Read Fulfulded 1 Timote 2 Bible Online

1 Timote 2 - Fulfulded bible

1 Timote 2

¹Ndaa ko aartanmi wasaago on: Mbaɗe do'aaje e torɗe e gettooje ngam yimɓe fuu.

²Ndo'ane laamiiɓe e marɓe baawɗe fuu, ngam haa en njooɗo nder salaaman e de'ere, nder kulol Allah e neɗɗaaku fuu.

³Ɗum huunde woonde fottanannde Allah Kisnoowo men,

⁴ngam o yiɗi yimɓe fuu kisa, keɓa faamugo gooŋga.

⁵Ngam Allah o gooto, woodi boo neɗɗo hakkunndeejo yimɓe bee Allah boo gooto, kaŋko woni Yeesu Almasiihu.

⁶O hokki hoore maako ngam coottaari yimɓe fuu. Bana nii o gooŋɗiniri anniya Allah nder saa'iire nde Allah ta'ino ɗum.

⁷Ngam man Allah waɗi yam mi gooynoowo e nelaaɗo, mi ekkitinoowo ummaatooje boo fodde nuɗɗinki e gooŋga. Gooŋga mi wi'i, mi fewaay!

⁸Ngam maajum, mi yiɗi worɓe mbaɗa do'a koo toy, ɓe ɓaŋgta juuɗe maɓɓe cenaaɗe heedi Allah, bilaa tikkere malla jokkirgol.

⁹Rewɓe boo, mi yiɗi ɓe ɓorno limce pottuɗe ɓorneego, ɓe laato ne'iiɓe e semtooɓe. Taa ɓe pawno bee moorɗi caɗɗi malla bee kaŋŋeeri malla bee luuluuje malla bee limce ɗuuɗa-samanje,

¹⁰ammaa bee kuuɗe booɗɗe, bana ko haandani rewɓe wi'anɓe ɓe hulɓe Allah.

¹¹Sey debbo heɗito ekkitinol bee jeende e ɗowtaare timmunde.

¹²Mi duŋantaako debbo o ekkitina malla o laamano gorko, ammaa sey o jeeɗo.

¹³Ngam Allah aarti tagi Aadamu, ɓaawoɗon boo Hawwa.

¹⁴Naa Aadamu jaɓi esto, ammaa debbo jaɓi ngo, luuti umroore Allah.

¹⁵Ammaa fuu e non, debbo hisan bee danyugo ɓikkoy[2] to o tiiɗi nder nuɗɗinki e yiide e nder senaare bee ne'aare.