Read Futuna-Aniwa LUKUS, 3 Bible Online

LUKUS, 3 - Futuna-Aniwa bible

LUKUS, 3

¹IA ta feftin atou o ta teriki Taibirius Sisar, Pontius Pailet nokonofo ta tariki o Juteia, ma Herot ta teriki o Calili, ma tshana noso Felipos teriki o Iturea ma Trakonitis, ma Lysania ta teriki o Abiline.

²Anas ma Kaiafas nokonofo fakou tapu sore, ta fasao o Atua nimai ia Joanes ta nontariki o Sakaraias ia ta tugogou.

³Ma aia nimai ia iotshi afanua nifori Jortan, nokova ta baptiso o tagi ma feke amaganisa ma keitouwaki nori amaganisa.

⁴Hepe naiserea ia ta tatapuria o aprofeta Aisea, nokoutucua, Ta noreo o tasi nokotapa ia ta tugogou Penpena acoua ta retu o ta Teriki, imna tshana aretu totonu.

⁵Iotshi fagovai kafonu iluga, ma iotshi aora sore ma sisi kafanifo iraro, ta safi kamna totonu, ma aretu mukei kamna meru;

⁶Ma iotshi tagata kacitia ta kapare ia aneamouri a tshote Atua.

⁷Iai aia neitucua ia tagata nalupai nifetacina iateia keibaptiso ia aia, acoua tasiatu tagata isa konofo melou, akai nifasao acoua keifura ta fakainina keimai?

⁸Amai acoua anohua erefia o kotagi ma feke amaganisa, ma sekoutucua ia arotua, Acime nakamo Ebraham tamanoteia, ma avou koutucua iacoua, Pe Atua ko tomatua o afatu ra ketishicitshia erecriki ia Ebraham.

⁹Ma melou foci ta toci konofo ia ta nontafito o ta tererakou, ma iotshi afoirakou sefua anohua erefia kosawace ma touwaki ia tiafi.

¹⁰Ma tagata nifakowia aia nokoutucua, ma taha acime kamna?

¹¹Aia nifasao neitucua iacre, Aia nakamo erua akot erefia aia tufwa tasi ia aia tshana jimra, ma aia nakamo akai erefia imna hepera.

¹²Wamuira nimai, fakou fetacina mone tsha teriki keibaptiso o aia, ma acre neitucua iateia, Teriki fakairo taha acime kamna?

¹³Ma aia neitucua iacre seamo sore kage mone kaia totonu tshana.

¹⁴Fakou o tatoua ma nifakowia, nokoutucua, ma taha acime imna? Ma aia neitucua iacre, semaganisa ia tatane tasi, ma sekoutucua afasao korefu o tasi, ma fenagarawa merino ia niarawa yorio o mone.

¹⁵Ma hepe tagatotshi mentua aia kamai, ma fenagaro o tagatotshi mentua ia arotorea o Joanes, pe aia ta Kristo, mo jimra.

¹⁶Joanes nifasao neitucua ia acre iotshi, Avou tamari baptiso acoua ia tavai, kaia tasi tomatua sore kage avou kamai wamuri avou, ta ane fousia tshana su avou secrefia keimoy ma vetea, aia kabaptiso acoua ia ta Nokano Tapu ma ia tiafi.

¹⁷Tshana teiri ko ia tshana norima, ma aia kapenpena erefisa tshana avakafare, ma kafetacina ta wit ia tshana fare iateia, kaia ta penu aia katugia ia tiafi setamte.

¹⁸Ma ia afasao o ane nalupai foci aia nikova ia tagata.

¹⁹Kaia Herot ta teriki neisaciria ia aia, ma Herotias ta nanahune o tshana noso Filipos, ma ia iotshi ane isa Herot neimna.

²⁰Ma aia neinagi tenei iluga ane isa iotshi aia neimna, pe aia neinagi Joanis ia tafare mukei.

²¹Ma wamuri iotshi tagata niamo ta baptiso, pe Iesu foci niamo ta baptiso ma nokomori, taragi nitshikice.

²²Ma ta Nokano Tapu nifanifo ia noaga hepe ta foitu iluga aia, ma tasi noreo nimai ia taragi, nokoutucua, Akoi tshaku acitiafarafia Teriki, ia akoi avou kabisa sore.

²³Wamuri Iesu neinofo wararonei itata therte atou wamuri nana nifarere aia, aia hepe tagata nimentua aia ta nontariki o Josef, aia ta nontariki o Hili.

²⁴Aia ta nontariki o Mathat, aia ta nontariki o Livai, aia ta nontariki o Melki, aia ta nontariki o Jona, aia ta nontariki o Josef.

²⁵Aia ta nontariki o Matathaias, aia ta nontariki o Emos, aia ta nontariki o Naum, aia ta nontariki Esli, aia ta nontariki o Naci,

²⁶Aia ta nontariki o Math, aia ta nontariki o Matathaias, aia ta nontariki o Semei, aia ta nontariki o Josef, aia nontariki o Juta,

²⁷Aia nontariki o Joana, aia ta nontariki o Risa, aia ta nontariki o Sorobebel, aia ta nontariki o Salethiel, aia ta nontariki o Neri.

²⁸Aia nontariki o Meki, aia ta nontariki o Ata, aia ta nontariki o Kosam, aia ta nontariki o Elmotam, aia ta nontariki o Er,

²⁹Aia nontariki o Josi, aia ta nontariki o Elieser, aia ta nontariki o Joram, aia ta nontariki o Mathat, aia ta nontarikia o Livai.

³⁰Aia ta nontariki o Simion, aia ta nontariki o Juta, aia ta nontariki o Josef, aia ta nontariki o Jonan, aia ta nontariki o Eliekem,

³¹Aia ta nontariki o Milia, aia ta nontariki o Minau, aia ta nontariki o Matatha, aia ta nontariki Nethan, aia ta nontariki o Tevit,

³²Aia ta nontariki o Jese, aia ta nontariki o Obet, aia ta nontarika o Bos, aia ta nontariki o Salmon, aia ta nontariki o Nesan,

³³Aia ta nontariki o Aminitab, aia ta nontariki o Aram, aia ta nontariki o Esrom, aia ta nontariki o Feres, aia ta nontariki o Juta.

³⁴Aia ta nontariki o Jekob, aia ta nontariki o Isak, aia ta nontariki o Ebraham, aia ta nontariki o Thara, aia ta nontariki o Nehor,

³⁵Aia ta nontariki o Saruk, aia ta nontariki o Racau, aia ta nontariki Felek, aia ta nontariki o Hiber, aia ta nontariki o Sala,

³⁶Aia ta nontariki o Kainen, aia ta nontariki o Arfaksat, aia ta nontariki o Sim, aia ta nontariki o Noa, aia ta nontariki o Lamik.

³⁷Aia ta nontariki o Mathusala, aia ta nontariki o Inok, aia ta nontariki o Jerit, aia ta nontariki o Malilil, aia nontariki o Kenan,

³⁸Aia ta nontariki o Enos, aia ta nontariki o Seth, aia ta nontariki o Atam, aia ta nontariki o Atua.