Read Futuna-Aniwa ROMANIS, 13 Bible Online

ROMANIS, 13 - Futuna-Aniwa bible

ROMANIS, 13

¹EREFIA iotshi tagata fakarogona ta fasao ma vere erefia ia fatoriki sore, ma jimra tasi tomatua, kaia o Atua. Fatoriki nofo hepe neinagi o Atua.

²Ianenei aia kofiatu ta teriki, kofiatu aia Atua neinagi, ma acre fiatu kamo iacre ioria sa.

³Ma fatoriki ko jimra emna tagata maganerefia kumtacu, kaia acre maganisa. Ma tiaha akoi sekumtacu ta teriki? Maganerefia ma aia kafasao erefia iatakoi.

⁴Ma aia ko ta fetshicou o Atua iatakoi ia avere erefia, kaia pe akoi maganisa, erefia akoi kumtacu; ma aia seamo tomatshira palo ia taru; ma aia ko ta fetshicou o Atua keiioria acre maganisa.

⁵Ianenei erefia acoua fakarogona ma vere erefia iateia, jimra kumtacu ioria o fakainina ana, kaia ia fenagaro mugaro ia merino o maganerefia.

⁶Ma ia ane nei acoua fuko mone tsha teriki, ma acre afetshicou o Atua nokonofo ia tenei vere.

⁷Fuko iotshi niare ioria o mone totonu; mone o teriki ia aia, kumtacu ia acre erefia kumtacu iacre, ta sore ia acre sore.

⁸Erefia natshicina ioria tasi tane ane tase, kaia keicitiafakarafia tasi ma tasi foci iotshi, ma aia acitiafakarafia faruke nakamna magane totonu ia ta fasao tapu.

⁹Ma tenei, Akoi sekotshigo fafine mo tatane tsha faruke; Akoi sekotaia mate tagata; Akoi sekotshigo; Akoi sekorefu o magane tsha faruke; Akoi sekeremoa ane tsha faruke; ma pe tasi foci fasao tapu mukei nofo, aia ia fasao nei poto, Akoi kacitiafakarafia faruke tagata nofo itata akoi hepe akoi-acitiafakarafia akoi.

¹⁰Acitiafakarafia seemna vere isa ia tshana faruke nofo itata aia, ianenei acitifakarafia ko magane totonu ia ta fasao tapu.

¹¹Ma pe nokeiro anopoge nei, pe aia ko melou erefia kuara ia ta mero; ma melou tshote anea mouri ia taragi ko itata, aia papai ia nopoge acitia nifakarogrogo.

¹²Ta tupo ko itata kurava, ma tiau ko itata, ianenei erefia acitia amke towaki avere o apouri, ma erefia acitia kataka ia umega o tatoua o merama.

¹³Erefia acitia roro totonu ia tamare, hepe ia tiau, jimra ia afasao sore isa ma nokonumea akava mo avai toga kona, jimra ia maganisa ia afine, jimra ia fiatu ma keireiro.

¹⁴Kaia acoua kataka ia ta Teriki Iesu Kristo, ma seemna avere o konouri, keimaganisa ia aia