Read Futuna-Aniwa JOANES, 2 Bible Online

JOANES, 2 - Futuna-Aniwa bible

JOANES, 2

¹IA nopoge toru wamuri ra tasi ta fakavageina iai ia Kena o Calili; ma nana o Iesu aia iai.

²Iesu, ma niana tagata aia nifakairo, neitapa ia ta fakavageina.

³Wamuri tshare weina nimasa nibune, ta nana o Iesu neitucua iateia, Tshare weina kobune.

⁴Iesu neitucua iateia. Fine, taha avou kamna iatakoi? tshaku our semaimana iateia.

⁵Tshana nana neitucua ia afitshicow, Taha aia koutucua iacowa, imna.

⁶Iai neinage ono taganea tavai o afatu, hepe ta neipenpena o tagata o Juteia, tasi ma iotshi nifonu ia feften mo twenty calun.

⁷Iesu neitucua iacre, Tefia tavai ma regia ia aganea ko fonu, ma acre neitefia acre iotshi nifonu tuci.

⁸Aia neitucua iacre, Regia faru milow, ma amo aia ia ta tereki o ta tacripoga ma acre niamo.

⁹Iai ta teriki o ta tacripoga nisopotshia tavai tera neimna ia weina, ma sekeiromana none wehe acre niamo aia kaia afitshicow niamo ta vai nikeiro, ta teriki o ta tacripoga nitapa tatane niarafia tshana fene,

¹⁰Ma neitucua iateia, Tagatotshi mokagi keitufwa weina erefia, ma wamuri tagata nakanumea nalupai, acre eitufwa weina isa, kaia akoi neinage ta weina erefisa ia milow.

¹¹Tenei nontafito o avere Iesu neimna ia Kena o Calili, ma tagata aia nifakairo nifakarogrogo aia.

¹²¶ Wamuri ra aia nifano ia Kaperneum, aia ma tshana nana, ma niana anoso, ma niana tagata aia nifakairo; ma acre neinofo iai nopoge toru ana.

¹³¶ Tacripoga o tagata o Juteia ta paska ko itata, ma Iesu nifano ia tumrai Jerusalem,

¹⁴Ma aia neicitia ia ta fare sore o Ihova acre nifakamata akurimatou, ma asip, ma afoitu, ma acre niamo mone itoga ma ioria aia ia mone o fanua Juteia nokonofo iai;

¹⁵Wamuri aia neimna ane tshi o atouka sisi, aia nitacaretshia acre iotshi watafa tafare sore o Ihova, ma asip, ma akurimatou; ma neiregia amone o takou iai, ma tutueaceafata niare;

¹⁶Ma neitucua iacre nifakamata afoitu, Amke anera watafa; natshicina emna ta fare tshaku Tata, ta fare fakamata anea mane.

¹⁷Niana tagata aia nifakairo nimentua aia neisereace, Ta acitiafakarafia o tshou fare nikeina avou.

¹⁸Iai tagata Juteia nifasao neitucage iateia, Taha ane sore akoi tufwa acime, pe akoi nokomna ane iotshi ra.

¹⁹Iesu nifasao neitcage iacre, takaroiai tafare sore nei, ma ia nopoge toru avou penpena erefia aia foci.

²⁰Tagata Juteia neitucua, Forte ma seks atou neimna tafare sore o Ihova nei, ma akoi tomatua mo jimra imna tasi foce ia nopoge toru?

²¹Kaia aia nifasao o tafare sore o tshana notshino.

²²Ia ane ra wamuri aia nimasike ia tagata nimate, niana tagata aia nifakairo nimentua aia neitucua ra iacre, ma acre nifakarogrogo ta fasao tapu neisereace, ma ta fasao Iesu neitucua.

²³¶ Nopogera aia neinofo ia Jerusalem ia tacripoga o ta paska, ia nopogi o ta tacripoga, nalupai nifakarogrogo ia tshana neigo, wamuri acre neicitia avere sore aia neimna.

²⁴Kaia Iesu setufwa aia iacre, ma aia nikeiro tagatotshi.

²⁵Aia secitiafakarafia tasi keitucua aia magane o tagata, ma aia nikeiro aroto o tagatotshi.