Read Futuna-Aniwa JOANES, 19 Bible Online

JOANES, 19 - Futuna-Aniwa bible

JOANES, 19

¹WAMURI nei Pailet niamo Iesu ma neitshi aia ia toura.

²Ma takou tsha tatowa niraga tasi topurou hepe tsha teriki o asoni, ma neinage aia ia tshana nouru, ma acre nitakaia aia ia tumega ouroura.

³Ma neitucua, Alofa Teriki o tagata Juteia! ma acre neitucia aia ia arimore.

⁴Pailet nifano efuafo foci, ma neitucua iacre. Kowcitia avou arafia aia efuafo iacowa, pe acowa keiro avou secitia mana ane isa tasi ia aia.

⁵Wamuri ra Iesu nifano efuafo, nipurou ia ta soni tshana nouru, ma nitaka ia tumega ouroura, ma Pailet neitucua iacre, Kowcitia ta tane!

⁶Iai fatoriki o tafare mori, ma afitshicow sore neicitia aia, acre nitapa fakapalo, nokoutucua, Tucia aia ia terarakow fakaravasia, tucia aia ia terarakow fakaravasia. Pailet neitucua iacre, Acowa ana arafia aia, ma tucia aia ia tererakou fakaravasia; ma avou secitiamana ane isa tasi ia aia.

⁷Tagata Juteia neitucua iateia, Tshome tatapuria tapu konofo iacime, ma hepe tatapuria tshome fakairo erefia aia komate, ma aia neimna aia ta Nontariki o Atua.

⁸¶ Wamuri Pailet neirogona ta fasao tira, aia nimtacu sorekagi;

⁹Ma nifano foci ia tafare sore koutucua ioria magane iai, ma neitucua ia Iesu, Akoi nimai wehe? Kaia Iesu sefasao iateia.

¹⁰Iai Pailet nifasao iateia, Tiaha akoi sefasao iatavou? Akoi sekeiro pe avou tomatua keitucua akoi ia tererakou fakaravasia, ma avou tomatua eivetea akoi, mo?

¹¹Iesu nifasao, Akoi setomatua sisi takaroiai avou, pe setufwa aia akoi ia iluga; ianenei aia neitufwa avou iatakoi tshana maganisa sore kage.

¹²Wamuri ra Pailet nisara eivetea aia, kaia tagata Juteia nitapa palo, nokoutucua, Pe akoi eivetea tatane nei, akoi jimra neli o Sesar, pe tatane tasi imna aia teriki tasi, aia kafasosa ia Sesar.

¹³Wamuri Pailet neirogona fasao tira, aia niarafia Iesu efuafo, ma neinofo ia ta none o ioria magana iai neigo none afatu sisi, kaia i afasao Hebru Cabatha.

¹⁴Aia nopoge acre neipenpena ane iotshi ia tapaska, ma itata touate; ma aia neitucua ia tagata Juteia, Kowcitia tshowa Teriki!

¹⁵Kaia acre nitapa fakapalo, Towaki aia, towaki aia, tucia aia ia terarakou fakaravasia, Pailet neitucua iacre, Avou katucia ia terarakou fakaravasia tshowa teriki, mo? Fatoriki o tafare mori neitucua, Tshome teriki kojimra, kaia Sesar ana.

¹⁶Wamuri ra aia neitufwa aia iacre keitucia aia ia terarakou fakaavasia. Ma acre niamo Iesu, ma niarafia aia watafa.

¹⁷Ma aia nokotakoia tshana terarakou fakaravasia nifano watafa ia none neigo tshana ta none o ta noipu, nitapa neigo tera i afasao Hibru Colcotha.

¹⁸Iai acre neitucia aia ia terarakou fakaravasia, ma erua foci ia aia, tasi ia nuntafa matou ma sece ia nuntafa masui, ma Iesu ia ta roto.

¹⁹¶ Ma Pailet neiserea tatapuria iateia, ma neinage aia terarakou fakaravasia. Ma tenei tatapuria ra, IESU O NASARETH TA TERIKI O TAGATA JUTEIA.

²⁰Tatapuria nei, nalupai tagata Juteia nitawa, ma ta none acre neitucia Iesu iai ia terarakou fakaravasia koitata ta tumrai sore; ma aia neisereace ia afasao Hibru, ma Crisi, ma Roma.

²¹Iai fatoriki o tafare mori o tagata Juteia neitucua ia Pailet, Natshicina serea, Ta Teriki o tagata Juteia; kaia pe aia neitucua, Avou ta Teriki o tagata Juteia.

²²Pailet nifasao, Taha avou nakaserea avou nakaserea.

²³¶ Iai takou tsha tatowa, wamuri acre neitucia Iesu ia terarakou fakaravasia, niamo tshana umega, terowiai acre ia efa nuntafa, ia iotshi takou tsha tatowa tasi nuntafa; ma foci tshana mega iluga; ma tshana mega iluga (kot) tagata sesucia aia kaia neimna aia nuntafa tasi ana.

²⁴Acre neitucua macre, natshicina acime eifasia aia, kaia emna aloti iateia keifakairo akai koamo aia; neimna hepe tatapuria tapu neisereace, acre neitucua, Acre niterowiai tshaku umega iacre, ma ia tshaku mega iluga acre neimna aloti. Ane iotshi ra takou tsha tatowa neimna.

²⁵¶ Iai nitu itata terarakou fakaravasia o Iesu tshana nana, ma ta noso o tshana nana, Mery ta nanahune o Kleofas, ma Mery o Mactala.

²⁶Iesu neicitia tshana nana iai, ma tatane aia nifakairo aia neicitia fakarafia nokotu itata iai, aia neitucua ia tshana nana, Fine, kowcitia tshou nuntama!

²⁷Wamuri ra aia neitucua ia tatane aia nifakairo, Kowcitia tshou nana! Ma ia nopoge ra tatane ra aia nifakairo niarafia aia ia tshana umrai.

²⁸¶ Wamuri ra, Iesu nikeiro ane iotshi aia neimna kurava pe emna hepe tatapuria tapu neisereace, aia neitucua, Avou komate tavai.

²⁹Neinage iai taganea tasi nifonu o venecar; ma acre nifuia tasi teremremu ia venecar, ma neinage aia iluga hysop, ma neitofia tshana rogoutu ia aia.

³⁰Wamuri Iesu neisopotshia ta venecar, aia neitucua, Aia ko kurava, ma aia nimori tshana nourou, ma neitufwa iluga ta nokano.

³¹Tagata Juteia ianenei, aia nopoge penpena ane iotshi ia ta paska, ma pe niare noaga setouria ia terarakou fakaravasia ia nopoge tapu; ma nopoge tapu tera nopoge sore, neinogia Pailet pe toutshia avai tsharatou, ma amweifo ma amke noaga tsharatou.

³²Iai niromai takou tsha tatowa ma nitoutshia avai o acrawa takou neitucia ia tererakou fakaravasia ia aia.

³³Kaia acre niromai ia Iesu, ma neicitia pe aia nimate mokagi ra, acre setoutshia tshana avai.

³⁴Kaia tasi o takou tsha tatowa nitaro tshana nokowperperi ia ta tou, ma milowa nitafe watafa toto ma tavai.

³⁵Ma aia neicitia ra nifakairo acre ra, ma tshana fakairo komari, ma aia keiro aia koutucua komari, pe acowa fakarogrogo.

³⁶Ma ane iotshi ra neimna, hepe neisereace ia tatapuria tapu, Tasi neivi tshana setoutshia.

³⁷Ma foci tasi foci tatapuria tapu neisereace, neitucua, Acre kacitia aia acre nitaro.

³⁸¶ Wamuri ra Josef o Aramathia, aia tasi tatane Iesu nifakairo, kaia nimuni nemtacu tagata Juteia, aia neinogia Pailet pe aia amke ta noaga o Iesu; ma Pailet neitufwa aia tomatua iateia, Aia nimai ma niamo ta noaga o Iesu.

³⁹Ma nimai iai foci Nikotimus, aia nimokagi nimai Iesu ia tupo, ma niamai ane namu repua toto o terarakow muri ma, itata wun huntret pount mafa.

⁴⁰Iai acrawa niamo ta noaga o Iesu, ma nifousia aia ia umega lenen ia ane namu, hepe magane o tagata Juteia keitanumea tagata.

⁴¹Ia none acre neitucia aia ia terarakou fakaravasia tasi tavere neinofo; ma ia tavere tera tasi tupunaga fou tsha tagata komate setanumea tasi tagata iai mokagi ra.

⁴²Iai acrowa neinage Iesu, ma nopoge tera tagata Juteia neipenpena ane iotshi, ia tapaska ma ta tupunaga tera koitata.