Read Futuna-Aniwa ROMANIS, 7 Bible Online

ROMANIS, 7 - Futuna-Aniwa bible

ROMANIS, 7

¹SEKEIRO acoua anoso, ma avou fasao ia tagata keiro ta fasao tapu, pe ta fasao tapu ko tomatua fakairo ta tane iotshi nopoge aia komouri.

²Ma ta fine nakamo tasi nonwane kofousia ia ta fasao tapu ia tshana nonwane iotshi nopoge aia komouri; kaia pe tshana nonwane ko mate, aia ko vetea ia ta fasao tapu ia tshana nonwane.

³Hepera ma pe i anopoge tshana nonwane ko mouri, aia kovaga ia tasi foci tane, katapa aia fine tshigo tatane tsha faruke, kaia pe tshana nonwane ko mate, aia ko eivetea ia ta fasao tapu, ma aia jimra fine tshigo, pe aia kovaga ia tasi foci tane.

⁴Ianenei tucusoa acoua foci nimate ia ta fasao tapu ia ta notshino o Kristo, pe acou nakavaga ia tasi foci, ia aia ko masike ia tagata nimate, pe acitia kohua erefia ia Atua.

⁵Ma iotshi anopoge acitia neinofo ia ta konouri, ta tomatua o anea isa, nimai ia tafasao tapu, niavere ia tshote anuntafa o notshinote nokohua ia ta mate.

⁶Kaia melou acitia neivetea ia ta fasao tapu, anera nimate nipurutshia acitia, pe acitia kovere ia nokano fou, ma jimra ia ituai tatapuria tapu.

⁷Taha acitia katucua wamurira? Ko tafasao tapu? Atua neitucuasanara. Avou sekeiromana taha isa, kaia ia ta fakairo o ta fasao tapu; ma avou sekeiro kogavivi i keremoa ane tsha faruke, pe ta fasao tapu sekoutucua, akoi sekarimu ane tsha faruke.

⁸Kaia ane isa tomatua ia ta fasao tapu, niavere ia avou iotshi keremoa isa o anea tsha faruke. Ma pe tafasao tapu jimra ane isa nimate.

⁹Ma avou nimouri ia nopoge sekeiro ta fasao tapu, kaia ia nopoge ta fasao tapu nimai neitucuasana anea isa, ane isa nimouri foci, ma avou nimate.

¹⁰Ta fasao tapu neitucuasana ane isa neitufwa ia anea mouri, avou neicitia aia arafia ia ta mate.

¹¹Mo anea isa, tomatua ia ta neitucuasana o ta fasao tapu, niarasia avou, ma ia aia nisawa avou.

¹²Ianenei ta fasao tapu ko tapu, ma tshana neitucuasana ko tapu, ma totonu, ma erefisa.

¹³Tiaha aia erefisa neimna mate iatavou mo? Atua neitucuasanara. Kaia ane isa pe tagata kacitia aia isa, nokovere ta mate ia avou ia ane konofo erefia, pe ane isa ia ta neitucuasana necitia isa sore su.

¹⁴Ma acitia keiro pe ta fasao tapu nofo ia ta nokano, kaia avou o ta konouri, nofakamata ia ane isa.

¹⁵Ma anea avou emna, avou sekoutucua aia erefia; ma taha avou acitiafakarafia avou seemna, kaia taha avou feimacoua, anera avou emna.

¹⁶Pe avou emna taha avou feimacoua, avou tepe pe tafasao tapu ko erefia.

¹⁷Wamurira ko jimra avou maganisa, kaia ane isa nofo ia avou.

¹⁸Ma avou keiro pe ia avou, ia tshaku konouri, sekonofo tasi ane erefia, ma tshaku fenagaro acitiafakarafia emna magane erefia, kaia avou taru keimna ane erefia.

¹⁹Ma ta ane erefia pe avou acitiafakarafia avou seemna, kaia ane isa avou feimacoua, avou emna.

²⁰Ma pe avou emna taha avou feimacoua, wamurira avou jimra emna ane ra, kaia ane isa nokonofo ia avou.

²¹Avou koucitia tasi fasao tapu, pe avou acitiafakarafia emna ane erefia, ane isa konofo ia avou.

²²Ma avou kabisa ia ta fasao tapu o Atua, ia kuroto.

²³Kaia avou koucitia tasi foci ta fasao ia tshaku notshino, nokofiatu ta fasao tapu o tshaku fenagaro, ma nokoarafia avou iraro ta tomatua o ane isa nokonofo ia tucutshino.

²⁴Kawe avou tane fenagaro komy sore su! akai kapare avou ia ta notshino o tenei mate?

²⁵Avou thank Atua ia Iesu Kristo tshote Teriki. Hepera ma ia ta fenagaro avou kovere ia ta fasao tapu o Atua, kaia ia ta konouri ta fasao o anea isa.