Read Futuna-Aniwa FAKATASI KORINTHUS, 12 Bible Online

FAKATASI KORINTHUS, 12 - Futuna-Aniwa bible

FAKATASI KORINTHUS, 12

¹MA ia akarofa nokatufwa o nokano tufwa, anoso avou acitiafakarafia acoua keiro.

²Acoua keiro acoua neinofo tagata o fanua pouri, niarafia keimori ia tetua sefasao hepe niarafia acoua.

³Ianenei avou fakairo acoua keiro, pe jimra tatane tasi nokofasao ia ta Nokano o Atua koutucua Iesu isa, ma jimra tane tsi tomatua koutucua pe Iesu ko ta Teriki, kaia ia ta Nokano Tapu.

⁴Ma ta karofa tasi ma sece, kaia tasi ana Nokano.

⁵Ma sece ma sece avere nofo, kaia ta tasi Teriki.

⁶Ma sece ma sece avere kotufwa, kaia aia ko tasi Atua kovere iotshi ia iotshi.

⁷Kaia ta vere o ta Nokano ko tufwa ia iotshi tane keiasitu iotshi.

⁸Ma ia tasi kotufwa ia ta tasi Nokano ta fasao o arapakou, ia tasi foci ta fasao o nokeiro ia ta tasi Nokano;

⁹Ia tasi foci fakarogrogo ia ta tasi Nokano; ia tasi foci ta tomatua o segeake amaci ia ta tasi Nokano;

¹⁰Ia tasi foci ta tomatua keimna ane sore masaro iateia, ia tasi foci keikova ane kamai, ia tasi foci nokeiro pe nokano erefia mo isa; ia tasi foci nokeiro afasao nalupaia, ia tasi foci keifakairo ta nokano o afasao nalupai.

¹¹Kaia iotshi anea ra nokovere ia aia tasi Nokano, nokovaia ia tatane iotshi hepe aia acitiafakarafia.

¹²Ma hepe ta notshino ko tasi, ma nakamo anontafa nalupai, ma iotshi anontafa o tera tasi notshino, acre nalupai, konofo ia tasi notshino, hepe ana ma ko Kristo.

¹³Ma ia tasi Nokano acitiotshi nibaptisa ia tasi notshino, pe acitia tagata o Juteia ma o fanua pouri, pe acitia kofousia mo ragragi, ma nakamna acitia keinumea ia ta tasi Nokano.

¹⁴Kaia ta notshino ko jimra tasi nontafa kaia nalupai.

¹⁵Pe ta novai katucua, Ianenei avou jimra ta norima, avou jimra nontafa o ta notshino, ia ane nei aia kojimra o ta notshino?

¹⁶Ma pe ta nontarega katucua, Ianenei avou jimra ta foimata, avou jimra o ta notshino—ko aia ianenei jimra o ta notshino mo?

¹⁷Pe iotshi notshino nofo tasi foimata, wehe ko to fakarogrogo? Pe iotshi nofo ia ta fakarogona, wehe ko ta nokonamu?

¹⁸Kaia Atua nakanagi iotshi nontafa tasi ma sece ia ta notshino hepe aia acitiafakarafia.

¹⁹Ma pe iotshi tasi ana nontafa, wehe ko ta notshino?

²⁰Kaia melou acre nalupai nontafa, kaia tasi ana notshino.

²¹Ma ta foimata sekoutucua ia ta norima, akoi seasitu avou, ma ta nouru ia ta avai acoua seasitu avou.

²²Jimra, sorekagi anontafa o ta notshino hepe taru, iotshi ko erefia.

²³Ma anontafa o ta notshino acitia mentua acre sesore, ia acre acitia fatshigeia sore kagi vere, ma tshote nuntafa seerefia acitia penpena sore kagi erefisa.

²⁴Mo tshote anontafa erefia acitia seasitu acre, kaia ta Atua neinagi anontafa iotshi o notshino erefia, nakatufwa ta sore vere ia ta nontafa hepe sisi erefia.

²⁵Pe fiatu jimra ia ta notshino, kaia pe iotshi nontafa fatshigeia ma kapare tasi ma iotshi hepe tasi.

²⁶Ma pe tasi nontafa komy iotshi komy ia aia, ma tasi nontafa kosore iotshi kabisa ia aia.

²⁷Ma acoua ko ta notshino o Kristo, ma anontafa ia tasi ma sece.

²⁸Ma Atua nakanagi faru ia ta kalasia, fakasore mokagi apostolo, fakarua aprofeta, fakatoru tagata fakairo, wamuri acre, avere sore mesaro iateia, arofa tufwa penpena acre komace, acre asitu, acre avere o fatoriki, acre keiro afasao nalupai.

²⁹Tiaha iotshi nofo Apostolo? iotshi nofo aprofeta mo? iotshi nofo tagata fakairo mo? iotshi emna ane sore masaro iateia mo?

³⁰Iotshi nakamo ta tomatua keipenpena acre komace mo? iotshi fasao ia afasao o fanua nalupai mo? iotshi keiro nokano o afasao nalupai mo?

³¹Kaia keremoa sore ta arofa erefisa; kaia avou fakairo acoua avere erefisa sore kagi.