Read Futuna-Aniwa FAKATASI KORINTHUS, 11 Bible Online

FAKATASI KORINTHUS, 11 - Futuna-Aniwa bible

FAKATASI KORINTHUS, 11

¹EREFIA acoua romai wamuri avou, hepe avou ma o Kristo.

²Melou avou kabisa ia acoua, anoso pe acoua mentua avou ia ane iotshi, ma maganerefia ia ta fakairo mukei avou neitufwa iacoua.

³Kaia avou acitiafakarafia acoua keiro, pe ta teriki o tagatotshi ko Kristo; ma ta teriki o ta fene ko ta tane, ma ta Teriki o Kristo ko Atua.

⁴Iotshi atane nokomori mo nokova, ia topurou ia tshana nouru, semaganerefia ia tshana nouru.

⁵Kaia afine iotshi pe komori mo kova ma tshana topurou nofo ia tshana nouru semaganerefia ia tshana nouru, mo tenei hepe aia kotasia.

⁶Ma pe ta ta fine sekopurou, erefia aia kotasia auru, kaia pe aia koma keitasia ta fine mo aria aia, erefia aia kopurou.

⁷Ma erefia tatane sekopurou tshana nouru, ianei aia ta noata ma ta vere sore o Atua, kaia ta fine aia ta kabisa o tatane.

⁸Ma ta tane semai o ta fine, kaia ta fine o ta tane.

⁹Ma tatane seneimna ia ta fine, kaia ta fene ia ta tane.

¹⁰Ianenei erefia ta fine nakamo tomatua penpena tshana nouru ianenei ta agelo neicitia aia.

¹¹Kaia ta tane senofo pe tafine jimra, mo tafine pe tatane jimra, ia ta Teriki.

¹²Ma hepe ta fine komai o ta tane, hepe ma ta tane komai ia tafine; kaia ane iotshi mai o Atua.

¹³Kamentua ia acoua pe aia ko erefia pe ta fine mori nokotapa Atua ma sekopurou?

¹⁴Ta ane fakairo acoua mo jimra pe tane tasi nakamo foiuru palo, aia koma iateia?

¹⁵Kaia pe ta fine nakamo foiuru palo, aia kabisa iateia, mo tshana foiuru ko tufwa aia hepe ane keiapotshia aia.

¹⁶Kaia pe tasi tane nofo keifiatu, tshome magane sece, ma sece ta magane o ta akalasia o Atua.

¹⁷Ma ia ane nei avou koutucua iacoua, avou sekabisa ia niaua magane, pe acoua fetacina jimra emna acoua erefia ia aia, kaia isa iateia.

¹⁸Ma fakatasi ane iotshi, ia taha nopoge acoua fetacina ia ta kalasia, avou rogona pe acoua kovaia ia acoua, ma avou fakarogrogo tenei hepe ta mari.

¹⁹Ma hepe safi fakairo isa konofo ia acoua, pe acre nofo mukei ia maganerefia iotshi nakoucitia.

²⁰Ianenei ia taha nopoge acoua kofetacina ia tasi none, tenei ko jimra keina ta kai tapu fiafi o ta Teriki.

²¹Ma ia nokokeina iotshi atane amo ma tasi keina mokagi tasi foci tshana akai fiafi, ma tasi kotshitogi, ma tasi foci ko kona.

²²Tiaha? Acoua seamo niaua afare keina ma keinu ia acre mo? mo acoua feimacoua ta kalasia o Atua, ma emna acre koma niare jimra? Taha avou katucua acoua maganerefia ia tenei? Avou sekoutucua acoua maganerefia.

²³Ma ta Teriki neitufwa avou ane ra avou nakatufwa iacoua, Pe ta Teriki Iesu ia ta tupora aia nifakareresia aia niamo bret.

²⁴Ma wamuri aia nimori athank iateia, aia eifasia aia, ma neitucua. Amo, keina; tenei ko tshaku notshino, aia ko eifasia iacoua; emna tenei ia kamentua avou

²⁵Hepera ma aia niamo ta kup, wamuri aia nikeina fiafi, nokoutucua, Tenei kup ko ta fasao fou mukei ia tshaku toto, tenei acoua emna, ia iotshi nopoge acoua kanumea o aia, ia kamentua avou.

²⁶Ma ia nopoge iotshi acoua kakeina o tenei bret, ma kanumea o tenei kup acoua kafakariakatu ta mate o ta Teriki ia taha nopoge aia komai.

²⁷Ianenei aia kakeina tenei bret, ma kanumea tenei kup o ta Teriki, ia aroto sekeiro nokano o tenei, aia iauiai ta notshino ma ta toto o ta Teriki.

²⁸Kaia erefia ta tane fatshigeia tshana amagane pe totonu iateia, ma hepera aia keina o tenei bret ma numea o tenei kup.

²⁹Ma aia keina ma numea isa, keina ma numea ioria isa ia aia, pe ia tshana roto aia sekoucitia ta notshino o ta Teriki.

³⁰Ianenei nalupai kotaru ma komace o acoua, ma nalupai nimero mate.

³¹Ma pe acitia keiro ioria ma penpena arotomea, acime seioria.

³²Kaia i anopoge ioria acitia, acitia fakamtakutshia o ta Teriki, pe i ioria setouwaki acitia ia iafanua wararonei.

³³Ianenei akuso ia nopoge acoua fetacina keikai, tari kogapu ia iotshi kofetacina

³⁴Ma pe tasi tane tshitogi erefia aia keina ia tshana fare, pe acoua sefatacina ia ioria isa. Ma iotshi ane foci avou kemna totonu ia taha nopoge avou kamai.