Read Futuna-Aniwa MARKUS, 2 Bible Online

MARKUS, 2 - Futuna-Aniwa bible

MARKUS, 2

¹FOCI aia nifano ia Kaperneum wamuri faru nopoge, nifasao sore fakairo acre aia efare.

²Milowa tagata nalupai nifetacina nipecitshia efare, none jimra faru foci romai iai, jimra kofori tafeitoca; aia nikova tafasao erefia iacre.

³¶ Acre niromai iateia, niarafia tasi tatane nimace o ta pulse, tagata efa nitshicitshia aia.

⁴Iai acre neisereva romy citata aia, ma tagata nalupai nifori aia, acre neifasia tatahufu o tafare aia neinofo iai, ma acre nigeifo ta potu ia aia nimace o ta pulse nimoi iai.

⁵Iesu neicitia tshare fakarogrogo, aia neitucage ia tatane nimace o ta palse, Tucutariki, nori tshou maganisa keiamke.

⁶Kaia faru o fakau serea ma fakairo tatapuria nikonofo iai, nokomintua arotorea.

⁷Tiaha tatane nei koutucua tafasao tapu? Akai tomatua keiamke nori o maganisa kaia Atua ana?

⁸Milowa Iesu nikeiro ia niana roto acre nifasao hepe nei i arotorea, aia neitucage iacre, Tiaha acowa kamintua afasao hepra i arotowa?

⁹Tiaha meru keitucua ia aia tamace o ta palse, Nori maganisa, tshou keiamke; mo keitucua iateia, masike, avake tshou apotu, ma fano?

¹⁰Kaia keifakairo acowa ta Nontariki o tagata tomatua ia takere wararoni keiamke nori amaganisa (aia neitucage ia aia nimace o ta palse),

¹¹Avau katucua iatakoi, masike amo tshou apotu, fano tshou teretu ia tshou fare.

¹²Milowa aia nimasike, niavake tapotu; nifano efuafo imoa acreiotshi, neimna acreiotshi nimasaro iai, nibisa ia Atua, nokoutucua, Acitia secitia mana hepe nei.

¹³¶ Aia nifano efuafo foci itata tatai; tagatotshi iai nifetacina iateia, ma aia nifakairo acre.

¹⁴Hepe aia nifeke itata, aia neicitia Livai ta nontariki o Alfeus nokonofo ia tafare neitufwa mune o teriki iai, aia neitucage iateia, Mai muri avau. Aia nimasike nifano wamuri aia.

¹⁵Ane nei nimai, hepe Iesu neinofo ia kokai ia tshana fare, fakou nalupai niamo mune o teriki, ma fakou isa neinofo iai ia Iesu ma niana tagata aia nifakairo, ma acre nalupai iai, ma acre niroro wamuri aia.

¹⁶Iai fakou neiserea ma nifakairo, tatapuria ma fakou Farasi neicitia aia nikeina ia tagata niamo mune o teriki iai ma tagata isa, acre neitucua niana tagata aia nifakairo, Tiaha aia kokai ma konumia ia tagata amo mune o teriki ma tagata isa?

¹⁷Iesu neirogona nei, aia neitucage iacre, Acre tomatua secitiafakarafia keicitia tatane amke tamace, kaia acre komace; Avau semai mana keitapa tagata erefia, kaia tagata isa keinatshicina ma feimacowa maganisa tshare.

¹⁸¶ Fakou Joanes nifakairo, ma fakou o ta afarasi nikopari acre niromai neitucua iateia, Tiaha tagata Joanes nifakairo, ma tagata o Afarasi kopari, kaia tagata akoi fakairo sekopari mana?

¹⁹Iesu neitucage iacre, Tiaha atamerecriki o tatane arafia tshana fine kopari, nopoge iotshi aia konofo iacre? iotshi nopoge tatane arafia tshana fine konofo ia acre, acre sekopari mana.

²⁰Kaia taha nopoge kaimai tatane arafia tshana fine, karafiace natshicina acre, wamuri nei acre kapari i taha nopoge.

²¹Jimra tatane tasi suciapofna nontafa tumiga fou ia tumiga popo; mo tumiga fou suciapofna eifasia tumiga ituai, keimna fakafotu sore su.

²²Jimra tatane tasi keirigia weina fou ia avai toga ituai; mo wena fou eifasia avai toga, ma ta weina komarigi, ma avai toga isa; kaia weina fou erefia kairigia ia avai toga fou.

²³Ane nei nimai, aia nifano arotopa o ta korn ia nopoge tapu; maniana tagata aia nifakairo neikamata hepe acre niroro keitoria nohua o ta korn.

²⁴Tagata Farasi neitucua iateia, Kowcitia, tiaha acre imna ia nopoge tapu ane itapu?

²⁵Aia neitucage iacre, Acowa setawamana taha Tevit neimna, ia nopogera tshana akai nijimra, aia nitshitogi, ma acre wamuri aia?

²⁶Aia nifano ia tafare o Atua i nopogera o Abaiether ta teriki sore o tafare mori, ma nikeina ta aofa neinofo iai, takai tapu, kaia tsha tagata tapu ana, foci aia neitufwa iacre wamuri aia?

²⁷Aia neitucage iacre, Ta nopoge tapu neimna ia tagata, ma jimra tagata neimna ia ta nopoge tapu;

²⁸Ia ane nei ta Nontariki o tagata, aia teriki Sore ma o ta nopoge tapu.