Read Fulfulded Yeremiya 21 Bible Online

Yeremiya 21 - Fulfulded bible

Yeremiya 21

¹Jawmiraawo wi'i Yeremiya saa'i laamiiɗo Sedekiya neli Pashuuru ɓii Malkiya e Sefaniya ɓii Ma'aseya, limanjo, haa maako ngam wi'ugo mo:

²“Useni, ƴaman en Jawmiraawo, ngam Nabukodonosor, laamiiɗo Baabila ɗon hona en. Teema Jawmiraawo waɗanan en kaayeefi, lornan mo ɓaawo.”

³Yeremiya jaabi ɓe, wi'i: Mbi'e Sedekiya,

⁴ndaa nii Jawmiraawo, Allah Isra'iila wi'i: “Balmi konu ɗi njogiiɗon ngam honirgo laamiiɗo Baabila e Kaldiya'en, mi wartiran ɗi dow mooɗon. Hippuɓe on wonɓe gaɗa mahol, mi mooɓtan ɓe haa caka berniwol.

⁵Min bee hoore am mi haɓan bee mooɗon, bee juŋngo am fortiiŋgo semmbiɗŋgo, bee ɓernuki am e tikkere am saatunde.

⁶Mi mbaran yimɓe berniwol ngo'ol, yimɓe e dabbaaji maayran nyawu ndaaɓoowu kalluŋgu masin.

⁷Ɓaawo man ndokkanmi Sedekiya, laamiiɗo Yahuuda e saraaki'en mum e yimɓe luttuɓe nder berniwol haa juŋngo Nabukodonosor, laamiiɗo Baabila, haa juuɗe konne'en maɓɓe yiɗɓe mbarugo ɓe. Luttuɓe nder berniwol ɓe maayaay bee nyawu kalluŋgu ndaaɓoowu malla kaafahi malla weelo, Nabukodonosor umran mbarugo ɓe bee kaafahi. O enɗataa ɓe, o accataa koo gooto maɓɓe bee yoŋki, o yurmintaa ɓe sam.”

⁸Jawmiraawo umri Yeremiya: “Yeccu yimɓe ummaatoore nde'e, ndaa nii Jawmiraawo wi'i: Mi ɗon holla on laawol ngeendam e laawol maayde, haa on cuɓa.

⁹Koo moy jooɗoto nder berniwol ngo'ol, maayran bee kaafahi malla weelo malla nyawu kalluŋgu ndaaɓoowu. Ammaa mo wurtoto ngam hawtango Kaldiya'en hippiiɓe on, kaŋko o yeeɗan, o hisnan yoŋki maako.

¹⁰Ngam mi huucitini gite am dow berniwol ngo'ol haa mi waɗa kalluɗum, naa booɗɗum. Mi hokkan ngol haa juŋngo laamiiɗo Baabila, kaŋko o wulan ngol bee yiite.” Non Jawmiraawo wi'i.

¹¹Yeccu saare laamiiɗo Yahuuda: “Onon yimɓe saare Daawuda, nane ko Jawmiraawo wi'ata on! Nde weeti fuu mbaɗe kiita ngooŋɗuka! Kisne jaɓtaaɗo nder juŋngo toonyoowo, ngam taa tikkere am bana yiite nge goɗɗo waawataa nyifugo umma, wula koo ɗume fuu daliila kuuɗe mon kalluɗe.

¹³Jawmiraawo wi'i: Onon yimɓe Urusaliima, on ɗon njooɗi towɗum dow waadiwol, dow tapaare dow ƴoolde, on mbi'i: Walaa mo seekata mahi amin cemmbiɗɗi, o nasta nyukkorɗe amin.

¹⁴Ammaa min mi hiitoto on daliila kuuɗe mooɗon. Mi huɓɓan yiite nder laynde mooɗon[16], nge nyaama berniwol fuu,” non Jawmiraawo wi'i.