Read Futuna-Aniwa AVERE O APOSTOLO 25 Bible Online

AVERE O APOSTOLO 25 - Futuna-Aniwa bible

AVERE O APOSTOLO 25

¹IA nopogera Festus nimai ia fanua ra, wamuri nopoge toru, aia nifeke Sisaria nifitshi ia Jerusalem.

²Nopoge ra ta teriki o ta fare o Ihova ma takou sore o Juteia nifasao aia o magane safi tsha Paulo, ma nifakowia mukei aia,

³Ma nogia mukei aia keisitu acre iauiai aia, pe aia mikowna ma tapa aia komai ia Jerusalem, nokomotshi aia ia teretu keitshi aia komate.

⁴Kaia Festus neitucua, pe Paulo konofo ia Sisaria, ma wamuri nopoge toru aia foci feke fano iai.

⁵Aia neitucua erefia faru o acowa tomatua iateia kateifo iai ia avou, ma koutucua magane safi o tatane nei, pe maganisa konofo ia aia.

⁶Wamuri aia neinofo ia acre anopoge tumtagahuru, aia niteifo ia Sisaria, ma ia nopoge wamuri ra nokonofo ia afata koutucua ioria magane safi iai aia nitapa keiarafia Paulo iateia.

⁷Ma wamuri aia nimai, takou o Juteia niteifo ia Jerusalem nikotu kofori, ma neitucua afasao ia magane isa nalupai tsha Paulo, kaia nontafito o iotshi afasao ra kojimra.

⁸Iai aia nifasao ia tshana magane, Jimra ia feimacowa tafasao o tagata Juteia, jimra ia feimacowa tafare sore o Ihova, ma jimra ia feimacowa Sisar avou magane safi tasi.

⁹Kaia Fistus neicitiafakarafia keimna aroto o tagata Juteia mugaro iateia, nifasao Paulo, ma neitucua, Erefia mo, akoi kafano ia Jerusalem ma iai keirogona iotshi afasao o ane iotshi ra emoa avou?

¹⁰Iai Paulo neitucua, Avou kotu ia ane koike o Sisar koutucua ioria o magane safi iai, erefia korogona afasao ia tshaku magane iai, ia tagata Juteia avou semaganisa hepe akoi keiro tamari.

¹¹Ma pe avou magane safi, mo emna maganisa ioria iateia kotshi komate, avou jimra koutucua isa kotshi avou komate, kaia pe jimra tamari ane tasi o ane iotshi acre nifasosa iatavou, jimra tatane tasi keitufwa avou ia acre. Avou koutucua tshaku magane ia Sisar.

¹²Iai Fistus wamuri aia nifasao takou sore o fakatamou, nifasao, Akoi acitiafakarafia keitucua tshou magane ia Sisar mo? ia Sisar akoi kafano.

¹³Ma wamuri faru nopoge teriki Acripa ma Bernaisi niromy ia Sisaria keialofa Fistus.

¹⁴Ma wamuri acre neinofo nopoge nalupai, Fistus nifasao o Paulo ia teriki, nokoutucua, Tasi tatane Filiks neinage ia afousia i tafare mukei,

¹⁵Ia aia nopoge ra avou neinofo ia Jerusalem, fatoriki o ta fare Ihova ma takou sore o Juteia nifasao iatavou, nokofakowia avou ioria aia hepe aia isa.

¹⁶Avou nifasao iacre, Aia jimra magane o tagata Roma keitufwa tatane tasi keitshi aia komate, mokagi acre koutucua maganisa tshana koromai emoa thsana foimata, ma keitufwa aia keifasao ia iotshi ane isa acre neitucua o aia.

¹⁷Ianenei wamuri acre niromai icunei, setari avou kaia ia aratou avou neinofo ia afata nikoike iai koutucua ioria magane safe iai, ma neitucua arafia tatane emoa acre.

¹⁸Takou nifasosa ia magane tshana kotu, kaia acre sekoutucua tasi ane magane tshana hepe avou nimentua;

¹⁹Kaia acre nifasao feimacowa aia ia faru anea o tshare mori safi, ma o tasi tatane Iesu aia nimate, kaia Paulo neitucua mukei aia komouri.

²⁰Ma ianenei, avou sekeiro erefia anea mane hepra, avou nifakowia aia, pe erefia aia kofano ia Jerusalem, ma iai keirogona afasao ma ioria o tshana magane ma.

²¹Kaia Wamuri Paulo neitucua, aia konofo ia taha nopoge Acustus karogona aia, avou neitucua keinagi aia ia tafare mukei ia taha nopoge avou kowna aia ia Sisar.

²²Iai Acripa neitucua ia Festus, Avou foci acitiafakarafia keirogona tatane ra. Aratou aia neitucua akoi karogona aia.

²³Ma ia aratou wamuri Acripa nimai, ma Bernise ia umega ma magane sore iateia, ma nifano ia none o nokorogona, ia takou sore o takou tsha tatowa, ma takou sore o umrai sore ra, ia afasao o Festus acre niarafia Paulo emoa acre.

²⁴Ma Festus neitucua, Teriki Acripa, ma iotshi takou nokonofo icunei ia acime, acowa kowcitia tatane nei, o aia iotshi takou o Juteia nifetacina ia Jerusalem, ma ecunei foci nifasao iatavou, nokoutucua isa pe aia komouri wamuri nei.

²⁵Kaia wamuri avou neicitia pe aia semaganisa keiioria ia ta mate, ma foci aia neitucua Acustus karogona aia, avou nimentua mukei keikowna aia iateia.

²⁶O aia avou puspusi ane tasi keiserea ia tshaku teriki. Ianene avou nakarafia aia emoa acowa, ma emoa akoi Teriki Acripa, pe wamuri nokorogona ma nokofakowia aia, avou nokamo faru anea keiserea.

²⁷Ma avou kowcitia aia hepe isa ana keikowna tasi tatane fousia, ma jimra keiserea maganisa acre koutucua aia neimna.