Read Futuna-Aniwa MATHIUS, 5 Bible Online

MATHIUS, 5 - Futuna-Aniwa bible

MATHIUS, 5

¹NOKOUCITIA tagata nalupai su nifitacina iai, aia nifitshi ta ora tasi; aia neinofo iai, ma niana tagata aia nifakairo niromai iateia;

²Aia nifakamama tshana rogoutu, nifakairo acre, nokoutucua,

³Sececesa acre arotorea meru; ma tshare ko tavaka o taragi.

⁴Sececesa acre komakuru; ma taha nopogi acre kabica ia arotorea.

⁵Sececesa acre arotorea egata tasi; ma acre konofo palo ia tafanna.

⁶Sececesa acre tshitogi ma mate maganerefia; ma taha nopogi acre kamakona.

⁷Sececesa acre karofa keiarafeina ma asitu iateia; ma karofa karafeina ma kasitu acre.

⁸Sececesa acre arotorea feimacowa maganisa; ma acre kacitia Atua.

⁹Sececesa acre kofetuanace; ma katapa acre atamerecriki o Atua.

¹⁰Sececesa acre pe sewa takaroiai arotorea ia maganirifia tshare; ma tshare ta tavaka o taragi.

¹¹Sececesa acowa, pe tagata kafasosa ma fakoko iacowa, ma kafasosa ia korifu tshare acowa maganisa iotshi, ia tshowa acitiafakarafiao avau.

¹²Kabisa, ma kanini sore i arotowa; ma sore fakamata tshowa konofo ia taragi; ma hepra acre nitakaroiai aprofeta neinofo mokagi acowa.

¹³Acowa ta tera o iafanua wararoni; kaia pe tera nimarigi tshana tomatua, ia taha acowa keimna aia tera foci? aia wamuri nei isa ia ane iotshi, kaia keitowaki aia watafa keitakumea aia iraro novai o tagata.

¹⁴Acowa ta merama o iafanua wararoni. Pe ta tumrai sore konofo ia ta ora sefunamana aia.

¹⁵Foci tagata setugia ta lamp keifuna aia iraro taganea, kaia keifecetshia aia iluga ane iateia, ma aia keitufwa merama tshana ia tagatotshi efare.

¹⁶Erefia tshowa merama koura emoa tagata, pe acre kowcitia tshowa maganerefia, ma kabisa ia Tamanowa aia konofo ia taragi.

¹⁷¶ Natshicina kamintua acowa avau komai takaroiai tafasao tapu, mo o aprofeta; avau sekomai takaroiai aia, kaia keimna magane totonu iateia.

¹⁸¶ Ma tamari avau koutucua iacowa, Ia taha nopoge taragi ma iafanua kofano kojimra, tasi nopito mo tasi nuntafa o tafasao tapu sekomarigi, mokagi ane iotshi komiace iateia.

¹⁹Tagata akai kaiauiai tasi nuntafa fakasisi o ta fasao tapu tsha Ihova, ma kafakairo tagata hepra, katapa aia fakasisi ia tavaka o teragi, kaia tagata akai maganerefia iacre ma fakairo tagata hepe, katapa aia sore ia tavaka o taragi.

²⁰Ma avau koutucua iacowa, Pe maganerefia tshowa jimra sore mokagi ta maganerefia o tagata fakairo ma Afarasi, acowa sefano mana ia tavaka o taragi.

²¹Acowa nifakaragona acre ituai neitucua, Akoi natshicina kotaia tagata, ma pe tasi kotaia tagata, aia itata ioria maganisa;

²²Kia avau koutucua iacowa, Pe tagata tasi kofakainina ana ia tshana noso, aia kanofo itata ioria o maganisa; ma pe tagata tasi katucua ia tso noso, akoi tano, aia kanofo itata tagata neitucuasana aia; kaia akai koutucua Akoi koukali, aia kanofo itata tiafi sore.

²³Ianenei, pe akoi amai tshou takavari ia tafata o takavari, ma iai kamentua tshou noso nifakainina iatakoi,

²⁴Nagi iai tshou takavari emoa ta fata, fano tshou teretu, keimna aroto o tshou noso mugaro, iatakoi mokagi, wamuri nei komai keitufwa tshou takavari.

²⁵Fetuanace milowa tagata kofiatu akoi, pe taha nopoge akorua konofo ia teretu; mo aia feimacowa akoi katufwa akoi ia tagata fakowia, ma tagata fakowia keitufwa akoi ia ta fitshicou keipurutshia tagata isa, keitouwaki akoi ia ta fare mukei.

²⁶Tamari avau koutucua iatakoi, Akoi sekafeke mana ta fare mukei mokagi akoi fakamata ane iotshi.

²⁷¶ Acowa nifakarogona pe tagata ituai neitucua; Akoi natshicina tshigofia ta fine tsha faruke;

²⁸Kaia avau koutucua iacowa, Pe takou tasi keicitia ta fine tasi keicitiafakarafia tshigofia aia, aia nimaganisa milowa ia aia ia niana roto.

²⁹Pe tshou foimata matou takaroiai akoi, keriace aia, towaki aia; erefia iatakoi pe tasi nopito o tshou notshino kojimra, ma isa aia konofo keitowaki iotshi notshino tshou ia tiafi sore.

³⁰Pe norima matou tshou takaroiai akoi, toutshiace aia, towaki aia; erefia iatakoi pe tasi nopito tshou kojimra, ma isa aia konofo keitowaki iotshi notshino tshou ia tiafi sore.

³¹Nifasao foci tira, Pe tagata tasi katowaki tshane fine, erefia aia keiavagi aia tatapuria keitowaki aia iateia.

³²Kaia avau koutucua iacowa, pe tagata tasi katowaki tshane fine, kaia ma kotshigo tatane ana, aia keimna aia tshigo faruke; ma pe tatane tasi karafia tafine aia nitowaki, aia tshigofia ta fine tsha faruke.

³³¶ Foci acowa nifakarogona pe tagata ituai neitucua, Akoi natshicina koutucua tafasao korefu hepe tafasao tamari tapu, kaia koutucua ia Ihova iotshi afasao tapu mari tshow.

³⁴Kaia avau koutucua iacowa, sekoutucua afasao tapu mari; jimra ia taragi; ma aia Atua konofo iai,

³⁵Jimra ia fanua wararoni; ma aia tshana vai nokotu iai; jimra ia Jerusalem ma aia ta tumrai sore o ta Teriki sore

³⁶Foci acowa kanatshicina koutucua tafasao tapu mari ia tshou nouru, ma akoi taru keimna tasi foiuru kego mo ouri.

³⁷Kaia erefia tshou afasao, keini, keini; ma Jimra, jimra, ma taha afasao foci wamuri tira aia isa.

³⁸Acowa nifakaragona tafasao neitucua, Tasi foimata kaiioria tasi foci foimata, ma tasi nonifo kaiioria tasi foci nonifo.

³⁹Kaia avau koutucua iacowa, pe acowa natshicina ioria maganisa, kaia ia aia ferpacia akoi ia nomeregarega matou, katafuri keitufwa aia ta masui foci.

⁴⁰Pe tagata tasi karafia akoi mokagi tagata fakowia ma keiamke tshou kot, keitufwa aia tshou tumiga sore iluga ma.

⁴¹Pe tagata tasi karotshia fakamukei akoi keifano tasi mail, erefia akoi fano ia aia erua mail.

⁴²Keitufwa ia aia kanogia akoi ane, ma ia aia kameiamo ana tshou ane kanatshicina kafafuri aia.

⁴³¶ Acowa nifakarogona afasao neitucua, Akoi kacitiafakarafia tagata konofo i arotopa, ma feimacowa acre feimacowa akoi.

⁴⁴Kaia avau koutucua iacowa, Acitiafakarafia acre feimacowa acowa, fasao erefia iacre kafasosa iacowa, maganerefia ia acre feimacowa acowa, ma mori Ihova iacre ta karoiai acowa, ma feimacowa fakoko acowa.

⁴⁵Pe acowa arecriki o tamanowa ia taragi; ma aia emna tshana tara konace ia tagata isa ma ia tagata erefia, ma kokowna tshana towa koto ia tagata maganerefia ma ia tagata maganisa.

⁴⁶Ma pe acowa acitiafakarafia acre acitiafakarafia acowa? jimra fakamata acowa iateia? magane o tagata amo mune tsha teriki hepra mo?

⁴⁷Ma pe acowa karofa tagata tshowa ana, magane o tagatotshi hepra mo? Magane o tagata amo mune tsha teriki hepra mo?

⁴⁸Maganerefia iotshi acowa, hepe tamanowa taragi maganerefia iotshi.