Read Futuna-Aniwa AVERE O APOSTOLO 22 Bible Online

AVERE O APOSTOLO 22 - Futuna-Aniwa bible

AVERE O APOSTOLO 22

¹FAKOU, anoso, ma fatamana, fakarogona tshaku fasao avou koutucua iacowa i amagane tshaku.

²(Wamuri acre neirogona aia nifasao iacre i afasao Hibru acre nifakarogona; ma aia neitucua.)

³Avou tamari tatane o Juteia, nifarere ia Tarsus, ia Silisia, kaia nifakairo avou neinofo sisi ma kosore ia tumrai tenei ia novai o Cameliel, nifakairo avou hepe erefia totonu ia fakairo o ta fasao tapu o tamanoteia, ma avou nitomatua sore ia Atua hepe acowa iotshi iranei.

⁴Ma avou nisewa tamori nei ia ta mate, nokofousia ma nokonagi ia afare mukei fakou ma fafine.

⁵Hepe foci ta teriki o tafare sore o Ihova koutucua o avou ma iotshi takou sore aelter; acre neiserea ma neitufwa avou tatapuria ia anoso, ma avou nifano ia Tamaskus keiarafia acre nifousia iai ia Jerusalem, keisewa acre.

⁶Ane nei nimai hepe avou nifano ma nimai itata tamaskus itata touate, milowa ta merama o telama sore ia taragi noneate kofori avou.

⁷Ma avou nito ia takere, ma neirogona tasi norio nokoutucua iatavou, Saulo, Saulo, tiaha akoi sewa avou.

⁸Ma avou nifasao, Akoi akai, Teriki sore? Ma aia neitucua iatavou, Avou Iesu o Nasareth, aia akoi kosewa.

⁹Ma acre niroro ia avou tamari neicitia ta merama, ma acre nimtacu; kaia acre serogona ta norio o aia nifasao iatavou.

¹⁰Ma avou neitucua, Taha avou kamna Teriki sore? Ma ta Teriki sore neitucua iatavou, Masike ma fano ia Tamaskus; ma iai katucua iatakoi ane iotshi konagi iatakoi keimna.

¹¹Ma wamuri avou secitia mana ane, ia kosore o ta merama tira, acre niarafia avou ia norima o acre roro ia avou, ma avou niromai ia Tamaskus.

¹²Ma tasi tatane Ananaias, tatane nimori erefia hepe nifakairo o tafasao tapu, iotshi tagata o Juteia neinofo iai nifasao erefia iateia

¹³Aia nimai iatavou, ma kotu, ma neitncua iatavou, Noso Saulo, amo tshou foimata merama, ma ia our tera avou neicitia aia.

¹⁴Ma aia neitucua iatavou. Ta Atua o tamanoteia nakamate akoi, pe akoi nakeiro tshana fenagaro, ma kowcitia aia tatane tasi erefia ma nakarogona ta norio o tshana rogoutu.

¹⁵Ma akoi tshana tatane kafakairo tagatotshi taha akoi neicitia ma neirogona.

¹⁶Ma milou tiaha akoi tari? Masike, ma amo baptiso, ma tetaroace tshow amaganisa, nokotapa neigo o Teriki sore.

¹⁷Ane nei nimai, wamuri avou komai foci ia Jerusalem, hepe avou nimori ia tafare o Ihova, avou neicitia ane sore hepe ta mitshi;

¹⁸Ma neicitia aia neitucua iatavou, Fano milowa, ma feke Jerusalem milowa; ma acre sekarogona tshou afasao iatavou.

¹⁹Ma avou neitucua, Teriki sore, acre keiro pe avou neinage ia tafare muke, ma neitshi iotshi afare mori acre tagata nifakarogrogo ia akoi;

²⁰Ma i nopoge ra ta toto o tshou tatane acre nisewa Stifanus nimarigi, avou foci nokotu itata, ma neitucua erefia aia komate, ma nifatshigeia umega o acre kotshi aia komate.

²¹Aia neitucua iatavou, Feke ma avou kowna akoi papai ia tagata o fanua pouri.

²²Acre neirogona aia ia afasao ra, ma tschicitshia tshare anoreo, ma neitucua, Towaki tatane hepra watafa fanua wararonei; ma jimra erefia aia komouri.

²³Ma hepe acre nitapa fakapalo, ma nitowaki tshare umega, ma nitowaki tefu takere iluga ia avavania.

²⁴Tatane sore o takou o tatowa neitucua arafia aia ia tafare sore, ma neitucua, keitshi ma fakowia aia ia toura; pe aia keiro tiaha acre nitapa hepra ia feimacowa aia.

²⁵Ma hepe acre nifousia aia ia avava o nokiri kurimatou, Paulo neitucua ia tatane senturio aia nikotu itata, Aia itapu mo jimra, iacowa keitshi tatane pe aia tatane Roma, ma serogona afasao o tshana magane?

²⁶Wamuri tatane sentureo neirogona afasao ra, aia nifano ma neitucua ra ia tatane sore o takou o tatowa, nokoutucua, Fatshigeia taha akoi emna; ma tatane nei tatane o Roma.

²⁷Ma tatane sore o takou tsha tatowa nimai, ma neitucua iateia, Koutucua iatavou, pe akoi tatane o Roma mo? Aia neitucua, Keine.

²⁸Tatane sore tsha tatowa neitucua, Ia mone nomata sore tatane sore neitufwa avou tenei tomatua ma. Ma Paulo neitucua, Kaia nifarere avou ia tomatua ma o Roma.

²⁹Wamuri ra milowa acre natshicina aia, acre nikowna fakowia aia tshana magane, ma tatane sore o takou tsha tatowa foci nimtacu, wamuri aia nikeiro aia tatane o Roma, ma ianenei aia nifousia aia.

³⁰Ia aratou, ianenei aia acitiafafakarafia keiro tamari tiaha takou Juteia nifasosa iateia, aia eiveteia aia ia avava nifousia aia, ma neitucua mukei fatoriki o tafare tsha Ihova, ma iotshi tshare takou o nokofakatamou keifetacina, ma niarafia Paulo iraro, ma neinagi aia emoa acre.