Read Futuna-Aniwa AVERE O APOSTOLO 4 Bible Online

AVERE O APOSTOLO 4 - Futuna-Aniwa bible

AVERE O APOSTOLO 4

¹HEPE acrawa nifasao tagata, fatoriki o tafare tsha Ihova, ma ta teriki o takou tsha tatowa o tafare tsha Ihova, ma Asatusi nimai iacre,

²Arotorea nimy pe acrawa nifakairo tagata, ma nikova acre ia Iesu ta masike o tagata nimate.

³Acre nipurutshia acrawa, ma neinagi acrawa ia tafare mukei ia aratou; ma fiafi nimai iai.

⁴Kaia nalupai o acre neirogona tafasao erefia nifakarogrogo, ma fakatapuria nitawa acre akou itata faiv thousant.

⁵¶ Ane nei nimai ia aratou, pe tshare fatoriki, ma takou sore, ma takou fakairo.

⁶Ma Anas ta teriki o tafare o Ihova, ma Kaiafas, ma Joanes, ma Aliksanter, ma acre iotshi anoso o teriki o tafare o Ihova nifetacina ia Jerusalem.

⁷Ma wamuri acre neinage acrawa ia aroto o acre, acre nifakowia, Ia taha tomatua, mo ia taha neigo akorua neimna tenei?

⁸Iai Pitrus, nifonu o Nokano Tapu, neitucua iacre, Acowa fatoriki o tagata, ma takou sore o tagata Isreil.

⁹Pe acimawa iranei kofakowia o vere erefia neimna ia tatane nitaru, ia taha ane acimawa neimna aia tomatua;

¹⁰Keiro acowa iotshi, ma iotshi tagata o Israel, pe ia neigo o Iesu Kristo o Nasareth, aia acowa neitucua ia tererakou fakaravasia, aia Atua tshicitshia ia tagata nimate, ia aia tamari tatane tenei kotu icunei tomatua emoa acowa iotshi.

¹¹Tinei ta fatu nifeimacowa ia acowa noatu ta fare, aia milownei konofo iluga ia nunturi.

¹²Ma anea mouri taragi sekonofo ia tasi foci, ma jimra tasi foci neigo iraro taragi neitufwa tagata ia aia acitia amo aniamouri.

¹³¶ Wamuri acre neicitia ta sumtacu o Pitrus ma Joanes, ma nikeiro acrawa tatane sefakairo ma sekeiro tatapuria, acre nimasaro, ma nikeiro o acrawa pe acrawa neinofo ia Iesu.

¹⁴Ma nokoucitia tatane neimna tomatua nokotu ia acrawa, acre nitaru keifasosa iateia.

¹⁵Kaia wamuri acre neitucua acrawa kei roro sisi watafa tagata nifakatapuria keifasao iateia, acre ana nifasao macre iateia.

¹⁶Nokoutucua, Taha acime kamna ia acrowa tatane ra? Ma tamari tasi vere sore acrowa neimna nokeiro iotshi tagata konofo ia Jerusalem, ma acime kotoru kovetea aia.

¹⁷Kaia pe faru foci tagata sekeiro mana tenei, erefia acime neitucuasana mukei acrawa, pe acrowa natshicina keifakairo tatane tasi ia tenei neigo.

¹⁸Acre nitapa acrawa, ma neitucuasana mukei acrawa keifasao mo fakairo i ta neigo o Iesu.

¹⁹Kaia Pitrus ma Joanes nifasao neitucage iacre, Pe aia erefia emoa Atua keirogona acowa mokagi Atua, koutucua acowa.

²⁰Ma acimawa semuni kaia koutucua ane iotshi acime neicitia ma neirogona.

²¹Hepra, wamuri acre foci neitucuasana mukei mo ioria acrawa iateia, acre natshicina acrawa ma acrawa niroro, ma nontafito o ane jimra kotshi acrawa iateia, ma acre kumtacu tagatotshi; ma fakou iotshi nibisa i Atua ia ane acrawa neimna.

²²Ma tatane neinofo wararonei atou forte, aia tinei vere sore neimna tomatua acre neicitia.

²³¶ Ma acre natshicina acrawa nifeke ma roro ia tsharawa tagata nifetacina, ma neitucua iotshi afasao fatorikio tafare mori ma fakou sore neitucua iacrawa.

²⁴Wamuri acre neirogona ra, acre tshicitshia tshare norio ia Atua ia fenagaro tishana, ma neitucua, Teriki sore akoi Atua neimna taragi ma iafanua wararonei, ma tatai, ma ane iotshi konofo ia acre.

²⁵Akoi ia rogoutu o tshou fitshicou Tevit neitucua, Tiaha tagata pouri fakainina, ma tagata komintua anea isa?

²⁶Fatoriki fanua wararonei nikotu, ma fakou sore nifetacina feimacowa Ihova, ma feimacowa tshana Kristo.

²⁷Ma tamari nifeimacowa tshou nontariki erefisa Iesu, aia akoi niamosia, Herot ma Pontus Palet, ia tagata pouri, ma ia tagata Isreil nifetacina,

²⁸Ma keimna ane iotshi tshou norima ma tshou afasao neitucua mukei mokagi keimna.

²⁹Ma milou, Teriki sore, kowcitia tshare neitucuasana mukei ia ioria isa; ma katufwa tshou fitshicou, pe acre ia tomatua sore kafakairo tshou afasao.

³⁰Ia fakatonusia tshou norimo keipenpena tagata, ma pe ane kowcitia ma ane sore imna ia neigo o tshou nontariki erefisa Iesu.

³¹Wamuri acre nimori; nivirviri ta none acre nifetacina iai; ma acreiotshi nifonu ia Nokano Tapu, ma acre nifasao ta fasao o Atua ia tomatua sumtacu.

³²¶ Ma acre iotshi nifetacina iai pe nifakarogrogo, tshare roto ma finagaro tishana; ma jimra tasi o acre neitucua anea mane tshana aia niamo tshana ana; kaia ane iotshi tshare neinofo ia acre iotshi.

³³Ma ia tomatua sore ta apostolo nifakairo tagata o ta masike ia tagata nimate o ta Teriki sore Iesu, ma karafeina sore neinofo ia acre iotshi.

³⁴Ma jimra tasi o acre tshana ane jimra, ma acre pe tshare afanua mo afare acre nifakamata acre ia faruke, ma niamai ta nomata o ane iotshi acre nifakamata.

³⁵Ma neinagi acre nomata ia novai o ta apostolo; ma acre nitarawiai ia tagatotshi totonu hepe tshare jimra.

³⁶Ma Joses, aia acre apostolo neitapa neigo wamuri Barnabas (ta nokano neigo tira, ta nontariki o tafasao arefia), aia ta tane o Livai, ma o fanua o Saiprus,

³⁷Tshana fanua aia nifakamata, ma niamai ta nomata mone neinagi aia ia novai o ta apostolo.