Read Fulfulded Daniyel yunaniŋkeere 1 Bible Online

Daniyel yunaniŋkeere 1 - Fulfulded bible

Daniyel yunaniŋkeere 1

⁴

⁵

²⁴Yimɓe tato ɓe'e, Ananiya, Azariya e Miisayel, ɗonno ngaanca nder yiite, ɓe ɗon ngima ngam maŋgtugo Jawmiraawo Allah.

²⁵Nden Azariya ummi dari caka yiite, ɓaŋgti do'a ka'a:

²⁶“Yettoore woodani ma, an Jawmiraawo Allah kaakiraaɓe amin. A he'i yimɓe maŋgta e teddina innde ma haa foroy.

²⁷A ɗon waɗana min adilaaku foroy, kuuɗe ma fuu ɗe gooŋɗuɗe, laabi ma fuu ɗi darnuɗi, kiitaaji ɗi a ta'i fuu ɗi ngalaa faasikaare.

²⁸Ooho, fakat a adiliijo nder torraaji ɗi a ukki dow amin e dow Urusaliima, wuro kaakiraaɓe amin seniiŋgo. A hiiti min daliila hakkeeji amin.

²⁹Ngam min ɗowtanaaki ma, min ngaɗi ko wooɗaay bee daaytaago ma, min accaay boo waɗgo aybeeji.

³⁰Min nanaay umrooje ma, min ɗowtanaaki ɗe e min cali huuwtinirgo ɗe. Ammaa an, a hokki min ɗe ngam min keɓra hayru bee maaje.

³¹Ko ngaɗɗa min fuu ɗum kaanduɗum e torra ka ukkanɗa amin fuu haandani min.

³²A ɗali min haa juuɗe konne'en amin, faasiki'en, nyidduɓe e tuurtaniiɓe ma. A ɗowi min haa laamiiɗo mo walaa adilaaku, ɓurduɗo hallugo haa duniyaaru fuu.

³³Kanjum waɗi jonta, minin ɗowtaniiɓe ma, rewooɓe ma, min potaay maɓɓititgo hunnduko amin, min laatake toskaaɓe e sakliiɓe.

³⁴Ammaa Jawmiraawo, bee innde ma teddunde, taa wudin min ngam foroy! Taa fiistu alkawal ma bee amin.

³⁵Taa salan min mbooɗeeŋga ma, ngam daliila Ibrahiima, Isiyaaku e Yaakubu jagganiiɓe ma hoolaaɓe.

³⁶A iinani ɓe ruutu ɗuuɗɗo bana koode haa asama, bana njaareendi haa daande maayo.

³⁷E boo, jonta Jawmiraawo, min famarɓe ko ɓuri jama'aaje goɗɗe, min toskake ko ɓuri ummaatooje haa duniyaaru fuu ngam daliila aybeeji amin.

³⁸Hannde boo, min ngalaa laamiiɓe, min ngalaa annabi'en e ɗowooɓe. Min potaay hokkugo dabbaaji kirseteeɗi malla lii'aago dokke kuroori malla uurdi. Walaa pellel ceniiŋgel ngam waddango ma ɓiɓɓe leɗɗe arane ɗe min teɓi ngam min keɓa yaafuye ma.

³⁹Koo non boo, Jawmiraawo, jaɓɓu min ngam mawnitaare amin yewaama e hakkiilo amin leestaama,

⁴⁰bana to min ɗon lii'o guleteeɗi, njawɗi, ga'i e mborton ɗuuɗkon paykon. Kirseteeŋga nga mi lii'ante hannde nde'e, ɗum tuubu amin, jaɓ nga, ɗal min tokke haa ragare. Fakat hooliiɓe ma laatataako toskiiɓe haa foroy.

⁴¹Jonta kam, min tokkoto ma bee ɓernde amin fuu e min leestante e min tefan gondal ma.

⁴²Taa ɗal min nder toskaare, ammaa laar min bee enɗam, hollu min mbooɗeeŋga ma maŋnga!

⁴³Hisnu min bana ɓooyma bee kuuɗe ma kayɗiniiɗe, waŋginan min Jawmiraawo innde ma teddunde.

⁴⁴E torruɓe min, minin ɗowtaniiɓe ma, ɓe tosko! Ɓe laato ɗawraaɓe laamu fuu, semmbe maɓɓe boo sampite!

⁴⁵Hollu ɓe, an tan woni Jawmiraawo, Allah tedduɗo dow lesdi fuu!”

⁴⁶Maccuɓe laamiiɗo, sakkinɓe soobiraaɓe tato nder yiite, accaay loowgo nder maage leɗɗe e kuuje feere feere ngam nge ulga,

⁴⁷ɗemɗe yiite man ɗon ummo deydey ko waɗata meetir noogas e nayi dow ɓolinirde.

⁴⁸Ɗemɗe yiite man ɗon taari nge e ɗon wula Baabila'en wonɓe les maage.

⁴⁹Ammaa fuu e non malaa'ikaajo Jawmiraawo jippino nder yiite kommbi Azariya e soobiraaɓe mum. O yerɓi nge gal yaasi

⁵⁰e o laatini yiite nge'e babal peewŋgal bana to henndu marndu saawawre ɗon fuufa. Yiite nge'e meemataa ɓe sam, nge torraay ɓe, nge ɓillaay ɓe sam.

⁵¹Sey nder yiite man, soobiraaɓe tato go ɓaŋgti yimre hawtaade ngam teddingo e maŋgtugo Allah. Ɓe ɗon mbi'a:

⁵²“Yettoore woodani ma, an Jawmiraawo Allah kaakiraaɓe amin! A he'i maŋgteego, sey tedduŋgal ma waŋga haa foroy. Jawmiraawo, innde ma seniinde e teddunde. A he'i maŋgteego bee sawtu mawɗo e tedduŋgal ma waŋga haa foroy.

⁵³Min ngetti ma nder haykaliiru maaɗa seniindu, marndu tedduŋgal. A he'i maŋgteego bee sawtu e tedduŋgal ma waŋga haa foroy.

⁵⁴Min ngetti ma, an jooɗiiɗo dow keruba'en, an mo daarɗe mum ɗon njotto haa luggeeŋga mbeela. A he'i maŋgteego bee sawtu e tedduŋgal ma waŋga haa foroy.

⁵⁵Min ngetti ma, an jooɗiiɗo dow koromwal laamu ma. A he'i teddineego jamum e tedduŋgal ma waŋga haa foroy.

⁵⁶Min ngetti ma, an gonɗo dow asamanji! A he'i maŋgteego e tedduŋgal ma waŋga haa foroy.

⁵⁷Ngette Jawmiraawo, onon tagle Allah! Maŋgte mo, mbaŋgine maŋngu maako haa foroy!

⁵⁸Ngette Jawmiraawo, onon asamanji boo! Maŋgte mo, mbaŋgine maŋngu maako haa foroy!

⁵⁹Ngette Jawmiraawo, onon malaa'ika'en maako! Maŋgte mo, mbaŋgine maŋngu maako haa foroy!

⁶⁰Ngette Jawmiraawo, onon iyeele mooɓtaaɗe haa asama! Maŋgte mo, mbaŋgine maŋngu maako haa foroy!

⁶¹Ngette Jawmiraawo, onon baawɗe nder asama! Maŋgte mo, mbaŋgine maŋngu maako haa foroy!

⁶²Ngette Jawmiraawo, onon naaŋge e lewru! Maŋgte mo, mbaŋgine maŋngu maako haa foroy!

⁶³Ngette Jawmiraawo, onon koode! Maŋgte mo, mbaŋgine maŋngu maako haa foroy!

⁶⁴Ngette Jawmiraawo, onon iyeele e saawawre! Maŋgte mo, mbaŋgine maŋngu maako haa foroy!

⁶⁵Ngette Jawmiraawo, onon keni fuu! Maŋgte mo, mbaŋgine maŋngu maako haa foroy!

⁶⁶Ngette Jawmiraawo, onon yiite e nguleeŋga! Maŋgte mo, mbaŋgine maŋngu maako haa foroy!

⁶⁷Ngette Jawmiraawo, onon peewɗum e gulɗum! Maŋgte mo, mbaŋgine maŋngu maako haa foroy!

⁶⁸Ngette Jawmiraawo, onon saawawre e mallimallooje! Maŋgte mo, mbaŋgine maŋngu maako haa foroy!

⁶⁹Ngette Jawmiraawo, onon jemmaaje e naaŋge fuu! Maŋgte mo, mbaŋgine maŋngu maako haa foroy!

⁷⁰Ngette Jawmiraawo, onon njayawri e nyiɓe! Maŋgte mo, mbaŋgine maŋngu maako haa foroy!

⁷¹Ngette Jawmiraawo, onon kattiniiɗam e peewol! Maŋgte mo, mbaŋgine maŋngu maako haa foroy!

⁷²Ngette Jawmiraawo, onon kattiniiɗam e mallimallooje! Maŋgte mo, mbaŋgine maŋngu maako haa foroy!

⁷³Ngette Jawmiraawo, onon ma'e e duule! Maŋgte mo, mbaŋgine maŋngu maako haa foroy!

⁷⁴Lesdi boo, sey yetta Jawmiraawo! Ndi maŋgta mo e waŋgina maŋngu maako haa foroy!

⁷⁵Ngette Jawmiraawo, onon kooseeje e towndiije! Maŋgte mo, mbaŋgine maŋngu maako haa foroy!

⁷⁶Ngette Jawmiraawo, onon leɗɗe fuu! Maŋgte mo, mbaŋgine maŋngu maako haa foroy!

⁷⁷Ngette Jawmiraawo, onon maaje mawɗe e maayon! Maŋgte mo, mbaŋgine maŋngu maako haa foroy!

⁷⁸Ngette Jawmiraawo, onon ceeɓooje! Maŋgte mo, mbaŋgine maŋngu maako haa foroy!

⁷⁹Ngette Jawmiraawo, onon liɗɗi mawɗi e pamari! Maŋgte mo, mbaŋgine maŋngu maako haa foroy!

⁸⁰Ngette Jawmiraawo, onon colli! Maŋgte mo, mbaŋgine maŋngu maako haa foroy!

⁸¹Ngette Jawmiraawo, onon dabbaaji ladde e dabbaaji saare! Maŋgte mo, mbaŋgine maŋngu maako haa foroy!

⁸²Ngette Jawmiraawo, onon ɓiɓɓe Aadama! Maŋgte mo, mbaŋgine maŋngu maako haa foroy!

⁸³Ngette Jawmiraawo, onon Isra'iila'en! Maŋgte mo, mbaŋgine maŋngu maako haa foroy!

⁸⁴Ngette Jawmiraawo, onon liman'en maako! Maŋgte mo, mbaŋgine maŋngu maako haa foroy

⁸⁵Ngette Jawmiraawo, onon huuwanooɓe maako! Maŋgte mo, mbaŋgine maŋngu maako haa foroy!

⁸⁶Ngette Jawmiraawo bee ɓernde mon fuu, onon hooliiɓe mo! Maŋgte mo, mbaŋgine maŋngu maako haa foroy!

⁸⁷Ngette Jawmiraawo, onon yaŋkiniiɓe e hulɓe Jawmiraawo! Maŋgte mo e mbaŋgine maŋngu maako haa foroy!

⁸⁸Ngetten Jawmiraawo, enen Ananiya, Azariya e Miisayel! Maŋgte mo, mbaŋgine maŋngu maako haa foroy! O teetini en diga joonde maayɓe, o hisni en peɗeeli maayde, o wurtini en diga ɓolinirde marnde ɗemɗe caatuɗe!

⁸⁹Maŋgte Jawmiraawo, ngam o booɗɗo e yiide maako boo walaa keerol! Maŋgte mo e mbaŋgine maŋngu maako haa foroy!

⁹⁰Ngette Jawmiraawo, Allah Ɓaŋiiɗo, onon rewooɓe mo. Ngimane mo, maŋgte mo ngam yiide maako walaa keerol!”