Read Futuna-Aniwa FAKATASI KORINTHUS, 10 Bible Online

FAKATASI KORINTHUS, 10 - Futuna-Aniwa bible

FAKATASI KORINTHUS, 10

¹MA anoso, avou secitiafakarafia acoua sekeiro, pe iotshi tamanoteia neinofo iraro ta apa, ma niroro ia iotshi aroto tatai ia ta nofokagi.

²Ma nibaptiso acre iotshi ia Moses ia ta apa ma ia tatai;

³Ma acre iotshi nikeina ta akai o nokano.

⁴Ma acre iotshi neinumea o ta nokano avai; ma acre neinumea o tera nokano akou nitafe wamuri acre, ma tafatu sore ra aia ta Kristo.

⁵Kaia ia nalupai o acre Atua nifakainina, ma aia nitouwaki acre ia ta tugogou.

⁶Ma ane iotshi ra kofakairo acitia, sekeiremu roro wamuri anea isa, hepe acre nikeiremu.

⁷Ma foci semori acoua ia tetua pouri, hepe faru o acre, hepe aia ko serea. Tagata neinofo iraro keina ma keinumea, ma nimasike keimako keigoro isa ma.

⁸Ma erefia acitia setshigo afine tsha faruke, hepe faru o acre neimna, ma nito ia tasi nopoge twente ma toru thousant.

⁹Ma erefia acitia sekofeiva ia Kristo hepe faru o acre neiresia aia, ma nito mate nimoutshia o agata.

¹⁰Ma sekogugu acoua, hepe faru o acre nigugu, ma acre nitakaroiai ia aia takaroia.

¹¹Ma ane iotshira nimai iacre keitucuasana acitia, ma acre neiserea keifakairo ma neitucuasana acitia roro wamuri acre ia magane safi, iacitia ta anoporpore o iafanua wararonei komai.

¹²Ianenei erefia aia mentua aia kotu fatshigeia pe aia sekoto.

¹³Jimra tasi karasia komai iacoua, kaia acre komai tagatotshi, kaia Atua komari, ma aia katucuasana keirasia acoua sore kage acoua tomatua sekoto ia aia; kaia aia ia ta karasia kasitu acoua keifeke, pe acoua tomatua sekoto.

¹⁴Ianenei tshaku nakacitiafakarafia, feke papai amori o tetua pouri.

¹⁵Avou fasao hepe ia fakou arapakou, mentua acoua pe erefia taha avou koutucua.

¹⁶Ta taganea kup o afasao erefia acitia mori iateia, ko aia jimra ta tacripoga o ta toto o Kristo? Ma ta bret acitia eifasia ko ta tacripoga o ta notshino o Kristo mo?

¹⁷Ma acitia nalupai nofo hepe tasi bret, ma tasi notshino, ma acitia keina o ta tasi bret.

¹⁸Koucitia Isreil wamuri ta konouri; acrera keina o ta takavari, keina o ta fata?

¹⁹Taha avou koutucua wamurira? pe tetua ko ane, mo pe aneia ko tufwa ia takavari ia tetua ko ane?

²⁰Kaia avou koutucua, pe anea tagata o iafanua pouri takavari, acre aia takavari ia agelo isa, ma jimra ia Atua, ma avou feimacoua pe acoua keina o ta tacripoga ia agelo isa.

²¹Acoua senumea ta kup o ta Teriki, ma ta kup o agelo isa, itapu acoua keina o ta fata o ta Teriki, ma o ta fata o agelo isa.

²²Acitia kosasaga ta Teriki ia koireiro? Acitia tomatua sore kagi aia mo?

²³Ane iotshi mugaro iatavou, kaia ane iotshi seasitu, ane iotshi mugaro iatavou, kaia ane iotshi seasitu fakairo faruke.

²⁴Erefia jimra tasi tane fatshigeia tshana ana, kaia iotshi fakou keifatshigeia asitu faruke.

²⁵Iotshi konouri ko fakamata ia ta fare iateia, keina aia sefakouia afasao o aia ia kumtacu o tshou fenagaro.

²⁶Ma ta iafanua ko tsha Teriki, ma ane iotshi ia aia.

²⁷Pe tasi o acre sefakarogrogo fakouia acoua keifano ia tasi tacripoga ma acoua acitiafakarafia keiroro iateia, ane iotshi ko nagi mokagi acoua keina, sefakouia ane o aia ia kumtacu o fenagaroua.

²⁸Kaia pe tasi tane koutucua iatakoi, tenei kotufwa ia takavari ia tetua pouri, sekeina o aia keifakairo aia neitucua iatakoi, ma seiauiai ta fenagaro, ma ta iafanua ko tsha teriki ma ane iotshi nofo ia aia.

²⁹Fenagaro avou koutucua, jimra tshou, kaia o aia, ma tiaha tshaku magane ko ioria ia fenagaro o tasi foci tane.

³⁰Ma pe avou ia ta karofa keina, tiaha acre fasosa o avou ia anera avou mari athank iateia.

³¹Ianenei pe acoua keina, mo keinu, mo ia ane iotshi acoua emna, emna ane iotshi ia Atua.

³²Seiauiai aroto o tasi, jimra o tagata o Juteia, mo o tagata o fenua pouri, mo o ta kalasia o Atua;

³³Hepe avou emna aroto o tagatotshi mugaro ia ane iotshi, sefatshigeia tshaku ioria, kaia ta ioria ia tagata nalupai, pe arafia acre ia anea mouri.