Read Futuna-Aniwa ROMANIS, 12 Bible Online

ROMANIS, 12 - Futuna-Aniwa bible

ROMANIS, 12

¹IANEI avou fakouia mukei acoua anoso, ia ta akarofa o Atua, pe acoua tufwa aia atshinoua ta mouri akavari, tapu, acitiafakarafia ia Atua, tenei ko niana vere erefia.

²ma semagane acoua hepe fanua wararonei, kaia erefia acoua keitafuri ia ta penpena fou fenagaroua, pe acoua keiro taha ko ta erefia, ma mugaro, ma totonu fenagaro o Atua.

³Ma avou koutucua, ia ta karofa o Atua neitufwa iatavou, ia iotshi tatane konofo ia acoua, sementua aia sore kage taha ko erefia; kaia keimentua totonu, hepe Atua naka tufwa tasi ma sece iotshi tane tshana nuntafa o ta fakarogrogo.

⁴Ma hepe acitia nakamo anuntafa nalupai ia tasi notshino, ma iotshi anuntafa senakamo tasi ana vere.

⁵Hepe ma, acitia nalupai, konofo tasi notshino ia Kristo, ma tasi ma sece iotshi nuntafa o tase ma faruke.

⁶Nakamo arapakou ia avere tasi ma o sece hepe ta karofa neitufwa iacitia, pe o aprofeta, erefia acitia kova ane komai hepe ta tomatua o tshote fakarogrogo.

⁷Mo o avere, erefia acitia tomatua keivere; mo aia fakairo, tomatua ia ta nokofakairo;

⁸Mo aia kova, tomatua ia ta nokova; Aia pe kotufwa, emna aia totonu; aia emna ta vere o teriki, tomatua iateia; aia kotufwa karofa, tufwa ia kabisa iateia.

⁹Erefia acitiafakarafia nofo ma sekarasia iateia. Feimacoua sore ane ko isa, purutshia mukei anea mane erefia.

¹⁰Maganerefia tasi ia tasi foci iotshi o acoua ia acitiafakarafia o anoso; ia kabisa pe tasi konofo iluga tasi foci;

¹¹Setaru ia niote vere; tomatua nokomori ia nokano; nokovere ia ta Teriki sore;

¹²Nokabisa ia ta nanacina; fenagaro nofo merino ia ane takaroiai arotua; segapu ia amori;

¹³Nokotufwa akai ma ia tagata o Iesu pe niare jimra; nokotufwa akai ia faruke ma.

¹⁴Fasao erefia iacre fakoko sewa acoua, fasao erefia, ma sesaciria.

¹⁵Kabisa ia acre kabisa, ma tagi ia acre kotagi.

¹⁶Erefia fenagaroua nofo totonu hepe tasi ia acoua iotshi. Fenagaroua senofo ia ane sore, kaia ia fakou niare ane jimra. Sekabisa ia niaua arapakou sore.

¹⁷Seioria isa ia tane tasi hepe tshana maganisa iacoua. Fakamata ma tomatua vere ia akai ma mokagi foimata o tagatotshi.

¹⁸Pe tomatua iateia nofo acoua merino sefiatu tagatotshi.

¹⁹Nakacitiafakarafia sore, seioria tagata takaroiai arotoua, kaia towaki ta fakainina, ma aia neisereace, Ta ioria o anea ko tshaku; Avou kaioria, koutucua ta Teriki sore.

²⁰Ianenei pe aia feimacoua akoi kotshitogi, fakeina aia; pe aia komate tavai, tufwa aia keinu, ma ia magane nei akoi kanagi tiafi iluga tshana nouru.

²¹Fatshigeia ane isa setaroiai arotoua, kaia ioria ane isa ia amaganerefia.