Read Futuna-Aniwa JOANES, 5 Bible Online

JOANES, 5 - Futuna-Aniwa bible

JOANES, 5

¹WAMURI ra tasi tacripoga o tagata Juteia nimai; ma Iesu nifitshi ia Jerusalem.

²Iai ia Jerusalem itata emarai nifakamata asip iai neinofo tasi tavai nupu, neigo tshana ia tafasao Hibru Bethesta, erima afeipa ma afare neinofo iateia.

³Iacre nimoy nalupai su tagata taru, faru foimata pouri, faru avaiore sape, faru meruru, acre nitari tavai kogarue.

⁴Ma agelo tasi nifanifo ia tavai nupu ia taha nopoge tasi ma, imna tavai nigarue, ma aia tasi mo tase foci fano mokagi ia tavai wamuri tavai nigarue neipenpena erefia aia ia amace iotshi.

⁵Ma tasi tane nimoy iai, aia nimace therte et atou.

⁶Nopogera Iesu neicitia aia nimoy, ma nikeiro aia nimoy iai hepera ituai, aia neitucua iateia, Akoi acitiafakarafia akoi komouri mo?

⁷Tatane nimace nifasao iateia, Teriki, jimra tshaku tatane tasi, ia taha nopogi tavai kogarue keinagi, avou ia tavai nupu; kaia hepe avou nokomai iraro iateia, tasi kofano mokagi avou ia tavai.

⁸Iesu neitucua iateia, Masike, tshicitshia tshou potu ma fano.

⁹Ma milowa IASU neipenpena tatane erefia, ma aia neitshicitshia niamke tshana potu, ma nifano; ma nopogera ta nopoge tapu.

¹⁰¶ Tagata Juteia neitucua iateia Iesu neipenpena erefisa, Iranei ta nopoge tapu; itapu akoi keiamo tshou potu.

¹¹Aia nifasao iacre, Aia neipenpena erefia avou, aia neitucua iatavou, Tshicitshia amke tshou potu, ma fano.

¹²Iai acre nifakowia aia, Akai tatane tera neitucua iatakoi, Tshicitshia amke tshou potu, ma fano?

¹³Aia IASU neipenpena erefia sekeiromana akai aia; ma Iesu nifano, ma tagata nalupai su nifetacina iai.

¹⁴Wamuri ra Iesu neicitia aia ia tafare sore o Ihova, ma neitucua iateia, Kowcitia avou neipenpena akoi erefia; semaganisa faci, pe ane isa sore kage komai iatakoi.

¹⁵Tatane nifano, ma neitucua tagata Juteia, pe aia Iesu neipenpena aia erefisa.

¹⁶Anera neimna tagata Juteia nisewa Iesu, ma nifakatshigeia keitshi aia komate, ianei aia neimna iotshi anera ia nopoge tapu.

¹⁷¶ Kaia Iesu nifasao iacre, Tshaku Tata kovere ia nopoge tenei, ma avou vere.

¹⁸Afasaora neimna tagata Juteia fakatshigeia keitshi aia komate, ia ane ra aia jimra ana iouiai ta nopoge tapu, kaia neitucua foci Atua tshana Tamana, nokomna aia hepe Atua.

¹⁹Nopogera Iesu nifasao neitucua iacre, Tamari, tamari, avou koutucua iacowa, Ta Nontariki aiana setomatua vere tasi, kaia taha aia kowcitia ta Mana imna, ma ane iotshi aia imna, acre foci ta Nontariki imna hepra.

²⁰Ma ta Mana acitiafakarafia ta Nontariki, ma fakariakage aia ane iotshi aia imna, ma aia kafakariakage aia avere sore kage acre ra, pe imna acowa masaro.

²¹Ma hepe ta Mana tshicitshia tagata komate, ma imna acre komouri; hepe ana ta Nontariki imna komouri tagata hepe aia acitiafakarafia.

²²Ma ta Mana sekoutucua ioria tatane tasi, kaia aia nakatufwa iotshi vere o ioria ia ta Nontariki;

²³Pe tagatotshi kacitiafakarafia ta Nontariki, hepe acre acitiafakarafia ta Mana. Aia secitiafakarafia ta Nontariki secitiafakarafia ta Mana nikowna aia.

²⁴Tamari, tamari, avou koutucua iacowa, Aia fakarogona tshaku fasao ma fakarogrogo aia nikowna avou, nokoamo aniamouri tou ma tou, sekomai ia ioria maganisa; kaia aia nifeketamate ma fano ia ania mouri.

²⁵Tamari, tamari, avou koutucua iacowa, Ta nopoge nokomai ma milou konofo, ia aia tagata komate karogona ta noreo o ta Noutariki o Atua, ma acre karogona kamouri foci.

²⁶Ma hepe ta Mana aniamouri konofo ia aia, hepra aia nakatufwa ta Nontariki aniamouri keinofo ia aia;

²⁷Ma neitufwa aia tomatua keiioria ane isa ma, ianei aia ta Nontariki o tagata.

²⁸Semasaro acowa iateia; ma taha nopoge nokomai pe tagatotshi neitanumea karogona tshana noreo.

²⁹Ma karomai watafa; acre nimaganerefia, ia masike foci o ania mouri; ma acre nimaganisa, ia masike foci o tiafi sore.

³⁰Avou ana setomatua imna vere tasi, hepe avou fakaragona avou koutucua ioria, ma tshaku ioria totonu, ma avou sesera ane avou acitiafakarafia, kaia hepe ta acitiafakarafia o ta Mana aia nikowna avou.

³¹Pe avou ana koutucua iatavou, tshaku fakairo jimra komari.

³²¶ Tasi foci fakairo acowa iatavou, ma avou keiro ta fakairo aia koutucua iatavou komari.

³³Acowa nikowna ia Joanes, ma aia nifakairo ta mari.

³⁴Kaia avou seamo fakairo o tagata iatavou, kaia ane iotshi ra avou koutucua, pe acowa mukamo aniamouri.

³⁵Aia tatane koura ma hepe telama noniate merama, ma i anopoge tshana acowa neicitiafakarafia kabisa ia tshana merama.

³⁶¶ Kaia avou nokoamo nokotamou fakairo iatavou sore kage ta fakairo o Joanes; ma avere ta Mana neitufwa avou keimna kurava, avere ra avau imna, kaia fakairo acowa o avou, pe ta Mana nikowna avou.

³⁷Ma ta Mana, aia nikowna, aia nifakairo acowa iatavou. Acowa serogona tshana nero i tasi nopoge mo secitia mana aia hepe taha.

³⁸Ma acowa seamo tshan afasao nokonofo ia acowa, ma Iesu aia nikowna, acowa sefakarogrogo aia.

³⁹¶ Tawa ma sara tatapuria tapu neiserea o Ihova, ma ia acre acowa mentua acowa nakoamo ania mouri tou ma tou; ma acre fakairo acowa iatavou.

⁴⁰Ma acowa sekaromai iatavou, pe acowa nakoamo ania mouri.

⁴¹Avou sesara kabisa o tagata iatavou.

⁴²Kaia avou keiro acowa, pe acitiafakarafia o Atua senofo i arotowa.

⁴³Avou komai ia neigo o tshaku Tata, ma acowa seamo avou, pe tasi faci kamai i tshana neigo ana, acowa koamo aia.

⁴⁴Tiaha acowa fakarogrogo, acowa acitiafakarafia kabisa o acowa ia acowa, ma sesara mana kabisa komai ia Atua ana?

⁴⁵Natshicina kamentua avou koutucua maganisa tshowa ia ta Mana; tasi koutucua maganisa tshowa, Moses, i aia acowa fakarogrogo.

⁴⁶Ma pe acowa nifakarogrogo Moses, acowa foci fakarogrogo avou, ma aia neiserea tatapuria iatavou.

⁴⁷Kaia pe acowa sefakarogrogo tshana tatapuria neisereace, tiaha acowa kafakarogrogo tshaku fasao?