Read Futuna-Aniwa JOANES, 12 Bible Online

JOANES, 12 - Futuna-Aniwa bible

JOANES, 12

¹NOPOGE ono mokagi ta paska Iesu nimai ia Bethane, iai Lasarus neinofo, aia nimate mokagi, aia Iesu neitshicitshia ia tagata nimate.

²Iai acre neimna aia tasi tacripoga ia tefiafi; ma Martha niavere o fitshicow; kaia Lasarus tasa o acre neinofo ia afata ia aia.

³Tupora iai Mery niamo tasi pount toto o tererakou ane erefisa iamosia, nomata sore, ma niamosia avai a Iesu, ma niamosia tshan avai ia tshana ouru, ma ta fare nifonu ia neinamu o ane iamosia.

⁴Iai tasi o niana tagata aia nifakairo, Jutas tatane Kariot, ta nontariki o Saimona, aia kafakareresia aia neitucua,

⁵Tiaha ane iamosia tenei sefakamata pount mone nein, ma tufwa ia tagata niare ane jimra.

⁶Tenei aia neitucua ma jimra aia neicitiafakarafia tufwa ane ia tagata niare ane jimra, kaia anera aia tagata tshigo, ma niamo takato tsha mone, ma nitou ia tshana notshino iotshi acre nifou iai.

⁷Iesu neitucua, Natshicina aia; ia nopoge tanumea avou aia neinage tenei.

⁸Ma tagata niare ane jimra konofo iacowa tou ma tou; kaia avou senofo iacowa tou ma tou.

⁹Nalupai tagata Juteia nikeiro aia iai; ma acre niromai jimra ia Iesu ana, kaia pe acre keicitia Lasarus foci, aia IESU neitshicitshia ia tagata nimate.

¹⁰¶ Kaia fatoriki o tafare mori nitarafasao foci keitshi Lasarus komate;

¹¹Ma ia aia nalupai tagata Juteia niroro, ma nifakarogrogo Iesu.

¹²¶ Ia nopoge wamuri ra, tagata nalupai niromai ia tagripoga ra, wamuri acre neirogona pe Iesu nokomai ia Jerusalem,

¹³Niamo anora a tererakou pam, ma niroro watafa keifapa aia, ma nitapa Hosana; Erefisa ta Teriki o tagata Isreil, pe aia nokomai ia neigo o ta Teriki sore.

¹⁴Ma Iesu, wamuri aia niamo tasi as sisi, nikoike ia tshana nopua; hepe aia neisereace,

¹⁵Natshicina kumtacu nofine o Sion, kowcitia, tshou Teriki nokomai nokoike ia tentama o ta as.

¹⁶Ane iotshi ra niana tagata aia nifakairo sekeiromana mokagi, kaia wamuri Iesu nifano taragi, acre nimentua ane iotshi ra neisereace iateia, ma pe acre neimna ane iotshi ra iateia.

¹⁷Tagata ma neinofo ia aia nopogera aia neitapa Lasarus mai watafa tupunaga o tagata nimate, ma tshicitshia aia ia acre nimate, nifasao iateia.

¹⁸Ia ane ra tagata foci nifapa aia, ma acre neirogona pe aia neimna vere sore tenei.

¹⁹Anera Afarasi neitucua acre macre, Kowcitia acowa seneimna tagata kumtacu iateia? kowcitia tagatotshi wararonei kororo wamuri aia.

²⁰¶ Ma faru tagata o fanua Crisi niromai ia acre niromai keimori ia tacripoga.

²¹Acre niromai ia Filipos, aia tatane o tumrai Bethseta o Calili, ma neinogia aia nokoutucua, Teriki acime acitiafakarafia kowcitia Iesu.

²²Felipos nimai ma neitucua ra ia Antreus; ma foce Antreus ma Felipos neitucua Iesu.

²³¶ Iesu nifasao acrawa, nokoutucua, Ta nopoge komai, pe ta Nontariki o tagata kafano ia ta sore taragi.

²⁴Tamari, tamari, avou koutucua iacowa, Pe tasi nohua o wit kotu ia takere ma nimate iai, aia konofo ana, kaia pe aia komate, aia amo nohua nalupai.

²⁵Aia acitiafakarafia tshana anea mouri aia kamerigi; ma aia feimacowa tshana anea mouri ia fanua wararonei kapurutshia aia ia ania mouri tou ma tou.

²⁶Pe tatane tasi kavere iatavou, erefia aia komai wamuri avou, ma ia ta none avou konofo, iai foci tshaku fetshicow kanofo; pe tatane tasi vere iatavou, aia tshaku Tata kabisa iateia.

²⁷Milow tshaku nokano komai, ma taha avou katucua? Tata kapare avou ia nopoge tenei, kaia ia vere tenei avou nimai ia nopoge tenei.

²⁸Tata imna tshow neigo ta sore, Iai tasi noreo nimai ia taragi, nokoutucua, Avou nakamna aia ta sore, ma avou kamna aia ta sore foci.

²⁹Tagata nitu itata, ma neirogona, neitucua aia tafatshiri, faru foci neitucua, Tasi agelo nifasao iateia.

³⁰Iesu nifasao, ma neitucua, Tenei noreo semai iatavou ana kaia keitufwa iacowa fakarogrogo.

³¹Milow ta ioria o fanua wararonei komai, milow, ta teriki o fanua wararonei katatuce watafa.

³²Ma avou, pe tshicitshia avou iluga takere, katarotshia mai tagatotshi iatavou.

³³Tenei aia neitucua kefakairo ia taha ta mate, aia kamote.

³⁴Tagata nifasao iateia, Acime neirogona ia afasao tapu pe Kristo konofo tou ma tou; ma tiaha akoi koutucua, Ta Nontariki o tagata tshicitshia aia iluga? Akai tenei Nontariki o tagata?

³⁵Iai Iesu neitucua iacre, Nopoge toru ana wamuri nei ta merama konofo iacowa, roro acowa ia nopoge ta merama konofo iacowa, mo apouri komai iacowa, ma aia katakoro ia apouri puspusi aia konofo wehe.

³⁶Ia nopoge to merama konofo iacowa, fakarogrogo ta merama; pe acowa konofo ta erecriki o ta merama. Ane iotshi ra Iesu nifasao ma nifeke, ma nimuni aia iacre.

³⁷Kaia acre neicitia avere sore nalupai aia neimna, acre sefakarogrogo aia;

³⁸Pe acre neimna magane hepra ta fasao o Aisea ta profeta, aia neitucua, Teriki sore, akai nakafakarogrogo tshome fakairo? ma iatakai nakacitia ta norima o Ihova?

³⁹Anera acre nitaru fakarogrogo, ma Aisea neitucua foci.

⁴⁰Aia neimna foimatorea pouri, ma arotorea mukei, pe acre secitiamana ia foimatorea, ma sekeiromana ia arotorea, ma katufwa Atua arotorea, ma avou kapenpena acre.

⁴¹Ane iotshi ra Aisea neitucua, nopoge ra neicitia tshana ta sore, ma nifasao o aia.

⁴²¶ Kaia ia fatoriki sore ma nalupai nifakarogrogo aia; kaia acre nimtacu Afarasi ma sekoutucua acre nifakarogrogo aia, ma nimtacu acre towaki acre watafa ta fare mori.

⁴³Ma acre neicitiafakarafia ta kokanini o tagata, mokagi ta kokanini o Atua.

⁴⁴¶ Iesu nitapa ma neitucua, Aia fakarogrogo avou, sefakarogrogo avou ana, kaia ia aia nikowna avou.

⁴⁵Ma aia kowcitia avou, kowcitia aia nikowna avou.

⁴⁶Avou nakamai ta merama ia tafanua wararonei, pe tagata fakarogrogo avou senofo ia apouri.

⁴⁷Ma pe tatane tasi fakarogona tshaku fasao, ma sefakarogrogo, avou, sekoutucua ioria tshana; ma avou semai koutucua ioria o fanua wararonei, kaia keipare fanua wararonei.

⁴⁸Aia natshicina avou, ma seamo tshaku fasao, nakoamo tasi koutucua ioria tshana; tafasao avou nakatucua, acre katucua ioria tshana magane ia nopoge wamuri.

⁴⁹Ma avou sekoutucua afasao o avou ana, kaia ta Mana aia nikowna avou, nifakairo avou mukei, taha avou kofasao, ma taha avou koutucua.

⁵⁰Ma avou keiro tshan afasao aia komouri tou ma tou; anera ane iotshi avou koutucua, hepe ta Mana neitucua iatavou, hepe ana avou koutucua.