Read Futuna-Aniwa MARKUS, 7 Bible Online

MARKUS, 7 - Futuna-Aniwa bible

MARKUS, 7

¹NOPOGIRA niromai iateia Fakou Farasi, ma faru fakou o acre serea ta tapurea ma acre niromai ia tumrai o Jirusalem.

²Iai acre neicitia faru o niana tagata aia nifakairo nikeina aofa ia norima isa, nokano tafasao tira, mokagi acre fakafano, acre neisacerea iateia.

³Ma tagata Afarasi, ma iotshi tagata o Juteia, sekeina mana mokagi acre fakafano nalupai, nokopurutshia afasao o fakou sore ituai.

⁴Wamuri acre koramai emrai, pe acre sekowkow mana acre sekai mana. Ane nalupai hepra acre niamo ma keipurutshia, hepe tataroa, taganea akup, ma apot, ma aganea o bras, ma afata.

⁵Nopogera iai fakou Farasi, ma fakou serea tatapuria nifakowia aia, Tiaha tshou tagata akoi fakairo natshicina amagane hepe afakairo o fakou sore ituai, kaia acre kakeina aofa ia norima sefakafano?

⁶Aia nifasao neitucage iacre, Tamari Aisea neitucage mokagi o acowa arotowa erua, hepe aia neisereace, Tagata nei rogoutorea mugaro iatavau, kaia arotorea ikona papai iatavau.

⁷Acre mori isa iatavau, nokofakairo hepe tafasao tshaku tafasao o tagata.

⁸Ma nikofeke afasao o Atua, acowa apurutshia afasao o fakou sore ituai, hepe tataroa aganea apot, ma akup; ma ane nalupai hepe tina acowa komna.

⁹Aia neitucage iacre, Tamari acowa natshicina tafasao o Atua, pe acowa apurutshia tshou afasao o acre ituai.

¹⁰Ma Moses neitucage, Maganerefia ia tshou mana ma tshou nana, ma akai afasosa ia ta mana mo nana, erefia aia komate iateia.

¹¹Kaia acowa koutucua, Pe tatane, tasi katucua ia tshana tamana, mo ia tshana nana, aia ko Korban, nokano o tafasao nei, aia ane tapu neitufwa Atua; ia anea keisitu acrawa; aia kanatshicina asitu acrawa.

¹²Acowa neitucuasana aia asitu foci tshana mana ma tshana nana.

¹³Nokomna tafasao o Atua taru ia afasao tshowa tsha tagata ituai, tira acowa nifakairo; ma ane foci nalupai hepra acowa emna.

¹⁴¶ Nopogera aia nitapa tagata iai iateia, aia neitucage iacre, Fakarogona tshaku fasao acowa iotshi, ma keiro.

¹⁵Jimra ane tishana watafa tagata, pe aia kakeina emna aia isa; kaia nalupai ane konace i aia komai watafa, acre anera emna tatane isa.

¹⁶Pe tatane tasi nontariga tshana konofo keifakarogona, erefia aia fakarogona.

¹⁷Iai aia nifano efare ma natshicina tagata, niana tagata aia nifakairo nifakowia aia nokano o ta fakatagasia tira.

¹⁸Aia neitucage iacre, Tiaha acowa puspusi hepe nei? Sekeiromana acowa, pe ane iotshi ma watafa tatane aia furumea sekamna aia isa.

¹⁹Takai aia kakeina sefanomana ia tshana roto, kaia tshana nonai, ma fano ia nuntafa o tavava, nokopenpena iai iotshi akai?

²⁰Aia neitucage, Ane konace komai watafa aroto o tagata, anera imna tatane isa.

²¹Ma ia aroto, konace ia aroto o tagata, komai afinagaro isa, tshigofia fafine tsha faruke, tshigofia fafine konofo ana, kotaia komate tagata ma,

²²Tshigofia, acitiafakarafia keiamo ane iotshi, amaganisa, akofeiva, acitiafakarafia amaganisa tsha fafine, foimata isa, tafasosa itapu, amagane palo, amagane hepe koukali;

²³Ane iotshi isara konace aroto tagata, keimna tatane isa.

²⁴¶ Aia masike nifeke fanua iai, nifano ia fanua watai o Tairus ma Saiton, nifano efare, neicitiafakarafia tagata sekeiromana aia iai, kaia acre taru keimuni aia.

²⁵Ma tasi tafine, tentama sisi tshana niamo agelo isa, aia nifakarogona aia iai, nimai nito itata tshana vai;

²⁶Ta fine tira o fanua Crisi; neigo o tshana nontafa Sairofenisia; aia nifakowia sore aia keisegiake agelo isa watafa tshana tentama.

²⁷Kaia Iesu neitucage iateia, Erefia atamerecriki makona mokagi; ma isa keiamo takai tsha atamerecriki, keitowaki ia akuli.

²⁸Aia nifasao neitucage iateia, keini, Teriki; ma akuli iraro tafata kakeina nopecpeci tsha atamereariki.

²⁹Aia neitucage iateia, Ma tira fasao fano tshou teretu, ta agelo isa neisigiake watafa tshou tamafine.

³⁰Iai aia nimai efare tshana, aia neicitia agelo isa nifano watafa, ma tshana tentama nimoy iluga tapotu.

³¹¶ Foci, aia nifeke fanua watai o Tairus ma Saiton, aia nimai, ia tatai o Calili, ia aroto o fanua watai o Tikapolis.

³²Acre niarafia iateia, tatane tasi tuturi, ma tano; acre nifakowia aia keifecetchia tshan orima iluga aia.

³³Aia niarafia aia sisi papai natshicina acre nifetacina iai, nitofia tshana matshik orima ia tshana nontariga, aia nisavari, nitofia tshana norero ma.

³⁴Nokofakatariaga taragi, aia nimopsake, neitucage iateia Efafatha, nokano o tafasao tira, Tshiki akoi.

³⁵Milowa tshana atariga neitshicea, ma nawowa o tshana norero neivetea, ma aia nifasao erefia.

³⁶Aia neitucuasana acre natshicina koutucua tasi tagata; kaia hepe aia neitucuasana sore acre, sore foci acre nifasao iateia;

³⁷Acre nimasaro sore su iai, nokofasao, Aia neimna ane iotshi erefia; aia neimna tagata nontariga turi keifakarogona erefia, ma tagata tano keifasao erefia.