Read Futuna-Aniwa MATHIUS, 13 Bible Online

MATHIUS, 13 - Futuna-Aniwa bible

MATHIUS, 13

¹I NOPOGE tira Iesu nifeke efuafo neinofo ia taftafa tai.

²Tagata nalupai su nifetacina iai iateia, pe aia nisopocea tavaka, neinofo iai; ma tagatotshi nikotu ia taftafa tai,

³Aia nifasao anea nalupai iacre ia afakatagasia, nokoutucua, Kowcitia, tasi eipesia nohua nifano watafa keipesia;

⁴Nopogera aia neipesia, faru nohua nimerigi ia taftafa teretu, amanu niromai nikeina acreiotshi;

⁵Faru nimerigi ia none afatu nalupai iai, wehe takere sisi iai, ma milowa acre somo, ia ane nei, takere sisi iai;

⁶Wamuri tara neinace, acre neitshigeia, ia ane nei, tshare noaka sisi, acre komero;

⁷Faru nimarigi ia agarakau matatara, ma asoni nisomo, niroraia acre;

⁸Kaia faru nimarigi ia takere erefia, nisomo, nifua, faru tasi huntrit, faru sekste, ma faru therte nohua.

⁹Akai tshana nontariga konofo keifakarogona, erefia aia fakarogona.

¹⁰¶ Tagata aia nifakairo niromai, neitucage iateia, Tiaha akoi nifasao iacre ia afatagasia?

¹¹Aia nifasao neitucage iacre, Ia ane nei keitufwa iacowa keiro anea mukei o tavaka o taragi, kaia iacre setufwa mana.

¹²Ma ia aia niana faru, katufwa aia faru foci; ma niana nalupai; kaia ia aia tshana jimra, kamke ia aia ta sisi aia niamo.

¹³Ia ane nei avau nifasao iacre i afakatagasia, ia ane nei acre nokocitia ma sectiamana; ma nokofakarogona acre sefakarogona; ma acre sekeiromana.

¹⁴I acre ane komaice hepe afasao o Aisaia neitucua iateia; Ia fakarogona acowa kafakarogona, ma sekeiromana; ma ia nokocitia acowa kacitia, ma sectiamana ta nokano o fakairo;

¹⁵Ma aroto o tagatotshi icunei matouri, ma nontariga tshare tuturi, foimata tshare ma nikomiro, pe taha nopoge acre kacitia erefia ia foimatorea, ma fakarogona ia atarigi tshare, ma keiro ia rotorea, ma acitiafakarafia Atua, ma feimacowa ane isa, ma avau kapenpena acre.

¹⁶Kaia erefisa tshowa foimata, ma acre kowcitia, ma tshowa atariga ma, acre fakarogona.

¹⁷Ma tamari avau koutucua iacowa, pe nalupia aprofeta ma tagata maganerefia neicitiafakarafia keicitia anira acowa kowcitia, ma acre secitia mana, ma keifakarogona anira acowa fakarogona, ma acre sefakarogona acre.

¹⁸¶ Fakarogona acowa ta fakatagasia o tatane keipesia

¹⁹Pe tasi fakarogona ta fasao o tavaka o Atua, ma sekeiro aia, Iai aia isa ana komai, keriace afasao neipesia ia niana roto. Tenei aia niamo nohua ia tafa retu.

²⁰Kaia aia niamo nohua ia none afatu nalupai iai, tenei aia kafakarogona ta fasao, milowa amo aia ia kabisa;

²¹Kaia noaka sekonofo ia niana roto, ma nagimana aia kotaru iateia; pe ane iauiai aroto o tagata mo fakoko konace ia feimacowa ta fasao erefia, nagimana aia kumtacu ma taru iateai.

²²Aia foci nakamo nohua ia none asone iai, aia fakarogona ta fasao erefia, ma nakacitiafakarafia ania o fanua wararoni, eresia ma o ania mane, iauiai ta fasao erefia, aia sefua mana.

²³Kaia aia nakamo nohua ia tafanua erefisa, aia fakarogona ta fasao ma keiro aia; aia foci nokohua nohua faru tasi huntret, faru sekste ma faru therte.

²⁴¶ Foci fakatagasia aia neitucua iacre, nokoutucua, Ta vaka o taragi hepe tatane neipesia nohua erefia ia vere tshana;

²⁵Kaia ia tupo tagata nimiro, tasi feimacowa aia nimai neipesia nohua o tererakau sisi isa ia none o ta wit, ma nifano tshaua retu.

²⁶Kaia nopogera nohua nisomo, kotariga neitufwa nohua iai foci nisomo ta tererakau sisi isa.

²⁷Afitshicou o tatane tsha tafare tira niromai neitucage iateia, Teriki akoi neipesia nohua erefia ia tshou motu o wit, mo jimra? tiaha nohua o tererakau sisi isa somo iai.

²⁸Aia neitucage iacre, Tasi tatane feimacowa avau neimna tira, Afitshicou neitucage iateia, Akoi acitiafakarafia acime keiroro fetacina acre isa, mo jimra?

²⁹Kaia aia neitucage, Jimra; pe acowa fetacina tererakou sisi isa, acowa fetacina foci ta wit ia acre.

³⁰Nabra erefia acrawa somo fakaliki ia taha nopoge acre koleu, ia taha nopoge kafetacina nohua erefia koleu avau kafakairo acre sawace ta wit, Fitacina mokagi tererakou sisi isa, fousia acre ia nofoga keitugia acre; kaia fitacina ta wit ia tafare tshaku iateia.

³¹¶ Foci fakatagasia aia neitucua iacre, nokoutucua, Ta vaka o taragi hepe tasi nohua o mustart, tatane tasi niamo ma nipopra ia tshana vere.

³²Aia tamari sisi o nohua iotshi, kaia taha nopoge aia kosomo, aia ta sore o tererakou sisi, hepe tererakou aia somo, amanu o ta vavania komai komoy i anora tshana.

³³¶ Foci fakatagasia aia neitucua iacre; Ta vaka o taragi hepe leven, ta fine tasi niamo nifuna ia faru flou, nagimana iotshi neinace iateia.

³⁴Iotshi anira Iesu neitucua iacre nalupai nifetacina iai i afakatagasia; i afakatagasia ana aia nifasao iacre;

³⁵Pe anera nimai hepe nifasao o ta profeta, nokoutucua, Avau katshike tshaku rogoutu i afakatagasia; avau kafakairo anea nifuna ia nontafito iafanua wararoni.

³⁶¶ Iai Iesu nikownace tagata nalupai nifetacina iateia, ma nifano efare; niana tagata aia nifakairo nimai iateia, nokoutucua, Fakairo acime ta fakatagasia o tererakau sisi isa o tavere.

³⁷Aia nifasao neitucage iacre, Aia eipesia ta nohua erefia ko ta Nontariki o tagata;

³⁸Ta vere ko ta iafanua wararonei; ta nohua erefia hepe etamerecriki o ta vaka, kaia tererakau sisi isa hepe atamerecriki o aia isa ana.

³⁹Aia feimacowa ma neipesia acre aia ko tiapolo; taha nopoge kafetacina acre koleu aia ta fakatshicega o afanua wararonei; acre ma kafitacina acrera ia agelo.

⁴⁰Hepe tagata fetacina tererakau sisi isa keitugia acre ia tiafi; hepe tira magane iacre ia fakatshicega o afanua wararonei.

⁴¹Ta Nontariki o tagata kakowna watafa niana agelo, acre kafitacina watafa tshana tavaka ane iofshi isa, ma acreiotshi maganisa.

⁴²Ma katowaki acre ia none o tiafi sore; iai acre katagi kamagiugio aniforea.

⁴³Nopogera tagata fakarogrogo avau ma maganerefia kamerama noneate hepe tara ia ta vaka o Tamanorea. Tagata akai nontarigi tshana keirogona, erefia aia fakarogona.

⁴⁴¶ Foci, ta vaka o taragi hepe ane erefisa kofuna i ta vere; pe tatane tasi neicitia aia, aia nifuna, ma kabisa iateia aia fano fakamata ane iotshi tshana, aia ioria tavere tira.

⁴⁵¶ Foci ta vaka o taragi hepe tatane nokosara perel erefisa.

⁴⁶Nopogera aia neicitia tasi perel nomata sore, aia nifano nifakamata ane iotshi tshana, ma nifakamata aia.

⁴⁷¶ Foci ta vaka o taragi hepe takowpega tasi, nifakarerecea aia ia tatai, ma nifetacina eika nalupai keke.

⁴⁸Wamuri aia nifonu, acre nitarotshia aia ia fanua, neinofo iateia, nifetacina eika erefia ia aganea, kaia nitowaki acre isa.

⁴⁹Hepra ia ta fakatshicega o afanau wararoni; Agelo karomai kavaia tagata isa ia tagata erefia.

⁵⁰Ma katouwaki acre ia none o tiafi sore, iai acre katagi ma kamagiugio aniforea.

⁵¹Iesu neitucage iacre Acowa nakeiro ane iotshira, mo jimra? Acre neitucage, Keini, Teriki sore.

⁵²Iai aia neitucage iacre, Ia anera iotshi tatane kofakairo, pe keifakairo aia ia ta vaka o taragi, aia hepe tatane o tafare tasi aia niamo watafa niana toutokogane erefisa anea fau ma ituai.

⁵³¶ Ane nei nimai, kurava afakatagasia tira o Iesu, aia nifeke iai.

⁵⁴Nopogera aia nimai ia fanua tshana, aia nifakairo acre ia tafare mori tshare, neimna acre nimasaro, ma neitucage, Wehe tatane nei niamo tshana arapakau, ma avere sore tira?

⁵⁵Aia ta nontariki o tatane wurusia tererakau, mo? neitapa neigo niana nana Mere, mo? ma tshana anoso Jakobus, ma Joses, ma Saimona, ma Juta, mo jimra?

⁵⁶Anokave tshana ma, acre iotshi konofo iacime, mo? Wehe tatane nei niamo ane iotshira?

⁵⁷Acre nifakainina iatea. Kaia Iesu neitucage iacre, Ta profeta tagata kabisa iateia, kaia jimra tagata ia fanua tshana, ma ia tafare tshana.

⁵⁸Aia neimna toru ana avere sore, iai ia ane nei acre sefakarogrogo aia.