Read Futuna-Aniwa FAKATASI KORINTHUS, 1 Bible Online

FAKATASI KORINTHUS, 1 - Futuna-Aniwa bible

FAKATASI KORINTHUS, 1

¹PAULO, nitapa ia ta vere o tasi apostolo o Iesu Kristo, ia ta fenagaro o Atua, ma Sosthinus tshote noso,

²Ia ta kalasia o Atua konofo ia Korenth, ia acre neipenpena ia Kristo Iesu, nitapa keinofo tagata o Iesu, ia iotshi ia fanua iotshi komori ia ta neigo o Iesu Kristo tshote Teriki, tshare ma tshote.

³Karofa ia acoua, ma merino, ia Atua tshote Tata, ma ia ta Teriki Iesu Kristo.

⁴Avou mori ia thank tshaku Atua segapu ia acoua, nokobisa ia ta karofa o Atua kotufwa acoua ia Kristo Iesu;

⁵Pe ia ane iotshi acoua amo outa sore ia aia, ia iotshi akova, ma ia iotshi arapakou.

⁶Hepe afakairo o Kristo neinofo mukei ia acoua.

⁷Ma neitufwa iacoua iotshi karofa erefia; nokotari ta nokomai o tshote Teriki Iesu Kristo.

⁸Aia ma kanagi mukei acoua i anopoge kurava, pe acoua nofo ma seioria niaua amaganisa ia ta nopoge o tshote Teriki Iesu Kristo.

⁹Atua ko tamari, ia aia nitapa acoua ia ta vere o tshana Nontariki Iesu Kristo tshote Teriki.

¹⁰Melou avou fakouia mukei acoua, anoso, ia ta neigo o tshote Teriki Iesu Kristo, pe acoua iotshi koutucua teshana afasao totonu, ma pe avaia senofo ia acoua, kaia pe acoua nofo ia tasi fenagaro, ma ia tasi ioria.

¹¹Ma faru neitucua iatavou o acoua, akuso, ia acre o tafare o Kloe, pe afiatu nofo ia acoua.

¹²Ma melou avou koutucua, pe tasi ma sece iotshi o acoua koutucua, avou o Paulo; ma avou o Apolos; ma avou o Sifas; ma avou o Kristo.

¹³Ko Kristo nivaia? Mo tiaha Paulo neitucua ia tererakou fakaravasia ia acoua? Acoua nibaptiso ia ta neigo o Paul mo?

¹⁴Avou thank Atua, avou sebaptisa tasi o acoua, kaia Krispus ma Caius.

¹⁵Pe tasi sekoutucua avou nibaptiso ia tshaku neigo.

¹⁶Ma avou foci nibaptiso tagata o ta fare o Stifanus, ma avou sekeiro pe avou nibaptiso tasi foci.

¹⁷Ma Kristo sekouna avou keibaptiso, kaia keikova ta fasao erefia; jimra ia afasao arapakou ana pe ta fakaravasia o Kristo seneimna taru.

¹⁸Ma ta nokova o ta fakaravasia ko iacre koto ia tiafi sore magane nokoukali; kaia ia acitia nipare ia anea mouri aia ko ta tomatua o Atua

¹⁹Ma aia ko sereace, avou takaroiai ta arapakou o tagata arapakou, ma keiiauiai ta fenagaro o tagata arapakou.

²⁰Wehe ko aia arapakou? Wehe ko aia serea tatapuria? wehe ko aia fiatu ia afasao o fanua wararonei? Atua nakamna koukali ta arapakou o ta iafanua wararonei?

²¹Ma wamurira ia ta arapakou o Atua ta iafanua wararonei ia arapakou sekeiro Atua, Atua nibisa ia ta antiriari o nokova keipare acre pe fakarogrogo.

²²Ma fakou o Juteia fakouia ane sore kamata, ma fakou o Crisi fatshigeia arapakou;

²³Kaia acitia kova Kristo ia terarakou fakaravasia nimate, ia tagata o Juteia ane emna acre tshipatshipa, ma ia tagata Crisi afasao antiriari.

²⁴Kaia ia acre nitapa, o tagata o Juteia ma o tagata o Crisi, Kristo ta tomatua o Atua, ma ta arapakou o Atua.

²⁵Ianenei ta antiriari o Atua ko arapakou sore kagi o tagata, ma ta taru o Atua ko tomatua sore kagi ta tomatua o tagata.

²⁶Ma acoua anoso koucitia niaua nokotapa, pe jimra nalupai fakou arapakou wamuri ta konouri, jimra nalupai tomatua, jimra nalupai fakou sore nitapa.

²⁷Kaia Atua nakatapa ta anea antiriari o tenei fanua wararonei keiiauiai acre arapakou; ma Atua nakatapa anea taru o tenei fanua wararonei keiiauiai anea mane tomatua sore,

²⁸Ma ane sisi o ta iafanua, ma anea nifeimacoua, Atua nakamo, ma anea kojimra, keiiauiai anea nofo.

²⁹Pe jimra tasi ia ta konouri kosore emoa aia.

³⁰Kaia, o aia acoua konofo ia Kristo Iesu, aia o Atua ko emna iacitia arapakou, ma magane ioria totonu, ma penpena aroto erefia, ma keipare ia amouri.

³¹Pe hepe aia koserea, aia kabisa erefia aia kabisa ia ta Teriki.