Read Futuna-Aniwa ROMANIS, 2 Bible Online

ROMANIS, 2 - Futuna-Aniwa bible

ROMANIS, 2

¹IANENEI akoi tane sekoutucua akoi sekeiro ioria o amaganisa, ma ia anera akoi koutucua ioria tsha faruke, ia ane nei akoi koutucua tshou ioria, ma akoi ioria faruke emna amaganisa hepra.

²Kaia acitia keiro Mari pe ta ioria o Atua ko totonu ia tamari, ia acre amaganisa hepera.

³Ma akoi mentua tenei, kai tane, akoi koutucua ioria o acre emna amaganisa, hepra tshou amagane, pe akoi feke ioria o Atua?

⁴Mo akoi feimacoua tshana sore maganerefia? Ma aia nigapu ioria akoi, ma sekeiro amaganerefia o Atua arafia akoi kuafe ma keitagi amaganisa?

⁵Kaia wamuri ta mukei o tshou roto sekuafe, kaia kanagi iatakoi fakainina fakatapuria ia ta nopoge o fakainina aia kafakairo ta ioria totonu o Atua.

⁶Aia kaioria tagatotghi hepe niare amagane;

⁷Iacre nofo mukei totonu ia maganerefia, fatshigeia ta sore ma erefia, anea mouri atou ma tou;

⁸Kaia iacre fiatu, ma semaganerefia ia ta fasao mari, kaia maganisa, fakainina ma ioria isa.

⁹Aroto komai sore su ma tagi ia ta nokano o togatotshi maganisa, o fakou o Juteia mokagi, ma foci o fakou o Crisi.

¹⁰Kaia ta sore erefisa ma merino ia tagototshi kovere ia maganerefia ia fakou o Juteia mokagi, ma foci ia fakou o fanua pouri.

¹¹Ma tagata o tasi fanua secitiafakarafia sore kage tagata o tasi foci fanua ia Atua.

¹²Ma iotshi neimna maganisa ma sekeiro ta fasao tapu kaioria acre hepe sekeiro tafasao tapu, ma acre iotshi amaganisa ia afasao tapu kaioria acre ia afasao tapu.

¹³Ma jimra tagata fakarogona ana ta fasao tapu konofo erefia mokagi Atua, kaia acre kovere hepe ta nokofakairo o ta fasao tapu kanagi erefia.

¹⁴Ma pe tagata o iafanua pouri seamo tafasao tapu, emna ia niare fakairo amagane hepe ta fakairo o ta fasao tapu, acre sekeiro ta fasao tapu, kaia acre hepe afasao tapu ia acre.

¹⁵Ane nei fakairo avere o ta fasao tapu neiserea ia niare aroto, ma fenogarore kofakairo acre nopoge ma nopoge taha vere isa ma taha erefia.

¹⁶Ia taha nopoge Atua kaioria afasao mune ia aroto o tagata ia Iesu Kristo hepe tshaku fasao erefia fakairo.

¹⁷Koucitia tapa akoi tane o Juteia, ma kogapu ia afasao tapu, ma koutucua akoi kabisa ia Atua.

¹⁸Ma keiro tshana fenagaro, ma keiro anea mane erefia, hepe ta fasao tapu fakairo akoi;

¹⁹Ma keiro tamari pe akoi fakairo acre pouri, tasi marama ia acre konofo ia apouri.

²⁰Tasi fakairo acre searapakou, ma fakairo acre erecriki sisi, akoi nakamo ta noaga o arapakou, ma o ta mari ia tafasao tapu.

²¹Akoi pe fakairo faruke, tiaha akoi sefakairo akoi? Akoi pe kova itapu tagata tshigo, akoi tshigo mo?

²²Akoi pe kova itapu tane tshigo fafine tsha faruke, Akoi tshigo fafine tsha faruke mo? Akoi pe feimacoua sa tetua o tagata pouri akoi tshigo ane o tshare tafare mori mo?

²³Akoi ia tshou afasao kabisa sore ia tafasao tapu, ia iauiai tafasao tapu akoi feimacoua Atua mo?

²⁴Ma tagata o fanua pouri fasosa tapu ia ta neigo o Atua ia niaua magane, hepe aia neisereace.

²⁵Ma ta sereapono ko erefia, pe akoi maganerefia ia ta fasao tapu; kaia pe akoi takaroiai ta fasao tapu, tshou sereapono ko emna sesereapono,

²⁶Ianenei pe ta sesereapono maganerefia ia nokano o ta fasao tapu, tiaha tshana sesereapono kamo ioria i aia hepe sereapono?

²⁷Ma tiaha sesereapono hepe ia erecriki nifarere, pe aia maganerefia ia ta fasao tapu, koutucua akoi isa, pe ia tafasao ma sereapono iauiai tafasao tapu?

²⁸Ma aia kojimra tane o Juteia pe nofo watafa ana, ma foci jimra tina segeapono pe konofo ia ta konouri ana;

²⁹Kaia aia tane o Juteia, pe konofo ia tshana roto, ma sereapono ko pe o aroto, ia ta nokano, ma jimra ia ta fasao ana, tagata sekabisa iateia, kaia o Atua.