Read Fulfulded Yeremiya 47 Bible Online

Yeremiya 47 - Fulfulded bible

Yeremiya 47

¹Hiddeko Firawna haɓa bee Gaaza, Jawmiraawo wolwani Yeremiya dow Filisti'en.

²Ndaa nii Jawmiraawo wi'i: “Ndiyamji ɗon ɓesdo haa woyla, ilan bana maayo teelanŋgo. Ɗi paccan dow lesdi e ko woni dow maari fuu, dow gure e jooɗiiɓe ton. Yimɓe toroto ballal, yimɓe lesdi fuu mboyan.

³Ɓe nanan hoolo koloŋgi pucci e riggaaŋgo mootaaji pucci e hoolo pallooje maaji. Baabiraaɓe ngeecitittaako gal ɓikkoy muuɗum'en, ngam juuɗe maɓɓe tampi.

⁴Saa'i waɗi ngam halkugo Filistiya fuu, ngam ta'ugo ballal wallanɓe Tirus e Sidon fuu. Min Jawmiraawo mi halkan Filisti'en iwɓe duunde Kaftor.

⁵Mettamɓeram wari haa Gaaza, yimɓe Askalon cirwi. Ndey on accata ƴargo ɓalli mooɗon nder waadiwol mon[37]?

⁶On ɗon ngooka: Kayto! Haa ndey kaafahi Jawmiraawo accata fiyugo? Lora nder suudu ma, de'u, siwta! —

⁷Noy ki siwtorto to min Jawmiraawo umri ki? Mi neli ki ta'ugo Askalon e jooɗiiɓe haa fomoonde mbeela!” Ton o yahrata ki.