Read Fulfulded Farillaaji Lewi'en 13 Bible Online

Farillaaji Lewi'en 13 - Fulfulded bible

Farillaaji Lewi'en 13

²“To goɗɗo woodi ɓuudi malla fuufre malla irin faarde feere haa ɓanndu mum, to warti ɗum saɗawre koo ndeyeere, sey ɓe ngadda mo yeeso Haruna, limanjo malla yeeso goɗɗo danygol Haruna.

³Limanjo laara huuduure laral man. To suufuwol nder huuduure laatake daneewol, huuduure boo ɓuri luggugo dow laral taariiŋgal nde, nden kam ɗum saɗawre fakat. Limanjo laaran nyawɗo oo, seedoto o coɓɗo.

⁴Ammaa to irin faarde haa ɓanndu maako ranwi, ɓuraay luggugo dow laral taariiŋgal nde, suufuwol boo ranwaay, nden kam limanjo sennda mo bee yimɓe nyalɗe joweeɗiɗi.

⁵Nyannde joweeɗiɗawre limanjo laara mo fahin. To o yi'aay huuduure ɓesdake, nde wa'i bana naane, sey o sennda mo bee yimɓe nyalɗe joweeɗiɗi fahin.

⁶Nyannde joweeɗiɗawre limanjo laara mo fahin. To o yi'i huuduure ustake, yaajaay haa laral, sey o seedo goɗɗo man o laaɓɗo, ɗum fuufre meere non. Sey goɗɗo man loota limce mum ngam o laaɓa.

⁷Ammaa to fuufre ɓesdake haa laral maako, ɓaawo limanjo seedi mo o laaɓɗo, sey o waŋga yeeso limanjo kadiboo.

⁸Limanjo laara mo fahin. To fuufre ɓesdake haa laral maako fakat, limanjo seedoto mo o coɓɗo, ngam ɗum saɗawre fakat.

⁹To saɗawre koo ndeyeere naŋngi ɓanndu goɗɗo, sey ɓe ngadda mo yeeso limanjo.

¹⁰Limanjo laara mo. To o woodi ɓuudi ndi ranwini laral e suufuwol maari, ndi laatake huuduure hallunde,

¹¹nden kam ɗum saɗawre duurnde. Limanjo seedo mo o coɓɗo. Walaa haaje o sennda mo bee yimɓe ngam linyugo haala nyawu man, ngam coɓki maako waŋgi.

¹²To saɗawre man ɓesdake, fiilti ɓanndu goɗɗo fuu,

¹³nden kam limanjo laara mo. To limanjo yi'i nde fiilti ɓanndu maako fuu, sey o seedo mo o laaɓɗo. Ɓanndu maako fuu ndu raneeru, ngam maajum o laaɓɗo.

¹⁴Ammaa to huuduure fetti haa maako, nden kam o coɓɗo.

¹⁵Limanjo laara mo fahin. To o yi'i huuduure fetti haa maako, sey o seedo mo o coɓɗo. Huuduure bana nde'e woni alaama saɗawre, ngam maajum o coɓɗo.

¹⁶Ammaa to huuduure man yamɗitake, laati raneere, sey o yaha haa limanjo.

¹⁷Limanjo laara mo fahin. To huuduure maako ranwi, limanjo seedoto mo o laaɓɗo.

¹⁸To goɗɗo woodi huuduure hallunde haa ɓanndu mum, nde yamɗiti,

¹⁹ammaa haa nokkuure maare ɓuudi ndaneeri malla irin faarde[8] raneere bana woɗeere seɗɗa seɗɗa waɗi, sey o yaha haa limanjo.

²⁰Limanjo laara mo. To irin faarde man ɓuri luggugo dow laral taariiŋgal nde, suufuwol dow maare laatake daneewol boo, nden kam limanjo seedoto mo o coɓɗo. Ɗum saɗawre fuɗɗi nder huuduure hallunde man.

²¹Ammaa to limanjo laari mo, suufuwol dow irin faarde man ranwaay, nde ɓuraay luggugo dow laral taariiŋgal nde, nde furɗi boo, sey limanjo sennda mo bee yimɓe nyalɗe joweeɗiɗi.

²²To nde ɓesdake haa laral, limanjo seedoto mo o coɓɗo, ɗum saɗawre fakat.

²³Ammaa to nde waylaaki, ɓesdaay mawnugo, nden kam ɗum ɓattarre feere tan, limanjo seedo mo o laaɓɗo.

²⁴To goɗɗo woodi wulannde yiite haa ɓanndu mum, ɓattarre man ranwi bana woojan seɗɗa seɗɗa,

²⁵sey limanjo laara mo. To suufuwol dow maare laatake daneewol, nde ɓuri luggugo dow laral taariiŋgal nde boo, nden kam ɗum saɗawre fuɗɗi nder wulannde man. Sey limanjo seedo mo o coɓɗo.

²⁶Ammaa to suufuwol dow ɓattarre man ranwaay, nde ɓuraay luggugo dow laral taariiŋgal nde, nde furɗi boo, sey limanjo sennda mo bee yimɓe nyalɗe joweeɗiɗi.

²⁷Nyannde joweeɗiɗawre limanjo laara mo fahin. To ɓattarre ɓesdi yaajugo, nden kam ɗum saɗawre, limanjo seedo mo o coɓɗo.

²⁸Ammaa to ɓattarre go waylaaki, ɓesdaay mawnugo, furɗi boo, nden kam ɗum ɓuudi meere. Limanjo seedoto mo o laaɓɗo, ngam ɗum ɓattarre yiite tan.

²⁹To gorko malla debbo woodi huuduure haa laral hoore malla wakkude,

³⁰sey limanjo laara huuduure man. To nde ɓuri luggugo dow laral taariiŋgal nde, suufuwol dow maare boo oolɗi, ɗiggi, nden kam ɗum metemetelde haa laral hoore malla haa wakkude. Limanjo seedoto mo o coɓɗo.

³¹To limanjo laari huuduure man, nde ɓuraay luggugo dow laral taariiŋgal nde, ammaa gaasa ɓaleeha walaa dow maare, sey limanjo sennda marɗo metemetelde oo bee yimɓe nyalɗe joweeɗiɗi.

³²Nyannde joweeɗiɗawre limanjo laara nde fahin. To metemetelde man ɓesdaay yaajugo, suufuwol oolol walaa dow maare, nde ɓuraay luggugo dow laral taariiŋgal nde boo,

³³sey o laɓa hoore maako, ammaa o acca pellel metemetelde man. Limanjo sennda mo bee yimɓe nyalɗe joweeɗiɗi fahin.

³⁴Nyannde joweeɗiɗawre limanjo laara mo fahin. To pellel ngel ɓesdaay yaajugo, ɓesdaay luggugo dow laral taariiŋgal ngel, limanjo seedoto mo o laaɓɗo. Sey o loota limce maako ngam o laaɓa.

³⁵Ammaa to metemetelde nde'e ɓesdi yaajugo dow laral ɓaawo limanjo seedi mo o laaɓɗo,

³⁶sey limanjo laara mo fahin. To o yi'i nde ɓesdake haa laral, walaa haaje o ɗaɓɓita oolɗugo gaasa: O coɓɗo.

³⁷Ammaa to metemetelde man ɓesdaay, gaasa ɓaleeha mawni dow maare boo, nden kam nde yamɗiti. Goɗɗo go o laaɓɗo, limanjo boo seedoto mo o laaɓɗo.

³⁸To gorko malla debbo woodi irin faarde raneere haa ɓanndu mum,

³⁹sey limanjo laara mo. To o yi'i nde ranwaay tal, nden kam ɗum fuufre meere haa laral goɗɗo man, o laaɓɗo.

⁴⁰To gaasa ittake haa hoɓɓudu goɗɗo malla haa tiinde maako, ɗum soɓnataa mo.

⁴¹

⁴²Ammaa to haa fellere man huuduure raneere bana woojan seɗɗa seɗɗa waŋgi haa ton, nden kam ɗum saɗawre.

⁴³Limanjo laara mo. To haa huuduure man ɓuudi ndaneeri bana boɗeejum seɗɗa seɗɗa waɗi ton, nanndunde saɗawre,

⁴⁴sey limanjo seedo mo o coɓɗo, ngam daliila saɗawre haa hoore maako.

⁴⁵Goɗɗo mo saɗawre koo ndeyeere waɗi ɗum, ɓorno limce ceekaaɗe. O yoofa gaasa hoore maako, o sudda wakkude maako, o wi'a bee sawtu: Mi coɓɗo! Mi coɓɗo!

⁴⁶Saa'i nyawu man ɗon haa maako tawon, o coɓɗo. Taa o wonda bee yimɓe woɗɓe, o jooɗo yaasi saŋngeere.”

⁴⁷“To puunol waɗi haa limce gaasa baali malla leŋ,

⁴⁸non boo haa kuuje cannyiraaɗe gaasa baali malla leŋ, koo haa laral ndabbaawa malla kuuwraaɗum bee laral boo,

⁴⁹to ɗum laatake boɗeejum seɗɗa malla haako-haakoojum seɗɗa dow limce malla dow laral malla haa kuuje cannyaaɗe, koo huunde huuwraande bee laral koo ndeyeere, nden kam ɗum puunol nyaamoowol. Sey ɓe kolla ɗum limanjo.

⁵⁰O laara ɗum, nden o maɓɓa ɗum nyalɗe joweeɗiɗi.

⁵¹Nyannde joweeɗiɗawre o laara ɗum fahin. To puunol ɓesdi yaajugo dow limce malla dow laral malla haa kuuje cannyaaɗe, koo huunde huuwraande bee laral koo ndeyeere, nden kam huunde man soɓi.

⁵²Limanjo wula nde, ngam ɗum puunol nyaamoowol. Doole o wula nde bee yiite.

⁵³Ammaa to limanjo yi'i puunol ɓesdaay yaajugo dow huunde man,

⁵⁴sey o umra lootugo nde. Nden o maɓɓa nde nyalɗe joweeɗiɗi fahin.

⁵⁵Ɓaawo man o laara nde kadiboo. To noonde puunol waylake, koo to nde ɓesdaay yaajugo boo, huunde man soɓi. Sey nde wule bee yiite. Teema puunol waɗi haa wakeere nde'e malla haa wakeere ndeya, ɗum gootum.

⁵⁶Ammaa to limanjo yi'i puunol furɗi, sey o seeka pellel puunŋgel, o itta ngel diga limce malla laral.

⁵⁷To puunol fuɗɗiti dow limce malla dow laral malla haa kuuje cannyaaɗe, koo huunde huuwraande bee laral koo ndeyeere, nden kam ɗum puunol ɓesdotooŋgol. Sey huunde man wule bee yiite.

⁵⁸To ɓe looti huunde, puunol boo ittake, sey nde loote fahin, ngam nde laaɓa.

⁵⁹Kanjum woni umroore dow puunol haa limce gaasa baali malla leŋ, non boo haa kuuje kuuwraaɗe bee laral.”