Read Futuna-Aniwa MATHIUS, 17 Bible Online

MATHIUS, 17 - Futuna-Aniwa bible

MATHIUS, 17

¹KOSIRI nopoge ono Iesu niarafia Pitrus, ma Jakobus, ma Joanes tsho noso, niarafiia acre ana illuga ia taora tasi.

²Aia nifuri emoa acratou, tshana foimata merama ana hepe tara, ma tshana miga kego masinasina ana hepe ta merama.

³Neicitia iai, Moses ma Elaija nikofasao ia aia iai.

⁴Iai Pitrus nifasao neitucage ia Iesu, Teriki sore, erefia acitia icunei; pe akoi acitiafakarafia acimatou kotu afare toru, tasi iatakoi, tasi ia Moses, ma tasi ia Elaija.

⁵Hepe aia nifasao iai, neicitia noato o tasi apa merama nifori acre; neirogona norio tasi nimai ia ta apa, aia neitucua, Tinei tshaku Nontariki nakacitiafakarafia aia, avau kabisa iateia; fakarogona aia acowa.

⁶Iai tagata aia nifakairo nifakarogona tira, acratou nito ia foimata tsharatou, ma acratou nimtacu sore.

⁷Iesu nimai neitofia acratou, neitucage, Masike natshicina kumtacu.

⁸Iai acratou nifakatariaga, acratou secitia mana tatane foci, kaia Iesu ana.

⁹¶ Hepe acre niromaieifo ta aora, Iesu neitucuasana acratou, nokoutucua, Natshicina acoutou koutucua ia tatane tasi taha acoutou neicitia ia taha nopogo komaice ta Nontariki o tagata kamasike ia tagata nimate.

¹⁰Acratou tagata aia nifakairo nifakowia aia, nokoutucua, Tiaha tagata fakairo koutucua Elaija komai mokagi.

¹¹Iesu nifasao neitucage iacre, Elaija tamari kamai mokagi ma penpena ane iotshi.

¹²Kaia avau koutucua iacowa, Pe Elaija nimai milou, ma acre sekeiromana aia, kaia, acre iauiai aia hepe arotorea acitiafakarafia. Hepe foci acre takaroiai ta Nontariki o tagata taha nopoge.

¹³Iai acratou tagata aia nifakairo nikeiro pe aia nifasao incratou o Joanes ta Baptiso.

¹⁴¶ Nopogera acre niromai ia tagata nalupai nifetacina iai, tasi tatane nimai nifakaturia inturi iateia, nokoutucua,

¹⁵Teriki sore, kowcitiafakarafia tshaku nontariki: ma aia kowkali, tshana roto nimai sore iateia, nopoge ma nopoge aia nito ia tiafi, ma foci ia tavai.

¹⁶Avau niarafia aia ia tshou tagata akoi fakairo, kaia acre nitaru penpena aia.

¹⁷Iai Iesu nifasao neitucage, Kowe acowa tagata sefakarogrogo ma maganisa, efia nopoge avau konofo iacowa? efia nopoge tucu roto komai iacowa? Arafia aia icunei iatavau.

¹⁸Iesu neiseciria ta agelo isa, ma aia nifeke watafa aia, ma tamasisi neipenpena ia our tira.

¹⁹Iai tagata aia nifakairo niromai ana ia Iesu neitucage, Tiaha acime nitaru segeake watafa aia?

²⁰Iesu neitucage iacre, ia ane nei acowa sefarogrogo; ma tamari avau koutucua iacowa, Pe tshowa fakarogrogo hepe ta nohua o mustart, acowa katucua ia ta ora tira, Feke icunei fano icona; ma aia kafeke hepra; ma jimra acowa kotaru ia vere tasi.

²¹Kaia acre hepe aia sefano watafa kaia ia mori na nokopari.

²²¶ Nopogera acre neinofo ia fanua o Calili, Iesu neitucage iacre, Ta Nontariki o tagata kafakareresia aia ia norima o tagata.

²³Acre katshi aia komate, ma ia nopoge toru, wamuri aia kamasike komouri foci, Arotorea nimy sore iateia.

²⁴¶ Nopogera acre niromai ia Kapernaum, acre niamo mune tsha teriki, nimai ia Pitrus neitucage, Tshou teriki eitufwa mune tsha teriki, mo jimra?

²⁵Aia neitucage, Keini. Aia nimai efare iai, Iesu nifasao mokagi aia, nokoutucua, Taha akoi kamintua Saimona? tsha akai ta fatoriki o fanua wararoni amo mune? ia erecriki tshare, mo o tagata tsha faruke papai?

²⁶Pitrus neitucua iateia, O tagata papai tsha faruke. Iesu neitucage iateia, Pe hepra erecriki setufwa.

²⁷Kaia pe acitia seiauiai arotorea, Fano akoi ia tatai, tatuce matau ia tatai, ma eika karecina mokagi vaia tshana kowfafa, ma akoi kacitia iai tasi mune amke aia avage acre iatavau ma akoi.