Read Futuna-Aniwa ROMANIS, 5 Bible Online

ROMANIS, 5 - Futuna-Aniwa bible

ROMANIS, 5

¹IANENEI konagi erefia ia fakarogrogo, acitia nakamo merino ia Atua, ia tshote Teriki Iesu Kristo;

²Ia aia foci katufwa iacitia ia tenei fakarogrogo ia tenei karofa ia aia acitia kotu, ma kabisa ia ta nanacina o ta sore o Atua.

³Ma Jimra hepera ana, kaia acitia kabisa foci ia anea takaroiai arotomea, nokeiro pe anea takaroiai arotomea emna fenagaro nofo totonu merino.

⁴Ma fenagaro merino, fakairo taha erefia, ma fakairo taha erefia, nanacia;

⁵Ma nanacina seemna aroto koma, ianenei ta acitiafakarafia o Atua neinage ia arotomea ia ta Nokano Tapu neitufwa iacitia.

⁶Ia nopogera acime setomatua, ia nopoge iateia Kristo nimate ioria o amouri o tagata isa.

⁷Jimra ia tasi tane magane totonu erefia, tatane tasi koutucua tshi avou mate ma tashicina aia, kaia ioria tasi tane erefisa faru koutucua tshi avou mate.

⁸Kaia Atua neitufwa tshana acitiafakarafia iacitia ia ane nei, ia nopoge acitiotshi isa, Kristo nimate ma acitia.

⁹Sore kagira melou, nokonagi erefia ia tshana toto, aia kapere acitia ia fakainina ia aia.

¹⁰Ma pe ia nopoge acitia feimacoua aia, arotomea emna mugaro ia Atua ia ta mate o tshana Nontariki, sore kagi neinofo mugaro iateia, aia kapare acitia ia tshana mouri.

¹¹Ma jimra tenei ana, kai acitia foci kabisa ia Atua ia tshote Teriki Iesu Kristo, ia aia neitufwa iacitia ta toto neiregea nori amaganisa.

¹²Ianenei hepe ia tasi tane aneamane isa nimai ia fanua wararonei, ma ta mate nimai ia ane isa; ma ta mate konofo ia tagatotshi, ma iotshi nimaganisa:

¹³Ma ia nopoge tafasao tapu nimai, anea isa neinofo ia iafanua; kaia ane isa senagi ia acre pe tafasao tapu jimra iai.

¹⁴Kaia ta mate niamke acre ia Atam ma ia Moses, ma ia acre semaganisa hepe Atam, aia ta noata o aia keimai.

¹⁵Kaia jimra hepe ta maganisa, hepe ma foci ko ta karofa. Ma pe hepe ia ta maganisa o tasi tane nalupai neimna mate, sore kagi ia ta karofa o Atua, ma ta ane neitufwa ia ta karofa, aia komai ia tasi tane, Iesu Kristo, nakatufwa ia nalupai.

¹⁶Ma jimra hepe ia ta tasi nimaganisa, hepe ma ta karofa, ma ta ioria nimai ia tasi keitucua iotshi isa, kaia ta karofa ko o nalupai amaganisa ia touwaki o iotshi ioria iateia.

¹⁷Ma pe ia ta maganisa o tasi tane, ta mate tomatua ia tasi, sore kage acre amo ta sore karofa, ma o ta karofa o magane totonu katomatua ia ta mouri ia ta tasi Iesu Kristo.

¹⁸Ianenei hepe ia ta maganisa o tasi ta ioria nimai ia tagatotshi keinagi acre isa, hepe ma ia ta maganerefia totonu o tasi ta karofa nimai ia tagatoshi keimna erefia keitufwa acre ta mouri

¹⁹Ma hepe ia ta iauiai afasao ia tasi nalupai neimna isa, hepe ma ia ta fakarogona afasao ma maganerefia o tasi nalupai kamna erefia.

²⁰Ma afasao tapu nimai pe tagatotshi keiro taha isa, kaia wehe ane isa sore, ta karofa sore kagi kotufwa.

²¹Hepe ane isa tomatua ia ta mate, hepe ana ta karofa tomatua ia magane totonu ia anea mouri atou ma tou ia Iesu Kristo tshote Teriki.