Read Futuna-Aniwa LUKUS, 13 Bible Online

LUKUS, 13 - Futuna-Aniwa bible

LUKUS, 13

¹IA nopogera faru tagata nifasao aia o tagata o Calili, Pailet neiregea repua niare toto ia niare akavari.

²Ma Iesu nokofasao neitucua iacre, Kamentua acoua acre ra tagata o Calili isa sore kagi tagata o Calili, ianenei acre nitaia hepera?

³Avou koutucua iacoua jimra, kaia pe acoua setagi ma feke maganisa, acoua foci kamate hepera.

⁴Mo acre ra etin fakou iluga acre tafare iluga nito, ma neitshi acre mate, kamentua acoua acre isa sore kagi iotshi neinofo ia Jerusalem?

⁵Avou koutucua iacoua acre jimra, kaia pe acoua setagi ma feke amaganisa acoua foci kamate.

⁶Aia neitucua tase fakatagasia afasao, tasi tane nipopra tasi tsharupe ia tshana vere o avaine ma aia nimai neifatshigeia anohua o aia, ma aia jimra.

⁷Ma aia neitucua ia tatane neipenpena avaini, Koucitia atou toru avou nimai fatshigeia nohua o tinei tsharupe secitiamana faru, sawace ma touwaki aia, tiaha aia foci nofo ia takere?

⁸Ma aia nifasao neitucua iateia, Teriki Natshicina aia tou tinei foci, ma avou karega takere Kofori aia, ma nagi takere erefia iateia,

⁹Ma pe aia kohua erefia, kaia pe jimra akoi kasawace aia.

¹⁰Ma aia nifakairo ia tasi o niare fare mori ia ta nopoge tapu.

¹¹Ma neicitia tase fine iai aia nakamo nokano taru atou etin, aia nimomoi iraro tshana notshino, ma setomatua masike totonu.

¹²Inaia Iesu neicita aia, aia nitapa aia iateia ma neitucua iateia, Fafene akoi eivetea ia tshou ta maci.

¹³Ma aia neinage tshana norima iluga aia, ma miloua neimna aia totonu, ma aia nibisa ia Atua.

¹⁴Ma ta teriki o tafare mori, nifakainina sore ianenei Iesu neipenpena ta fine ia ta nopoge tapu, nifasao ma neitucua ia tagata nalupai nifetacina iai, Nopoge ono konofo ia ta vere o tagata, ia acre komai ma aia keipenpena acoua, ma jimra ia ta nopoge tapu.

¹⁵Kaia ta Teriki nifasao ia aia neitucua, Acowa fakou aroto erua, acoua iotshi ia nopoge tapu eivetea tshaua kurimatou mo tshaua as ia tafare ma arafia aia keinu tavai?

¹⁶Ma erefia mo ta fine nei tasi nofine o Ebraham, aia Satana nifousia aton etin keivetea ia amaci nei nifousia aia ia ta nopoge tapu?

¹⁷Ma hepe aia neitucua ane iotshira, acriotshi feimacoua aia neinofo nikoma; ma iotshi tagata nifetacina iai nibisa ia iotshi avere sore aia neimna.

¹⁸Ianenei aia neitucua iacre, Hepe taha ta vaka o Atua? Ma hepe taha avou koutucua aia?

¹⁹Aia hepe tasi nofatu o Mustart tasi tatane nipopra ia tshana vere ma aia nisomo sore, ma amanu o avavania nimai ma nofo ia tshana anora.

²⁰Foci aia neitucua, Hepe taha avou koutucua ta vaka o Atua?

²¹Aia hepe leven tasi fine niamo ma nimune ia toru aganea o flou ma iotshi neinace ia aia.

²²Ma aia nifano ia tshana teretu ia umrai sore ma sisi nokofakairo, hepe aia nokofano ia Jerusalem.

²³Ma tasi neitucua iateia, Teriki, toru ana Kapare ia ioria o ane isa mo? ma aia neitucua iacre.

²⁴Fatshigeia keifano ia tafeitoca sisi, mo avou koutucua iacoua, nalupai kafakouia keifano watakoro, ma setomatua iateia.

²⁵Inaia ta teriki o tafare komasike, ma napofna ta feitoca, ma acoua neikamata keikotu watafa, ma keituctucia ia tafeitoca, nokoutucua Teriki tshice iacime, ma aia kafasao ma koutucua iacoua. Avou sekeiro acoua komai wehe.

²⁶Ia our tera acoua neikamata keitucua, Acime nikeina ma keinu mokage akoi, ma akoi nifakairo ia tshome aretu.

²⁷Ma aia katucua, Avou katucua iacoua, Avou sekeiro acoua komai wehe; feke avou, acoua iotshi maganisa.

²⁸Iai kamai ta nokotagi ma nakeifakatshia nonifo ia Nopoge acoua kacitia Ebraham, Ma Aisak, Ma Jekob, Ma iotshi aprofeta ia tavaka o Atua, ma acoua katouwaki watafa.

²⁹Ma acre komai ia ta ist, ma ta west, ma ia ta north, ma ta south, ma kanofo ia ta vaka o Atua.

³⁰Ma koucitia acre wamuri kamokagi, ma acre komokagi kawamuri iotshi.

³¹Ia our tera nimai iateia Afarasi nokoutucua iateia, Fano watafa, ma feke icunei; ma Herot acitiafakarafia kotshi akoi mate.

³²Ma aia neitucua iacre, Roro ma koutucua ia tera (foks) kuli eiro, koucitia avou teouwaki watafa agelo isa, ma penpena tagata o amaci iranei ma aratou, ma taragi avou kurava erefia.

³³Kaia avou fano tshaku teretu iranei, ma aratou ma taragi; ma aia kojimra tasi o aprofeta nitakaroiai watafa Jerusalem.

³⁴Kawe Jerusalem, Jerusalem, akoi kotaia mate aprofeta, ma tucia ia afatu acre kowna iatakoi! efia nopoge avou neicitiafakarafia kefetacina niaua erecriki hepe tamoa kofetacina tshana erecriki moa iraro tshana nupakou ma acoua nenatshicina!

³⁵Koucitia niaua fare konofo iacoua ana; ma avou koutucua iacoua, acoua sekacitia avou, ia taha nopoge acoua katucua, Erefisa aia nakomai ia ta neigo o ta Teriki.