Read Futuna-Aniwa MATHIUS, 28 Bible Online

MATHIUS, 28 - Futuna-Aniwa bible

MATHIUS, 28

¹NISIRICE nopoge tapu, tafeitiata nimai itata tara konace ia nopoge tasi o ta wik, niromai Mere o fanua o Mactala ma sece Mere keifatshigeia ta tupunaga.

²Ma neicitia, tasi tumahuke nimai; ma agelo o Ihova nifanifo ia taragi, nimai nifurusia ta fatu ia tafeitoca, ma neinofo ilugia aia.

³Tshana foimata hepe tuptupeia, ma tshana miga kego ana hepe sno.

⁴Tagata nifatshigeia tapunaga nimtacu sore aia nivirviri iateia, neimna acre hepe tagata nimate.

⁵Ta agelo nifasao neitucage ia fafine, Natshicina kumtacu acowa; ma avau keiro acowa sara Iesu aia acre neitucia ia tererakau fakaravasia.

⁶Aia jimra icunei; ma aia nimasike, hepe aia neitucua, komai kowcitia ta none ta Teriki nimoy aia.

⁷Roro milowia, ma koutucua niana tagata aia nifakairo pe aia nimasike ia tagata nimate, ma kowcitia aia fano mokagi acowa ia Calili; iai acowa kacitia aia; kowcitia, Avau nakatucua iacowa.

⁸Acrawa nifeke milowa ia tupunaga ia nimtacu ma nibisa sore; ma nifura keitucua niana tagata aia nifakairo.

⁹¶ Hepe acrawa niroro keitucua niana tagata aia nifakairo, neicitia, Iesu nifapa acrawa, nokoutucua, Alofa akorua. Acrawa niromai nipurutshia tshana vai, ma nimori aia.

¹⁰Iai Iesu neitucage iacrawa, Natshicina kumtacu; roro koutucua tshaku anoso, pe acre kororo ia Calili, ma iai acre kacitia avau.

¹¹¶ Hepe acrawa niroro, neicitia, faru o fakau nifatshigeia tapunaga niromai ia tumrai sore neitucage fatoriki o tafare mori ane iotshira nimai iateia.

¹²Acre nifetacina ia fakau sore, acre nifakatamau iateia, macre neitufwa mune sore ia fakau kotaia tagata.

¹³Nokoutucua, Koutucua acowa, Niana tagata aia nifakairo, niromai ia tupo, nitshigo aia acime nimero.

¹⁴Pe afasao tinei kamai ia nontariga o teriki acime kafasao keimna tshana roto mugaro, ma kapare acowa.

¹⁵Hepra acre niamo ta mune, ma neitucua hepe nifakairo acre; ma ta fasao tira acre neitucua ia tagata o Juteia ia nopoge nei ma.

¹⁶¶ Nopogera niana tagata aia nifakairo niroro ia Calili, ia ta ora Iesu nifakairo acre iateia.

¹⁷Iai acre neicitia aia, acre nimori aia, kaia faru nokomanatune.

¹⁸Iesu nimai iai nifasao iacre nokoutucua, Iotshi tomatua kotufwa avau ia taragi ma ia afanua wararoni,

¹⁹¶ Roro acowa ia ane nei, ma fakairo tagatotshi iafanua iotshi, nokobaptiso acre ia neigo o Tamana, ma o ta Nontariki, ma o ta Nokano Tapu.

²⁰Nokofakairo acre keimna ane iotshi hepe avau nifakairo acowa iateia; ma kowcitia avau konofo iocowa tau ma tau ia nopoge wamuri o afanua. Amen.