Read Futuna-Aniwa FAKATASI KORINTHUS, 13 Bible Online

FAKATASI KORINTHUS, 13 - Futuna-Aniwa bible

FAKATASI KORINTHUS, 13

¹PE avou kofasao ia afasao o tagata ma o angelo, ma seamo acitiafakarafia, avou nofo hepe noreo pe tshi bras, ma tshi tshi cymbal.

²Ma pe avou nakamo ta karofa o ta profeta, ma keiro iotshi ane mune ma iotshi arapakou; ma pe avou nakamo iotshi fakarogrogo emna avou tomatua keiamke aora, ma seamo acitiafakarafia, avou tuntaru.

³Ma pe avou tufwa iotshi tshaku outa keifakeina tagata niare jimra, ma pe avou tufwa tshaku notshino keitugeia ia tiafi, ma seamo acitiafakarafia, anea ra seasitu avou.

⁴Acitiafakarafia nofo merino ma palo, ma kotufwa ane, acitiafakarafia arota semy iateia, ma sefasao sore ia tshana magane, ko jimra tacinakace.

⁵Semagane safi, sekoamo ane tshana, sefakainina meloua, sekamentua ane isa;

⁶Sekabisa ia ane isa, kaia kabisa ia tamari;

⁷Merino ia anea iotshi, fakarogrogo ane iotshi, nanacina ane iotshi, ma sefiatu ia ane iothsi.

⁸Acitiafakarafia senatshicina tagata, kaia afasao o aprofeta nofo, acre ta nopoge kojimra, mo afasao o fanua nalupai, taha nopoge acre kurava, ma arapakou, taha nopoge aia ko jimra.

⁹Kaia acitia keiro ia faru, ma acitia keiro faru ane komai.

¹⁰Kaia ia taha nopoge ane erefisa komai, ia nopoge nei ane keiro faru ana keitouwaki.

¹¹Ia ta nopoge avou tamasisi, avou nifasao hepe tasi tamasisi, avou mentua ma keiro hepe tamasisi, kaia ia atou avou sore tane avou nitouwaki ane tsha tamasisi.

¹²Ma melou acitia koucitia ia tatshiroga pouri; kaia ia ta nopoge tera foimata kacitia ia foimata; melou avou keiro faru; kaia ia nopoge tera avou kakeiro hepe aia keiro avou.

¹³Ma melou konofo fakarogrogo, nanacina, acitiafakarafia, tira acratou, kaia ta sore kage o acratou ko acitiafakarafia.