Read Futuna-Aniwa AVERE O APOSTOLO 6 Bible Online

AVERE O APOSTOLO 6 - Futuna-Aniwa bible

AVERE O APOSTOLO 6

¹I Anopogera, nifakatapuria nalupai tagata nifakairo, neinace iai nifiatu sisi i afasao o tagata Crisi ia tagata Hibru, ianenei tshare fakaneicuso o fakou nimate nigaro ia nokotufwa takai nopoge ma nopoge.

²Wamuri ra ta twelv nitapa iotshi tagata mori, ma neitucua iacre, Jimra erefia pe acime natshicina ta fasao o Atua ma vere hepe afitshicou o afata.

³Ianenei, anoso, kasara acowa fitu takou o acowa tshare magane totonu hepe iotshi keiro, ma acre fonu o Nokano Tapu ma arapakou, acre acitia nagi iatavere nei.

⁴Kaia acime eitufwa mukei acime nopoge ma nopoge ia tamori, ma ia kova tafasao tapu.

⁵Ma ta fasao ra tagatotshi fetacina neicitiafakarafia; ma acre neikamata Stifanus, aia tatane nifonu o fakarogrogo ma o Nokano Tapu, ma Filipos, ma Prokorus, ma Naikenor, ma Taimon, ma Parminas, ma Nikolas o Antiok aia niamo ta mori o tagata Juteia.

⁶Acre neinagi acre mokagi ta apostolo; ma wamuri acre nimori, acre nagi norima tshare iluga acre.

⁷Ma ta fasao o Atua nisore, ma tagata acre nifakatapuria nalupai su ia Jerusalem, ma nalupai o tagata tapu maganerefia ia ta fakarogrogo.

⁸¶ Ma Stefanus aia nifonu o fakarogrogo ma tomatua, aia neimna avere sore ia tagata nimasara iateia.

⁹Nopogera nimasike faru tagata o tafare mori acre magane hepe acre acitiafakarafia, ma o tagata o Sairine, ma o Aliksantria, ma o acre o Selisia, ma o Esia, nikofiatu afasao o Stefanus.

¹⁰Ma acre taru ioria ta arapakou ma ta nokano o afasao aia nikofasao.

¹¹Iai acre nifakamata fakou, acre neitucua acime nakarogona aia nifasosa ma tapu feimacowa Moses ma Atua.

¹²Ma acre neimna isa aroto o tagata, ma takou sore, ma takou nifakairo, ma nimai iateia, nipurutshia aia, ma niarafia aia ia takou sore fakatupu.

¹³Ma neinagi tagata korifu iateia, acre neitucua, Tatane tenei segapumana kafasosa tapu ia tafare erefia nei, ma tafasao tapu;

¹⁴Ma acime neirogona aia neitucua, tenei Iesu o Nasareth katakaroiai tumrai tenei, ma kafuri amagane Moses neitufwa acitia.

¹⁵Ma iotshi takou sore neinofo ia fakatupu, neicitia mukei aia, neicitia tshana foimata hepe aia ta foimata o tasi agelo.