Read Futuna-Aniwa MATHIUS, 15 Bible Online

MATHIUS, 15 - Futuna-Aniwa bible

MATHIUS, 15

¹NOPOGERA niromai ia Iesu tagata fakairo ma Afarasi, o acre o Jerusalem, nokoutucua,

²Tiaha tshou tagata akoi fakairo iauiai fakairo o tagata ituai? ma acre sefakafano mokagi acre kakeina aofa,

³Kaia aia nifasao neitucage iacre, Tiaha acowa foci iauiai afasao tapu o Atua ia takairo o tagata ituai tshowa?

⁴Ma Atua nifakairo tapu, nokoutucua, Maganerefia ia tamau ma nau, ma, Aia kafasosa tapu ia ta mana mo nana, katshi aia mate iateia.

⁵Tenei acowa koutucua, Pe tasi katucua ia tamana mo nana, avou setufwa akoi anea nakasitu akoi, kaia, aia kovage ia atua.

⁶Ma aia sekasitu ia tamana ma nana. Ia fakairo tira acowa neimna ta fasao tapu o Atua taru ia tshou afasao o tagata ituai.

⁷Acowa tagata arotoua erua, tamari Aisaia nifakairo tshou magane nokoutucua,

⁸Tagata nei koromai itata avau ia rogoutuorea; ma mori iatavau ia nofafa; kaia tshare roto nofo papai iatavau.

⁹Kaia isa acre mori iatavava, nokofakairo hepe tshaku fasao tafasao o tagata ana.

¹⁰¶ Aia neitapa tagatotshi nifetacina iai, ma neitucage iacre, Fakarogona ma keiro;

¹¹Jimra takai fano ia nofafa iauiai tagata; kaia afasao mai watafa nofafa o tagata iauiai tagata.

¹²Iai niana tagata aia nifakairo nimai neitucage iateia, Akoi keiro Afarasi nifakainina wamuri acre nifakarogona afasao tira, mo jimra?

¹³Kaia aia nifasao neitucage, Iotshi tererakau tshaku Tata ia taragi sepopra, kafetacina aia ia noaka.

¹⁴Natshicina acre, acre foimata pouri arafia tagata foimata pouri. Ma pe tagata foimata pouri arafia tagata foimata pouri foci, acrawa kotu ia ta terua.

¹⁵Iai Pitrus nifasao neitucage iateia, Fakairo acime nokano o fakatagasia tira.

¹⁶Iesu neitucage, Acowa foci ma sekeiro mana, ma?

¹⁷Acowa keiro, mo jimra, pe iotshi takai fano ia nofafa ma fano ia nonai, foci fano watafa ia nontafa iateia?

¹⁸Kaia ane iotshira komai watafa rogoutu komai ia aroto, ma acre iouiai tagata.

¹⁹Ma ia aroto mai afinagaro isa, kotaia tagata, tshigo afine, tshigo afine tsha faruke, atshigo, arasia tagata, afasosa itapu;

²⁰Ane iotshira iauiai tagata; kaia pe keina ia norima sefakafano seiauiai tagata.

²¹¶ Nopogera Iesu nifeke iai, nifano ia watai o fanua o Tairus ma Saiton.

²²Kowcitia, ta fine o Kenan nimai watai iai, nitapa iateia, nokoutucua, Kowcitia fakarafia avau, Teriki sore, Nontariki o Tevit, Tshaku nofine kowkali ia agelo isa.

²³Kaia aia sefasao iateia. Niana tagata aia nifakairo niromai nogia aia, nokoutucua, kownace aia; ma aia nokotapa wamuri acitia.

²⁴Kaia aia nifasao neitucage, Aia sekowna avau, kaia ia sip sokocriano o ta fare o Isreil.

²⁵Iai aia nimai nimori aia, nokoutucua, Teriki sore, asitu avau!

²⁶Kaia aia nifasao neitucage, Jimra erefia keiamo takai o atamerecriki ma keitowaki aia ia akuli.

²⁷Aia neitucage, Tamari Teriki sore; kaia akuli keini ta nopecpeci pe merigi ia ta fata o tshare teriki.

²⁸Iei Iesu nifasao neitucage iateia, Kai tafine, kosore tshou fakarogrogo; erefia anera komai iatakoi hepe akoi acitiafakarafia. Ma tshana nofine neipenena ia our tira.

²⁹¶ Iesu nifeke none iai, nimai itata tatai o Calili, nifitshi taora tasi, neinofo iai.

³⁰Tagata nalupai su nifetacina iateia, niarafia ia acre tagata nisape, acre foimata pouri, acre tano, acre notshino isa, ma nalupai foci, neinage acre emoa avai o Iesu; ma aia neipenpena acre;

³¹Neimna tagatotshi iai nimasaro, iai acre neicitia tagato tano keifasao, acre notshino isa mo nopito jimra neipenpena erefia, acre sape keiroro erefia, acre foimata pouri keicitia; ma acre nibisa i Atua o Isreil.

³²¶ Iai Iesu nitapa niana tagata aia nifakairo iateia, neitucage, Avau karafeina tagata nalupai su fetacina, ia ane nei acre neinofo iatavau nopoge toru, ma niare akai kojimra, avau jimra kakownace acre tshitogi, mo acre kamatise ia teretu.

³³Niana tagata aia nifakairo nokoutucua iateia, Wehe acime nakamo aofa nalupai ia tugogau keimna tagata nalupai su hepera makona?

³⁴Iesu neitucage iacre, Efia aofa tshowa? Acre neitucage fitu, ma eika sisi toru ana.

³⁵Aia nifasao ia tagatotshi nifetacina iai keinofo ia takere.

³⁶Aia niamo aofa fitu ma eika, nimori iateia, nitoututshia neitufwa niana tagata aia nifakairo, ma niana tagata aia nifakairo neitufwa tagatatshi iai.

³⁷Acre iotshi nikeina iai nimakona, acre nifetacina nopitopito kai nokonofo iai wamuri nifau fitu akato nifonu.

³⁸Acre nikeina iai hepe for thausant fakou, setawa fafine ma atamerecriki nikeina iai.

³⁹Aia nikownace tagatotshi nifetacina iai, ma nisopo tavaka nimai ia watai o fanua o Mactala.