Read Futuna-Aniwa ROMANIS, 3 Bible Online

ROMANIS, 3 - Futuna-Aniwa bible

ROMANIS, 3

¹IANENEI taha erefia konofo ia tagata o juteia? Mo taha erefia ia sereapono?

²Sore erefia ia ane iotshi, ma sore kagi iostshi, ia acre neitufwa afasao tapu erefisa o Atua?

³Mo tiaha pe faru sefakarogrogo? pecua niare sefakarogrogo takaroiai ta fakarogrogo o Atua?

⁴Atua neitucuasana ra, keini, erefia Atua nofo ia ta mari, kaia tagototshi korefu; hepe aia koserea; Pe akoi nofo ta mari ia tshou afasao totonu, ma nagi erefia ia ta nopoge o tshou ioria.

⁵Kaia pe tshote magane safi imna acre keimata ta maganerefia o Atua, taha acime katucua? Ko Atua magane safi pe aia ioria ia fakainina? (avou fasao hepe tasi tane,)

⁶Atua neitucuasana; ma wamurira tiaha Atua koutucua ioria o tagatotshi ia iotshi fanua wararonei?

⁷Ma pe ta mari o Atua nofo kosore iateia ia tshaku korefu, tiaha wamurira aia ioria avou hepe tasi maganisa?

⁸Ma jimra, hepe faru korefu ia tshome magane, ma (hepe faru koutucua mukei acime fasao), erefia acime emna ane isa, pe ioria erefia komai iateia, ko totonu ioria acre isa.

⁹Taha wamurira? Acime erefia sore kagi acre mo? Jimra, jimra ia ane tasi, ma acime mokagi neinagi tagata o Juteia ma tagata o fanua pouri iotshi nofo iraro maganisa.

¹⁰Hepe aia neisereace jimra tasi tane magenerefia totonu, ko jimra tasi ana.

¹¹Jimra tasi keiro erefia, ko jimra tasi fatshigeia wamuri Atua.

¹²Acre iotshi nitafuri ta teretu, acre iotshi semaganerefia, kojimra tasi maganerefia, jimra tasi ana.

¹³Fatshigorea ko fakamana hepe terua o tagata mate, ia niare anoreo acre nakarasia, ta ane kona o tamokabla konofo iraro anokiri o niare arogoutu;

¹⁴Niare rogoutu kofonu o fasosa tapu ma kona;

¹⁵Novaiorea tere melou keiregea toto;

¹⁶Takaroiai ma emna aroto komy o tagi konofo ia aretorea;

¹⁷Ma ta teretu o merino acre sekeiro;

¹⁸Ta kumtacu o Atua senofo mokagi foimatorea.

¹⁹Melou acime keiro pe iotshi fakairo o ta fasao tapu, aia koutucua iacre nofo iraro ta fasao tapu; pe pofna iotshi rogoutu, ma tagata o iafanua iotshi nofo iraro ta ioriasa o Atua.

²⁰Ianenei ia ta vere o ta fasao jimra tasi tane maganerefia emoa tshana foimata; ma ia ta fasao tapu ko ta fakairo o ane isa.

²¹Kaia melou ta magane totonu erefia o Atua koucitia pe ta fasao tapu kojimra, aia nokoucitia ia tatapuria o afasao tapu ma o aprofeta;

²²Ta maganerefia o Atua aia komai ia ta fakarogrogo ia Iesu Kristo iacre iotshi fakarogrogo aia, ma acre hepe tasiana;

²³Ma acreiotshi nimaganisa, ma senofo erefia ia ta vere o Atua.

²⁴Nokonagi erefia acitia ia tshana karofa, ia ta ioria o maganisa ia Kristo Iesu;

²⁵Aia Atua neinagi keiioria ia ta fakarogrogo ia tshana toto, keifakairo tshana maganerefia ko ta ioria o amaganisa neimna, ia ta seioria melowa o Atua;

²⁶Keifakairo, avou koutucua, i anopoge nei tshana ioria totonu, pe aia emna amagane totonu erefia, ma nagi ioria totonu ia aia fakarogrogo ia Iesu.

²⁷Wehe afasao sore o tagata ma? Aia ko touwaki. Ia taha fasao tapu? O avere mo? Jimra; kaia ia ta fasao tapu o fakarogrogo.

²⁸Ianenei acime keiro pe tatane konagi erefia ia fakarogrogo pe avere o tafasao tapu jimra.

²⁹Ko aia ta Atua o tagata o Juteia ana? Aia ko foci o tagata o fanua pouri? Keini aia Atua o tagata o fanua pouri ma;

³⁰Nokoucitia aia ko tasi Atua, aia kanagi erefia ia tshana ioria tagata sereapono ia fakarogrogo, ma acre sesereapono ia ta fakarogrogo.

³¹Acitia towaki tafasao tapu ia ta fakarogrogo mo? Atua neitucnasana ra; keini, acitia nagi mukei erefia ta fasao tapu.