Read Futuna-Aniwa LUKUS, 6 Bible Online

LUKUS, 6 - Futuna-Aniwa bible

LUKUS, 6

¹ANE nei nimai ia nopoge tapu aia nifano watakoro tavere o akorn, ma niana tagata aia nifakairo nifacia sisi akorn ma nikeina togofia aia ia niare arima.

²Kaia faru Afarasia neitucua, iacre, Tiaha acoua emna ane ra itapu ia nopoge tapu?

³Ma Iesu nifasao iacre ma neitucua, Acoua setawa mana mo, taha Tevit neimna, i anopoge aia ma acre ia aia tshitogi;

⁴Aia nifano ia tafare o Atua, ma niamo ma nikeina bret neicitia iai, ma neitufwa ia acre wamuri aia, ta bret itapu keina, kaia ia fakou tapu ana?

⁵Ma aia neitucua iacre ta Nontariki o tagata aia ko teriki o ta nopoge tapu.

⁶Ma ane nei nimai ia tasi foci nopoge tapu, aia nifano ia ta fare more ma nifakairo, ma iai tasi tane tshana norima matou nimero.

⁷Ma fakou serea tatapuria ma Afarasi nifatshigeia aia, pe aia penpena aia ia nopoge tapu, pe acre saciria aia iateia.

⁸Kaia aia nikeiro niare afenagaro, ma aia neitucua ia tatane tshana norima nimero, Masike, ma kotu ia aroto. Ma aia nimasike ma nikotu mokagi iotshi.

⁹Jesu neitucua iacre, Avou kafakouia acoua tasi ane. Ko erefia i anopoge tapu keimna ane erefia mo keimna ane isa? keipare aneamouri o tasi, mo keitakaro aia?

¹⁰Ma nokoucitia kofori ia acre iotshi, aia neitucua ia tatane. Fakatonusia tshou norima. Ma aia neimna hepera, ma tshana norima neipenpena erefia hepe ta foci norima.

¹¹Ma acre nifonu o fakainina sore su; ma nifasao iacre? taha acre emna ia Iesu.

¹²Ma ane nimai i anopogera pe aia nifano watafa ia tasi ora keimori, ma neinofo iotshi tupo i amori ia Atua.

¹³¶ Ma tiau nimai, aia nitapa ia aia niana fakou aia nifakairo, mo o acre aia nisubina (twelv) tumtaga huru ma erua, acre aia nitapa aneigorea apostolo.

¹⁴Saimona aia nitapa tshana neigo foci Pitrus, ma Antreus tshana noso, ma Jakobus, ma Joanes, ma Filipos, ma Bartholomeus,

¹⁵Mathius ma Tomas, Jakobus ta nontariki o Alfeus, ma Saimona nitapa neigo foci Silotis,

¹⁶Ma Jutas ta noso o Jakobus, ma Jutas tatane kareot aia ta fakareresia.

¹⁷¶ Ma aia nifanifo ia acre, ma nikotu ia fanua moy, ma nalupai o niana tagata aia nifakairo, ma tagata nalupai su o iotshi fanua Juteia ma Jerusalem, ma o taftafa tai o Tyrus ma Saiton, acre niromai keirogona aia, ma keipenpena o niare amagi.

¹⁸Ma acre arotorea nimy ia agelo isa; ma aia neipenpena acre.

¹⁹Ma iotshi tagata nalupai nifetacina ia keiremoa keitofia aia; ma tomatua nimai watafa aia keipenpena acre iotshi.

²⁰¶ Ma aia seranana ia tshana foimata ia tshana tagata aia nifakairo, ma neitucua. Erefisa acoua tagata outa jimra; mo niaua ta vaka o Atua.

²¹Erefisa acoua tshitogi melou, ma acowa kakona, Erefisa acoua pe tagi melou; ma acoua kaukata.

²²Erefisa acoua ia nopoge tagata kafeimacoua acoua, ma i anopoge acre feke acoua, ma kafasosa iacoua, ma katouwaki niaua neigo hepe isa, ma ta acitiafakarafia o acoua ia ta nontariki o tagata.

²³Kabisa acoua ia taha nopoge anera komai, ma kasopo ia kabisa, ma kosore niaua ioria ia taragi, ma hepe amagane tamanorea neimna ia aprofeta.

²⁴Kaia kawe iacoua niawa outa nalupai! Ma acoua nakamo niaua bisa.

²⁵Kawe iacoua makona melou! Ma acoua katshitogi. Kawe iacoua koukata melou! Ma acoua kamakuru ma katagi.

²⁶Kawe iacoua ia nopoge tagatotshi kafasao erefia o acoua! Ma hepera tamanorea, neimna ia aprofeta korefu.

²⁷¶ Kaia avou koutucua iacoua pe fakarogona, Acitiafakarafia tagata feimacoua acoua, maganerefia iacre pe fakainina acoua.

²⁸Kafasao erefia iacre saciria acoua, ma mori ma acre karasia acoua.

²⁹Ia aia tshi akoi ia tasi maregriga kavatu aia ta foci; ma aia amke tshou tumega iluga seneitucuasana aia keiamke tshou kot foci.

³⁰Tufwa iotshi fakou fakouia o akoi, ma o aia amke tshou outa sefakoia acre foci.

³¹Ma hepe acoua acitiafakarafia tagata emna iacoua, acoua emna iacre.

³²Ma pe acoua acitiafakarafia acre acitiafakarafia acoua, taha thank ko tshou? ma tagata isa foci acitiafakarafia acre pe acitiafakarafia acre.

³³Ma pe acoua maganerefia iacre maganerefia iacoua, taha thank ko tshoua? ma tagata isa emna hepera.

³⁴Ma pe acoua fakafecina iacre acoua nanacina amo foci o acre, taha thank ko tshoua? Ma tagata isa fakafecina ia tagata isa, kamentua acre ioria foci hepera.

³⁵Kaia acoua acitiafakarafia tagata feimacoua acoua, ma maganerefia, ma fakafecina, nokonanacina acoua seamo faru foci ioria, ma niaua ioria kasore, ma acoua ta erecriki o aia kosore, ma aia ko alofa iacre sethank aia ma iacre isa.

³⁶Erefia acoua karofa tagata, hepe niawa tamana ko arofa.

³⁷Ma sekoutucua ioria, ma sekatucua ioria o acoua; seioria, ma sekaioria acoua, seamo nomata o faruke, ma sekamo nomata o niaua magane;

³⁸Tufwa, ma aia katufa iacoua, sore kagi, kumea iraro, tutuiace, nokomarigi fonutuce, tagata katufwa iacoua. Ma ia taha karafa acua tufwa, ia karafa hepera katufwa acoua foci.

³⁹Ma aia nifasao tasi fakatagasia fasao iacre, Tiaha acre kofu tomatua arafia acre kofu mo? acre kakotu ia ta terua?

⁴⁰Fakou nifakairo, kojimra sore kagi aia fakairo acre, kaia tatane iotshi pe emna erefia aia hepe tshana teriki.

⁴¹Ma tiaha akoi koucitia ane sisi konofo ia ta foimata o tshou noso, kaia secitia mana ta ane sore konofo ia tshou foimata?

⁴²Mo tiaha akoi koutucua ia tshou noso, Noso erefia avou amke watafa ta ane sisi konofo ia tshou foimata, ma akoi secitiamana ta ane sore konofo ia tshou foimata? Tshou roto erua, touwaki mokagi ta ane sore watafa tshou foimata, ma wamurira akoi kacitia erefia keitorotshi watafa ta ane sisi konofo ia ta foimata o tshou noso?

⁴³Ma foirakou erefia sekotufwa anofua isa, ma foirakou isa setufwa anofua erefia.

⁴⁴Ma iotshi afoirakou ko keiro ia tshana anofua, ma o asone tagata sefetacina atsharupe, mo o tererakou matatara acre sefetacina nofua o avaini.

⁴⁵Tasi tane erefia ia arapakou erefia o tshana roto koutucua afasao erefia, ma ta tane isa o tshana roto isa koutucua afasao isa, ma ia ta kofonu o aroto ta rogoutu kofasao.

⁴⁶¶ Ma tiaha acua tapa avou Teriki, Teriki, ma seimna anea avou koutucua.

⁴⁷Iotshi tagata komai iatavou, ma fakarogona tshakufasao, ma emna hepe acre fakairo, avou kefareakatua acou aia hepe akai;

⁴⁸Aia hepe tasi tane neimna tafare fou, ma aia nikeiria takere iraro, ma neinage ta tavefare ia tafatu sore mukei, ma ia nopoge tavai tafe sore nimai, ma neitshi sore ta fare, aia seamke aia ma aia neinofo muke ia ta fatu sore.

⁴⁹Kaia aia pe fakarogona ma seimna magane hepe, ko hepe tasi tane, neinage tasi fare iluga takere tavefare jimra, ma tavai tafe tshi sore aia, ma aia nito meloua ma aia nitakaroiai isa.