Read Futuna-Aniwa LUKUS, 5 Bible Online

LUKUS, 5 - Futuna-Aniwa bible

LUKUS, 5

¹MA ane nei nimai iai pe tagata nalupai nipecitshia aia keirogona afasao o Atua, aia nikotu iatata tavai nupu o Cinisarit,

²Ma neicitia erua aporuku nokotu itata tavai nupu, kaia fakou fagota nifeke acrawa ma acre nokotataroa niare akoupega.

³Ma aia nifano ia tasi o ta uporuku, aia tsha Saimona, ma nifakouia aia feke fanua fakasisi, ma aia neinofo ia tuporuku ma nifakairo tagata nalupai nifetacina iai,

⁴Wamuri aia nigapu nokofasao, aia neitucua ia Saimona faru ia tamano ma tatuce tshou takoupega ma torotshimai eika.

⁵Ma Saimona nokofasao neitucua iateia, Teriki acime nifagota iotshi tupo ma seamo tasi, kaia ia tshou afasao avou tatuce takoupega.

⁶Ma wamuri acre neimna hepra, acre niamo eika nalupai su, ma niare akoupega nifatshi.

⁷Ma acre recina norima nitapa niare anele acre neinofo ia tasi tuporuku, pe acre komai asitu acre. Ma acre nimai ma neimna nifonu erua uporuku ma acrawa neikamata keikero.

⁸Kaia inaia Saimona Pitrus neicitia ra, aia nito ia anonturi o Iesu, nokoutucua, Feke Avou; mo avou tatane isa, Teriki sore.

⁹Ma aia nimasaro sore, ma iotshi tagata ia aia, ia ta nalupai su eika acre nitorotshiamai,

¹⁰Ma hepra foci Jakobus, ma Joanes ta anontariki o Sebetius, ma acrawa anele etaftaci iai ia Saimona. Ma Iesu neitucua ia Saimona. Sekumtacu akoi, wamuri nei akoi kapurutshia fakou.

¹¹Ma wamuri acre nitarotshiamai niare uporuku ia fanua, acre nifeke iotshi ma niroro wamuri aia.

¹²¶ Ane nei nimai, inaia aia neinofo ia tasi tumrai, ma neicitia tasi tane nifonu o liprose, aia neicitia Iesu nito ia tshana foimata ma nimori aia, nokoutucua, Teriki pe akoi acitiafakarafia, akoi tomatua penpena avou ekira,

¹³Ma aia nifakatonusia tshana norima, ma neitofia aia, nokoutucua, Avou acitiafakarafia; Akoi emna ekira, ma meloua ta leprose nifeke aia.

¹⁴Ma aia neitucuasana aia keitucua tatane tasi, kaia fano ma kamata akoi ia tatane tapu, ma kavatu ia tshou nokopenpena hepe Moses nifakairo, ma keifakairo iacre.

¹⁵Kaia sore afasao o aia nifano papai, ma tagata nalupai nifetacina keirogona ma keipenpena ia aia o niare amaci ma amy.

¹⁶¶ ma aia nifeke acre, nifano ia tugogou ma nimori.

¹⁷Ma ane nei nimai, ia tasi nopoge, hepe aia nifakairo, Afarasi ma atoktor o afasao tapu neinofo iai, acre niromai ia iotshi umrai o Calili, ma Juteia, ma Jerusalem, ma ta tomatua o ta Teriki iai keipenpena acre.

¹⁸¶ Ma neicitia fakau niarafia ia tapotu tasi tatane nimaci o ta palse, ma acre taru nimai aia efare keinagi aia mokagi Iesu.

¹⁹Ma wamuri acre taru keiarafia efare ma tagata nalupai nipecitshia aia, acre niroro iluga ta fare, ma nifanifo aia ia tatahufu ia tshana potu ia aroto o acre mokagi Iesu.

²⁰Ma nokoucitia niare fakarogrogo aia neitucua Tatane, tshou maganisa nori iateia ko touwaki.

²¹Ma fakou serea tatapuria ma Afarasi neikamata koutucua ia acere, Akai tenei kofasao isa? Akai tomatua keitouwaki nori amaganisa kaia Atua ana.

²²Kaia Iesu nikeiro niare fasao, aia nokofasao neitucua iacre, Taha acoua mentua ia niaua roto?

²³Tiaha meru koutucua nori o tshou maganisa ko touwaki, mo keitucua, masike ma fano?

²⁴Kaia pe acoua makeiro pe ta nontariki o tagata nakamo tomatua ia fanua wararonei keitouwaki nori o amaganisa (aia neitucua ia ta maci o ta palse), Avou koutucua iatakoi, Masike amke tshou potu ma fano ia tshou fare.

²⁵Ma meloua aia nimasike mokagi acriotshi, ma tshicitshia ane aia nimoy iluga, ma feke fano ia tshana fare, nokobisa ia Atua.

²⁶Ma acreiotshi nimasaro sore, ma acre nibisa ia Atua, ma acre nifonu ia kumtacu, nokoutucua, Acime neicitia ane fou iranei.

²⁷¶ Wamuri ane iotshi ra aia nifano watafa, ma neicitia tasi tane nokonofo nifetacina mune o ta teriki, nitapa neigo Livai, ma aia neitucua iateia, komai wamuri avou.

²⁸Ma aia nifeke iotshi, ma nimasike, ma nifano wamuri aia.

²⁹Ma Livai neimna tasi sore tacripoga ia aia ia tshana fare, ma iai fakou nalupai nifetacina mune o teriki ma faru foci neinofo keina ia acre.

³⁰Ma fakou neiserea tatapuria ma Afarasi nifasao nigugu ia niana tagata aia nifakairo, nokoutucua, Tiaha acoua keina ma numea ia fakou fetacina mune o teriki ma fakou isa?

³¹Ma Iesu nokofasao neitucua iacre, Acre tomatua secitiafakarafia keicitia ta toktor kaia acre komaci.

³²Avou semai keitapa acre magane totonu, kaia tagata magane safi isa keitagi iateia ma natshicina.

³³¶ Ma acre neitucua iateia, Tiaha tagata Joanes nifakairo nipari nalupai, ma kamori, foci ma fakou o Afaresi kopari, kaia niana keina ma keinu?

³⁴Ma Iesu neitucua iacre, acoua emna tagata o ta tane arafia tshana fine pari, i anopoge tatane arafia tshana fene konofo ia acre?

³⁵Kaia anopoge kamai pe tatane arafia tshana fine kafeke acre, ma wamurira acre kapari anapogera.

³⁶¶ Ma aia nifasao tasi fakatagasia iacre, Jimra tasi tatane ia tumega fou suciapofna tafotu ia tumega ituai, mo ta nopito fou tumusia aia, ma ta nopito fou jimra hepe ta tumega ituai.

³⁷Ma jimra tatane tasi rigia weina fou ia abotel ituai; mo ta weina fou kafasia abotel ma korigia ta weina, ma abotel ko iauiai.

³⁸Kaia weina fou korigia ia abotel fou ma acraua erefisa.

³⁹Ma jimra tasi tane nakanumea weina ituai, meloua acitiafakarafia weina fou, ma ta ituai ko erefisa kagi.