soobaajo ma daliila ceede malla boo deerɗa, daliila kaŋŋeeri ɓurndi wooɗgo.

¹⁹Taa miija ɓaŋgo debbo kakkilɗo e booɗɗo, ngam mbooɗeeŋga maako ɓuran kaŋŋeeri saman.

²⁰Taa yarnu bone haa maccuɗo ma mo kuugal mum laaɓi malla kuuwananɗo ma bee ɓernde woore.

²¹To a mari maccuɗo kakkilɗo, yiɗ mo bana hoore ma, taa sala rimɗingo mo.

²²To a ɗon bee dabbaaji, hakkilan ɗi, to a ɗon naftoro ɗi, aynu ɗi.

²³To a ɗon bee ɓikkoy, elta koy booɗɗum. Diga koy pamaroy, ekkitin koy ɗowtaare.

²⁴A mari ɓiɓɓe rewɓe na? Hakkilan ɓanndu maɓɓe, taa laata ɗelemɗo heedi maɓɓe.

²⁵Haɓɓu teegal ɓiɗɗo ma debbo, bana nii a huuwan kuugal maŋngal! Ammaa hokku mo haa gorko kakkilɗo.

²⁶To a ɓaŋi debbo giɗaaɗo ɓernde ma, taa seer mo. Ammaa taa sarwootir bee debbo mo a yiɗaa.

²⁷Bee ɓernde woore, darjiɗin baaba ma, taa yejjitit boo boneeji ɗi daada ma yari ngam daliila ma.

²⁸Siftor kamɓe ndanyi ma. Noy mbaawrata yoɓgo ko ɓe ngaɗani ma fuu? Farillaaji heedi liman'en

²⁹Bee yoŋki ma fuu, rew Jawmiraawo e neɗɗin liman'en maako.

³⁰Yiɗ tagɗo ma bee semmbe ma fuu, taa yejjitit ardaniiɓe dewal.

³¹Hul Jawmiraawo e teddin limanjo, hokku mo geɗal maako bana no Allah umri: Ƴaamle aartuɗe haa lesdi, kirsaaɗi ngam wo'itingo, balbe dabbaaji kirsaaɗi, luttaaɗum dokke e ko ɓuri wooɗgo haa ndemri ko ɓe ciganto Allah. Farillaaji heedi laafuɓe

³²Laata caahiiɗo heedi laafuɓe ngam haa Allah barkiɗine.

³³Laata caahiiɗo heedi yeeɗɓe fuu, taa sala woonango maayɓe boo.

³⁴Taa waylitan ɓaawo haa wonɓe nder maayiti, ammaa sunodu bee maɓɓe.

³⁵Taa miija yiilaago nyawɓe. To a waɗi non, ɓe ngiɗete.

³⁶Nder kuuɗe ma fuu, num dow ragare ma, nden kam a waɗataa hakke sam.