Read Fulfulded Hose'a 14 Bible Online

Hose'a 14 - Fulfulded bible

Hose'a 14

¹Doole Samariya roondo kiita aybe mum, ngam berniwol ngo'ol tuurtani Allah maagol. Yimɓe maagol ndo'oto bee kaafahi, konne'en naman ɓikkoy maagol, ceekan reedu'en maagol.

²Onon Isra'iila'en, lorte haa Jawmiraawo, Allah mooɗon! Ngam aybe mooɗon do'i on.

³Lorte haa Jawmiraawo, mbolwane mo. Mbi'e mo: “Yaafana min aybe fuu, yerda min, dow min ngaddane ga'i kirseteeɗi, min ngaddante gettooje!

⁴Assuura hisnataa min, min mba'ataako pucci, min meetataa wi'ugo labbi ɗi min mbaɗi: Yaa Allah amin. Ngam haa maaɗa atiimeejo heɓan hinnuye.”

⁵Jawmiraawo wi'i: “Mi yamɗitinan ɓe diga nyawu gudinki nuɗɗinki maɓɓe, mi yiɗan ɓe bee ngiɗa am, ngam tikkere am wayliti, acci ɓe.

⁶Mi laatanto Isra'iila bana saawawre, Isra'iila finnan bana gurguli, Isra'iila waɗan ɗaɗi bana laynde Libanon.

⁷Lice mum kese njaajan, haa booɗki maajum nannda bee ki jaytunhi, uureeŋga maajum bana laynde Libanon.

⁸Yimɓe Isra'iila ngartan, njooɗoto fahin haa ɗowdi muuɗum, ɓe ndeman alkamaari, ɓe mbaɗan pinndi bana inabohi, ɓe maran innde woonde bana inaboojam Libanon.

⁹Efrayim, ko yaali yam bee labbi fahin? Min bee hoore am mi jaɓan tornde maɓɓe, mi aynan ɓe. Mi nanndi bee lekki booɗki marki haakooji foroy, ɓiɓɓe lekki ngam mooɗon tawete haa am.”

¹⁰Moy woni hikmaajo? Sey o faama ɗu'um! Moy woni kakkilɗo? Sey o annda ɗum! Ngam laabi Jawmiraawo ɗi ndarnuɗi. Adili'en njahan dow maaji, ammaa tuurtooɓe ndo'oto dow maaji.